लेवी 13:40 - नेवाः बाइबल

⁴⁰ “सुं मनूयागु सँ हायावंगु दुसा व खउ छ्यंयाम्‍ह ला खः तर व शुद्धम्‍ह हे खः।

लेवी 13:40 ပူးပေါင်းရင်းမြစ်များ

२ राजा 2:23

अनं एलीशा बेथेलय् थहां वन। व लँय् वनाच्‍वंबलय् शहरं छुं मिजंमस्‍त वयाः वयात थथे धयाः गिजय् यात, “अय् पाचु छ्यं, छ च्‍वय् थाहां हुँ। अय् पाचु छ्यं, छ च्‍वय् थाहां हुँ!”

श्रेष्‍ठगीत 5:11

वयागु छ्यं मुक्‍कं लुँयागु खः, वयागु सँ कुलिकुलि चिंगु व क्‍वः थें हाकुस्‍य च्‍वं।

यशैया 15:2

दीबोन ख्‍वयेत देगलय् अले अन च्‍वंगु पुजा यायेगु थासय् थाहां वन। नेबो व मेदबाया निंतिं मोआब ह्वाँय्‌ह्वाँय् ख्‍वल। फुक्‍क सँ खाःगु दु, अले फुक्‍क दाह्री खाःगु दु।

लेवी 13:39

पुजाहारीं व जाँचय् यायेमाः अले वयागु म्‍हय् व चातः भतिचा जक तुयुसे च्‍वंसा व छेंगुलिइ पिहां वःगु दाग जक खः, व मनू शुद्धम्‍ह खः।

लेवी 13:41

वयागु छ्यंयागु न्‍ह्यःनेपाखें जक सँ मदयाः पाचुसे च्‍वंसा व शुद्धम्‍ह खः।

आमोस 8:10

जिं छिमिगु नखःचखःयात दुखं च्‍वनीगु दिनय् व छिमिगु दक्‍व म्‍येयात ख्‍वःसलय् हिलाबी। जिं छिपिं सकसितं भांग्रा फीकेबी अले सँ खाकेबी। याकः काय्‌या निंतिं दुखं च्‍वंथें व ईयात यानाबी। व दिं तसकं म्‍हाइपूगु दिं जुइ।

रोमी 6:12

अय्‌जूगुलिं छिमिसं सी मानिगु शरीरयागु निंतिं पापी ज्‍या याना जुइ मते। छिमिसं शरीरयात यःथें याना जुइ मजिल।

रोमी 6:19

छिमिसं बांलाक थुइके थाकुइ धकाः जिं मनूतय्‌सं थें धयाच्‍वनागु खः। न्‍हापा छकः छिमिसं पापी ज्‍याखँ जक यायेगुलिं अप्‍वः मन तया जुइ धुंकू थें आः भिंगु ज्‍याखँय् अप्‍वः मन तया जु। आः पवित्र जुइत छिमिगु जीवन परमेश्‍वरया निंतिं लःल्‍हानाब्‍यु।

रोमी 8:10

ख्रीष्‍ट छिमिके च्‍वनादीगु दुसा पापं यानाः छिमिगु शरीर सी धुंकूसां परमेश्‍वरया न्‍ह्यःने धर्मी ठहरय् जूगुलिं छिमिगु आत्‍मा म्‍वानाच्‍वनी।

गलाती 4:13

दकलय् न्‍हापा छिमित भिंगु खँ न्‍यंकाबलय् जि म्‍हंमफु धयागु खँ छिमिसं लुमंकातःगु दयेमाः।