लेवी 14:13 - नेवाः बाइबल

¹³ अले वं पापबलि व होमबलि स्‍याइगु पवित्र इलाकाय् चिधिकःम्‍ह भ्‍याःचायात स्‍यायेमाः। छाय्‌धाःसा पापबलि पुजाहारीया जू थें दोषबलि नं वयागु हे जुइ। अले व तसकं पवित्र खः।

लेवी 14:13 ပူးပေါင်းရင်းမြစ်များ

प्रस्‍थान 29:11

अले व द्वहंचायात परमप्रभुया न्‍ह्यःने नापलायेगु पालया ध्‍वाखाय् बां ब्‍यु।

इजकिएल 42:13

अले वं जितः धाल, “देगःया चुकपाखे स्‍वःगु उत्तर व दच्‍छिनयागु क्‍वथात धाःसा पुजाहारीया क्‍वथात खः, अन मनूतय्‌सं छाःगु दकलय् पवित्र भेटीत परमप्रभुया न्‍ह्यःने वनीपिं पुजाहारीतय्‌सं नयेगु याइ। अन इमिसं दकलय् पवित्र भेटीत, अन्‍नबलि, शुद्ध जुइगु बलि व दोषबलि तइ, छाय्‌धाःसा व थाय् पवित्र खः।

लेवी 1:11

वं परमप्रभुया न्‍ह्यःने वेदीया उत्तरपाखे छाःम्‍ह पशुयात पालाः स्‍यायेमाः, अले हारूनया पुजाहारी काय्‌पिन्‍सं वयागु हि वेदीइ जःखः छ्वाकेमाः।

लेवी 1:5

व मनुखं द्वहंचायात परमप्रभुया न्‍ह्यःने स्‍यायेमाः। अले हारूनया पुजाहारी काय्‌पिन्‍सं द्वहंया हि कयाः नापलायेगु पालया ध्‍वाखाया दुने च्‍वंगु वेदीया छचाःखेरं छ्वाकेमाः।

लेवी 10:17

“छिमिसं छाय् पापबलि नापलायेगु पालया चुकय् मनयागु? व तसकं पवित्रगु खः। परमप्रभुं थ्‍व खलःया दोष हुयाछ्वयेगु निंतिं अले मनूतय्‌त शुद्ध यायेगु निंतिं परमप्रभुया न्‍ह्यःने प्रायश्‍चित यायेत छिमित बियादीगु खः।

लेवी 2:10

अन्‍नबलिं ल्‍यंगु ब्‍व हारून व वया काय्‌पिनिगु जुइमाः। परमप्रभुया निंतिं मेमेगु विशेष देछा स्‍वयाः थ्‍व तसकं पवित्र खः।

लेवी 2:3

अन्‍नबलिया ल्‍यं दुगु हारून व वया काय्‌पिनिगु जुइ। परमप्रभुया निंतिं मेमेगु विशेष देछा स्‍वयाः थ्‍व तसकं पवित्रगु खः।

लेवी 21:22

पुजाहारीया सन्‍तान जूगुलिं वं थः परमेश्‍वरयात छायेहःगु विशेष देछा नये फइ।

लेवी 4:24

वं दुगुया छेनय् थःगु ल्‍हाः तयेमाः। परमप्रभुया न्‍ह्यःने होमबलिया पशु स्‍याइगु थासय् वयात स्‍यायेमाः। थ्‍व पापबलि खः।

लेवी 4:4

वं द्वहंयात नापलायेगु पालया ध्‍वाखाय् परमप्रभुया न्‍ह्यःने हयाः वयागु छेनय् थःगु ल्‍हाः तयाः परमप्रभुया न्‍ह्यःने स्‍यायेमाः।

लेवी 7:2

गुगु थासय् होमबलि स्‍याइ व हे थासय् दोषबलिया भ्‍याःचा नं स्‍यायेमाः। वयागु हि वेदीया जःखः छ्वाकेमाः।