लेवी 14:3 - नेवाः बाइबल

³ पुजाहारीयात छाउनीं पिने सःताः जाँचय् याकेगु। छेंगूया व पुनेयःगु ल्‍वय् लन धाःसा,

लेवी 14:3 ပူးပေါင်းရင်းမြစ်များ

२ राजा 5:14

अले नामान यर्दन खुसिइ क्‍वहां वन। परमेश्‍वरया मनुखं धाःथें हे वं न्‍हय्‌क तक खुसिइ लुकुंबिल। वयागु म्‍ह चिधिकःम्‍ह मचाया म्‍ह थें जुल। अले व शुद्ध जुल।

२ राजा 5:3

वं थः मालिकनीयात धाल, “जिम्‍ह मालिकं सामरियाय् च्‍वंम्‍ह अगमवक्तायात नापलानादिल धाःसा वं वय्‌कःया ल्‍वय् लाय्‌काबी।”

अय्‍यूब 5:18

छाय्‌धाःसा वय्‌कलं घाःपाः यानादी, तर वय्‌कलं पट्टी चिनादी, वय्‌कलं घाःपाः यानादी, तर वय्‌कःया ल्‍हातं लाय्‌का नं दी।

प्रस्‍थान 15:26

वय्‌कलं धयादिल, “छिमिसं थःपिनि परमप्रभु परमेश्‍वरया खँ ध्‍यान बियाः बांलाक न्‍यन धाःसा अले वय्‌कःया मिखाय् छु छु पाय्‌छि जू व यात धाःसा अले वय्‌कःया उजंयात न्‍हाय्‌पं बियाः न्‍यन धाःसा अले वय्‌कःया फुक्‍क नियमत बांलाक पालन यात धाःसा जिं मिश्रीतय्‌थाय् छ्वयाहयागु छुं हे ल्‍वय् छिमिथाय् छ्वयाहये मखु। छाय्‌धाःसा जि हे छिमित लंकाबीम्‍ह परमप्रभु खः।”

लेवी 13:2

“सुं मनूयागु म्‍हया छेंगुलिइ मनावल, इल्‍ल मिंक कै दयावल वा चातः दयावल धाःसा थ्‍व पुनेयःगु छेंगूया ल्‍वय् जुइफु। वयात पुजाहारी हारून वा वया काय्‌पिं मध्‍ये छम्‍ह पुजाहारीयाथाय् हयेमाः।

लेवी 13:46

गुबलय् वयात ल्‍वचं काइ उबलय् तक व अशुद्ध हे जुइ। व याकःचा हे च्‍वनेमाः। व छाउनी पिने हे च्‍वनेमाः।”

लेवी 14:48

“पुजाहारीं हाकनं छेँयात स्‍वःवइबलय् लेवं तये धुंकूबलय्‌निसें अशुद्धगु खाःचि खने मदयाच्‍वंसा व छेँयात वं शुद्ध भाःपीमाः। छाय्‌धाःसा आः खाःचि मदये धुंकल।

मत्ती 10:8

उसाँय् मदुपिन्‍त लाय्‌कि, सीपिन्‍त म्‍वाकी, कोह्रितय्‌त लाय्‌कि, अले भूत पितिनाछ्व। थ्‍व शक्ति छिमित सितिं दुगुलिं छिमिसं नं सितिं हे या।

मत्ती 11:5

कांपिन्‍सं मिखां खन, लंग्रात न्‍यासि वने फत, कोह्रित लाया वन, ख्‍वाँय्‌तय्‌सं ताल, सीपिं मनूत हानं म्‍वानावल, अले चीमिपिन्‍सं भिंगु खँ न्‍यन।

लूका 4:27

अले हानं एलीशा अगमवक्तायागु पालय् नं इस्राएलय् यक्‍व यक्‍व हे कोह्रि जुयाच्‍वंपिं दु। सिरियाय् च्‍वंम्‍ह नामानयात जक कोह्रि जूगु लाय्‌काबिल, मेपिं सुयातं लाय्‌का मब्‍यू।”

लूका 7:22

वय्‌कलं इमित लिसः बियादिल – “छिमिसं छु छु खना व न्‍यना, यूहन्‍नायात वनाः व हे धयाब्‍यु। कांपिन्‍सं मिखां खन, लंग्रात न्‍यासि वने फत, कोह्रित लाया वन, ख्‍वाँय्‌तय्‌सं ताल, सीपिं मनूत म्‍वानावल, अले मगाःमचाःपिन्‍सं भिंगु खँ न्‍यने खन।