लेवी 13:25 - नेवाः बाइबल

²⁵ पुजाहारीं वयात जाँचय् यायेमाः। अले व घालय् बुयावःगु चिमिसँ तुयुसे च्‍वनावःसा, व घाः जूगु थासय् स्‍वइबलय् छेंगू स्‍वयाः गाः वंगु खनेदःसा, पुजाहारीं वयात अशुद्ध थहरय् यायेमाः। व मिं पुनाजूगु घाःपाखें वःगु पुनेयःगु ल्‍वय् खः।

लेवी 13:25 ပူးပေါင်းရင်းမြစ်များ

२ राजा 5:27

आः नामानया छेंगूया पुनेयःगु ल्‍वय् न्‍ह्याबलें छ व छिमि सन्‍तानयाके दयाच्‍वनी।” थत्‍थें गेहजीयात ग्‍यानापुगु छेंगूया पुनेयःगु ल्‍वचं काल। गेहजी अनं वन, वयागु म्‍हया छेँगू च्‍वापु थें तुयुसे च्‍वन।

प्रस्‍थान 4:6

अले हाकनं परमप्रभुं धयादिल, “थःगु ल्‍हाः गाय् दुने दुछ्व।” वं थःगु ल्‍हाः गाय् दुने दुछ्वत। पिकाःबलय् वयागु ल्‍हाः कोह्रि ल्‍वचं कयाः च्‍वापु थें तुइसे च्‍वन।

लेवी 13:24

“सुं मनूया छेंगुलिइ मिं पुयाः घाः जुल धाःसा, अले व मिं पुनाजूगु घाःयागु न्‍हूगु ला ह्याउँसे च्‍वंगु तुयुगु चातः खनेदत धाःसा,

लेवी 13:26

“तर पुजाहारीं स्‍वइबलय् धात्‍थें व घालय् तुयुगु चिमिसँ बुयामवःसा, अले व छेंगू स्‍वयाः गाः मवंसा अले व गनावना च्‍वंसा, पुजाहारीं वयात न्‍हय्‌न्‍हु तक अलग तयेमाः।

लेवी 13:4

तर व चातः छेंगुलिइ तुयुसे च्‍वंसा, अले स्‍वइबलय् व छेंगू स्‍वया गाः वंगु खने मदुसा, अले उकी बुयावःगु सँ नं तुयुसे च्‍वनावःगु मदुसा, पुजाहारीं व ल्‍वगियात न्‍हय्‌न्‍हु तक अलग तयेमाः।

गन्‍ती 12:10

पालया च्‍वं सुपाँय् चिलावनेवं मिरियम कोह्रि जुयाः च्‍वापु थें तुइसे च्‍वन। हारूनं मिरियमपाखे स्‍वःबलय् व कोह्रि जुइ धुंकूगु खन।