लेवी 14:12 - नेवाः बाइबल

¹² “पुजाहारीं चिधिकःम्‍ह भ्‍याःचा छम्‍ह व १/३ लिटर चिकं कयाः दोषबलिकथं छायेमाः। वं संकाबीगु बलिकथं परमप्रभुया न्‍ह्यःने उकियात छायेमाः।

लेवी 14:12 ပူးပေါင်းရင်းမြစ်များ

प्रस्‍थान 29:22

“छं भ्‍याःचायागु दाः, दाःखाःगु न्‍हिप्‍यं, आतापुति-भ्‍वरी त्‍वपुइगु फुक्‍क दाः, सेँ त्‍वपुइगु पिलि, दाः नापंया निगलं जलासेँ व जव खम्‍पा का। थ्‍व अभिषेकयाम्‍ह भ्‍याःचा खः।

प्रस्‍थान 29:24

व फुक्‍कं हारून व वया काय्‌पिनिगु ल्‍हातय् तयाब्‍यु। अले परमप्रभुया न्‍ह्यःने संकाबीगु बलिकथं देछा।

प्रस्‍थान 29:26

हारूनया अभिषेकयाम्‍ह भ्‍याःचायागु ह्याकुला कयाः परमप्रभुया न्‍ह्यःने संकि। थ्‍व छंगु हे ब्‍व जुइ।

यशैया 53:10

वयात दुःखकष्‍ट सह याकेगु हे परमप्रभुया इच्‍छा खः, परमप्रभुं वयागु जीवनयात पलेसा बीगु बलिदान थें यानादीसां, वं थः सन्‍तानतय्‌त खनाः थःगु दिं ताहाकय्‌की। परमप्रभुया इच्‍छा कथं व ताःलाइ।

लेवी 14:10

“च्‍यान्‍हु दुखुन्‍हु वं खू मदुपिं दच्‍छि दुपिं निम्‍ह चिधिकःपिं भ्‍याःचात व छम्‍ह मिसाम्‍ह चिधिकःम्‍ह फैचा, अन्‍नबलिया निंतिं जैतूनया चिकनय् बुलातःगु भिंगु छुचुं छगू एपाया झिब्‍वय् स्‍वब्‍व व छगू लिटरया स्‍वब्‍वय् छब्‍व चिकं हयेमाः।

लेवी 14:11

पुजाहारीं नापलायेगु पालया ध्‍वाखाय् परमप्रभुया न्‍ह्यःने ल्‍वगियात व वं हःगु फुक्‍क ज्‍वलं यंकेमाः।

लेवी 14:19

“अले पुजाहारीं पापबलि छायाः ल्‍वगियागु निंतिं प्रायश्‍चित यायेमाः। अनं लिपा वं होमबलि स्‍यानाः

लेवी 5:15

“सुनानं मसीकं परमप्रभुया पवित्र सम्‍पत्तिया छुं नं खँय् पापयात धाःसा वं सजाँयकथं परमप्रभुयाथाय् बथांपाखें खू मदुम्‍ह भ्‍याःचा छायेमाः। भ्‍याःचाया मू पवित्र पालया शेकेल कथं क्‍वःछी। थ्‍व दोषबलि खः।