लेवी 13:2 - नेवाः बाइबल

² “सुं मनूयागु म्‍हया छेंगुलिइ मनावल, इल्‍ल मिंक कै दयावल वा चातः दयावल धाःसा थ्‍व पुनेयःगु छेंगूया ल्‍वय् जुइफु। वयात पुजाहारी हारून वा वया काय्‌पिं मध्‍ये छम्‍ह पुजाहारीयाथाय् हयेमाः।

लेवी 13:2 ပူးပေါင်းရင်းမြစ်များ

२ शमूएल 3:29

बरु योआब व वया अबुया फुक्‍क परिवारया छेनय् व दोष लायेमा। अले योआबया परिवारय् कइया ल्‍वय् वा छेंगूया पुनेयःगु ल्‍वय् नं गुबलय् नं मत्‍वःतेमा। कथिया भरय् इपिं जुइमालेमा वा तरवारं पालाः स्‍याइपिं वा फ्‍वनाजुइपिनि सन्‍तानत मगाःमचाः मजुइमा।”

२ राजा 5:1

नामान अरामया जुजुया सेनापति खः। व थः जुजुया निंतिं छम्‍ह तःधंम्‍ह मनू खः। वं यानाः हे अरामयात परमप्रभुं त्‍याकादीगुलिं अरामया जुजुं वयात तसकं मानय् याइगु। व छम्‍ह बहादुर सिपाइँ खः, तर वयाके छेंगूया पुनेयःगु ल्‍वय् दु।

२ राजा 5:27

आः नामानया छेंगूया पुनेयःगु ल्‍वय् न्‍ह्याबलें छ व छिमि सन्‍तानयाके दयाच्‍वनी।” थत्‍थें गेहजीयात ग्‍यानापुगु छेंगूया पुनेयःगु ल्‍वचं काल। गेहजी अनं वन, वयागु म्‍हया छेँगू च्‍वापु थें तुयुसे च्‍वन।

यशैया 1:6

पालिंनिसें छेनय् थ्‍यंक घाः मजूगु थाय् हे मदु। छंगु म्‍ह छम्‍हं घालं, दागं व ख्‍वँतं जाःगु दु। उकी सिलाः चिनाब्‍यूगु मदु न चिकं तयाः नाइकाब्‍यूगु दु।

यशैया 3:17

अथे जुयाः जि परमप्रभुं सियोनया मिसाया छेनय् घाःया घालं जाय्‌काबी अले इमिगु सँ सुचुक्‍क खानाबी।”

लेवी 13:1

परमप्रभुं मोशा व हारूनयात धयादिल,

लेवी 13:3

थज्‍याःगु घाः पुजाहारीं स्‍वयेमाः अले वयागु ल्‍वचं काःगु थासय् बुयावःगु सँ तुयुसे च्‍वंसा वा व घाः छेंगू स्‍वयाः गाः वंगु खनेदत धाःसा, व पुनेयःगु ल्‍वय् खः। पुजाहारीं उकियात जाँचय् यानाः स्‍वये धुंकाः वयात अशुद्ध थहरय् यायेमाः।

लेवी 13:8

अले पुजाहारीं जाँचय् यायेबलय् छेंगुलिइ चातः न्‍यनावन धाःसा पुजाहारीं वयात अशुद्ध थहरय् यायेमाः। थ्‍व पुनेयःगु ल्‍वय् खः।

लेवी 14:3

पुजाहारीयात छाउनीं पिने सःताः जाँचय् याकेगु। छेंगूया व पुनेयःगु ल्‍वय् लन धाःसा,

लेवी 14:35

व छेँया थुवालं वनाः पुजाहारीयात थथे धायेमाः, ‘जिं जिगु छेँय् खाःचि थें छुं खनागु दु।’

लेवी 14:56

मनावइगु, कै व दुबि

मलाकी 2:7

“पुजाहारीया म्‍हुतुसिं ज्ञानया रक्षा यायेमाः। मनूतय्‌सं वयागु म्‍हुतुं व्‍यवस्‍था मालेमाः। इपिं दक्‍व शक्ति दुम्‍ह परमप्रभुया दूत खः।

गन्‍ती 12:10

पालया च्‍वं सुपाँय् चिलावनेवं मिरियम कोह्रि जुयाः च्‍वापु थें तुइसे च्‍वन। हारूनं मिरियमपाखे स्‍वःबलय् व कोह्रि जुइ धुंकूगु खन।

गन्‍ती 12:12

थ्‍वयात मांया प्‍वाथं पिहां वःबलय् हे बच्‍छि ला ध्‍वग्‍गिनाः सी धुंकूम्‍ह मचा थें जुइके बी मते!”

मत्ती 8:4

अले वय्‌कलं वयात धयादिल – “न्‍यँ, थ्‍व खँ सुयातं कने मते। पुजाहारीतय्‌थाय् वनाः छं थःगु ल्‍वय् लाःगु क्‍यँ। अले फुक्‍कसितं सीकेत व्‍यवस्‍थाय् च्‍वया तः थें माःकथं छाय्‌छी या।”

मर्कूस 1:44

“स्‍व, थ्‍व खँ सुयातं कनादी मते। पुजाहारीयाथाय् वनाः छं थःगु ल्‍वय् लाःगु क्‍यँ। अले फुक्‍कसित क्‍यनेत मोशां धाःथें शुद्ध जुइत माःगु ज्‍वलं छायाब्‍यु।”

लूका 17:14

वय्‌कलं इमित धयादिल – “छिमिसं पुजाहारीयाथाय् वनाः थःगु म्‍ह क्‍यनाब्‍यु।” लँय् वँवं हे इमिगु कोह्रि ल्‍वय् लाया वन।

लूका 5:14

अले वय्‌कलं थथे धकाः उजं बियादिल – “न्‍यँ, थ्‍व खँ सुयातं कने मते। अय्‌नं पुजाहारीयाथाय् वनाः छिं थःगु ल्‍वय् लाःगु क्‍यनाब्‍यु। अले फुक्‍कसितं सीकेत व्‍यवस्‍थाय् च्‍वया तः थें माःकथं छाय्‌छी यानाब्‍यु।”

व्‍यवस्‍था 24:8

छेंगूयागु पुनेयःगु ल्‍वय्‌या बारे धाःसा लेवी पुजाहारीतय्‌सं छिमित स्‍यंगु थें छिमिसं बांलाक यायेमाः। जिं इमित बियागु आज्ञा छिमिसं बांलाक मानय् यायेमाः।

व्‍यवस्‍था 28:27

परमप्रभुं छिमित मिश्रीतय्‌त याःथें लनी मखुगु म्‍हय् वइगु कै, ला ग्‍वारा, न्‍हि दुगु घाः व चासु कइनं दुःख बियादी।