लेवी 14:57 - नेवाः बाइबल

⁵⁷ शुद्ध खः ला कि अशुद्ध खः धकाः सीकेगु विधि थ्‍व हे खः। छेंगूया पुनेयःगु ल्‍वय् व फ्‍वसा वःगुपाखें शुद्ध जुइगु थुकथं खः।

लेवी 14:57 ပူးပေါင်းရင်းမြစ်များ

यर्मिया 15:19

उकिं परमप्रभुं थथे धयादी, “छ पस्‍ताय् चाल धाःसा छं जिगु सेवा यायेमा धकाः जिं छन्‍त हाकनं थापं याये। छं माःगु खँ जक ल्‍हात धाःसा अले म्‍वाःमदुगु खँ मल्‍हात धाःसा, छ जिगुपाखें खँ ल्‍हाइम्‍ह थें जुइ। थुपिं मनूत छन्‍थाय् लिहां वयेमा तर छ धाःसा इपिं पाखे वने मते।

इजकिएल 44:23

इमिसं जिगु प्रजायात पवित्र व साधारण छु पाः व स्‍यनेमाः अले इमित शुद्ध व अशुद्ध छुतय् यायेगु स्‍यनेमाः।

लेवी 10:10

पवित्र व साधारण अले शुद्ध व अशुद्धया दथुइ छिमिसं पाःगु म्‍हसीकेमाः।

लेवी 13:59

थानातःगु वा सुयातःगु वसः व ऊनया सुतिया वा छेंगूयागु न्‍ह्यागुयागु जूसां फ्‍वसा वइबलय् शुद्ध अशुद्ध धकाः क्‍वःछियेगु विधि थ्‍व हे खः।

लेवी 14:56

मनावइगु, कै व दुबि

लेवी 15:1

परमप्रभुं मोशा व हारूनयात धयादिल,

व्‍यवस्‍था 24:8

छेंगूयागु पुनेयःगु ल्‍वय्‌या बारे धाःसा लेवी पुजाहारीतय्‌सं छिमित स्‍यंगु थें छिमिसं बांलाक यायेमाः। जिं इमित बियागु आज्ञा छिमिसं बांलाक मानय् यायेमाः।