लेवी 14:4 - नेवाः बाइबल

⁴ पुजाहारीं निम्‍ह शुद्धपिं झंगः, थाकुराःमाया कचा, ह्याउँगु का व हिसपमा हयेत उजं बीमाः।

लेवी 14:4 ပူးပေါင်းရင်းမြစ်များ

भजनसंग्रहया सफू 51:7

जि शुद्ध मजुतले जितः हिसप घाँय्‌नं सिलादिसँ, अले जि च्‍वापु स्‍वयाः तुयुसे च्‍वनी।

प्रस्‍थान 12:22

हिसप घाँय्‌मायात प्‍वाँय् चिनाः उकियात हिइ थुनाः लुखाया जवंखवं व फुसय् इलाब्‍यु। छिपिं सुं नं थःपिनिगु छेँनं सुथय् मजुतले पिहां वने दइ मखु।

लेवी 1:14

“‘सुनानं परमप्रभुया निंतिं झंगःतय्‌गु होमबलि छायेगु खःसा व झंगः सुकुभत्तु वा बखुं जुइमाः।

लेवी 12:8

चिधिकःम्‍ह भ्‍याःचा हये मफुसा वं होमबलिया निंतिं छम्‍ह व पापबलिया निंतिं छम्‍ह यानाः सुकुभत्तु जूसां बखुं जूसां निम्‍ह हयेमाः। थुकथं पुजाहारीं वयागु निंतिं प्रायश्‍चित याइ। अले व शुद्ध जुइ।’”

लेवी 14:5

पुजाहारीं छम्‍ह झंगःयात ताजा लः दुगु चाया थलया च्‍वय् तयाः स्‍यायेत उजं बीमाः।

लेवी 14:6

अले वं मेम्‍ह झंगः, थाकुराःमाया कचा, ह्याउँगु का व हिसपमा कयाः ताजा लःया च्‍वय् स्‍याःम्‍ह झंगःया हिइ थुनेमाः।

लेवी 5:7

“‘चिधिकःम्‍ह भ्‍याःचा हये मफुसा वं परमप्रभुयाथाय् थःगु पापया सजाँयकथं निम्‍ह सुकुभत्तु वा निम्‍ह बखुं हयेमाः। छम्‍ह पापबलिया निंतिं व छम्‍ह होमबलिया निंतिं।

गन्‍ती 19:18

अले छम्‍ह शुद्धम्‍ह मनुखं हिसपमा कयाः व लखय् थुनाः पाल, पालय् दुगु थलबल व अन दुपिं मनूतय्‌त छ्वाकेमाः। सीम्‍हया क्‍वँय्, स्‍याःम्‍ह मनूया सीम्‍ह, थःगु कालगतिं सीम्‍ह मनूयात वा सीगाःयात थ्‍यूम्‍ह मनूयात नं अथे हे छ्वाकेमाः।

गन्‍ती 19:6

अले पुजाहारीं देवदारुया सिँकचा, हिसपमा व ह्याउँगु का कयाः च्‍यानाच्‍वंम्‍ह साचाया च्‍वय् वांछ्वया बीमाः।

हिब्रू 9:19

मोशां व्‍यवस्‍थाय् च्‍वयातःगु फुक्‍क आज्ञा ब्‍वना न्‍यंकूबलय् दुगुचा व द्वहंचायागु हि ल्‍वाकछ्यानातःगु लः, हिसप घाँय् व ह्याउँगु ऊनं व्‍यवस्‍थायागु सफुलिइ व मनूतय्‌त थथे धकाः हा यात –