लेवी 12:8 - नेवाः बाइबल

⁸ चिधिकःम्‍ह भ्‍याःचा हये मफुसा वं होमबलिया निंतिं छम्‍ह व पापबलिया निंतिं छम्‍ह यानाः सुकुभत्तु जूसां बखुं जूसां निम्‍ह हयेमाः। थुकथं पुजाहारीं वयागु निंतिं प्रायश्‍चित याइ। अले व शुद्ध जुइ।’”

लेवी 12:8 ပူးပေါင်းရင်းမြစ်များ

लेवी 1:14

“‘सुनानं परमप्रभुया निंतिं झंगःतय्‌गु होमबलि छायेगु खःसा व झंगः सुकुभत्तु वा बखुं जुइमाः।

लेवी 12:7

पुजाहारीं व फुक्‍क परमप्रभुया न्‍ह्यःने छानाः वयागु निंतिं प्रायश्‍चित याइ अले वयागु हिबा वःगुपाखें व शुद्ध जुइ। “‘मिसां काय् वा म्‍ह्याय् बुइके धुंकाः यायेमाःगु विधि थ्‍व हे खः।

लेवी 13:1

परमप्रभुं मोशा व हारूनयात धयादिल,

लेवी 14:21

“छुं जुयाः व उलिमछि छाये मफुम्‍ह जूसा वं थःगु प्रायश्‍चित याकेत, दोषबलिया निंतिं संकेत छम्‍ह जक चिधिकःम्‍ह भ्‍याःचा व अन्‍नबलिया निंतिं चिकं ल्‍वाकछ्यानातःगु छगू एपाया झिब्‍वय् छब्‍व भिंगु छुचुं व छगू लिटरया स्‍वब्‍वय् छब्‍व चिकं,

लेवी 14:22

पापबलि व होमबलियात छम्‍ह छम्‍ह यानाः सुकुभत्तु जूसां बखुंचा जूसां निम्‍ह हयेमाः।

लेवी 15:14

च्‍यान्‍हु खुन्‍हु वं निम्‍ह सुकुभत्तु वा बखुंया निम्‍ह मचा नापलायेगु पालया ध्‍वाखाय् परमप्रभुया न्‍ह्यःने यंकाः पुजाहारीयात बीमाः।

लेवी 15:15

पुजाहारीं छम्‍ह शुद्ध जुइगु बलि निंतिं व छम्‍ह होमबलिया निंतिं छायेमाः। थुकथं पुजाहारीं परमप्रभुया न्‍ह्यःने वयागु ल्‍वय्‌या निंतिं प्रायश्‍चित यायेमाः।

लेवी 15:29

च्‍यान्‍हु खुन्‍हु वं निम्‍ह सुकुभत्तु वा बखुंया निम्‍ह मचा नापलायेगु पालया ध्‍वाखाय् परमप्रभुया न्‍ह्यःने यंकाः पुजाहारीयात बीमाः।

लेवी 4:26

उकिया फुक्‍क दाः मेलबलिया दाः थें वेदीइ छ्वय्‌केमाः। थथे पुजाहारीं नायःया पापया लागिं प्रायश्‍चित याइ, अले वयात क्षमा दइ।

लेवी 5:11

“‘छुं जुयाः वं निम्‍ह सुकुभत्तु वा निम्‍ह बखुं नं हये मफुसा छगू एपाया झिब्‍वय् छब्‍व नचुगु छुचुं पापबलिया निंतिं हयेमाः। वं उकी चिकं वा धुपाँय्‌ मतयेमाः, छाय्‌धाःसा थ्‍व पापबलि खः।

लेवी 5:7

“‘चिधिकःम्‍ह भ्‍याःचा हये मफुसा वं परमप्रभुयाथाय् थःगु पापया सजाँयकथं निम्‍ह सुकुभत्तु वा निम्‍ह बखुं हयेमाः। छम्‍ह पापबलिया निंतिं व छम्‍ह होमबलिया निंतिं।

मत्ती 21:12

येशूं देगलय् झायाः अन च्‍वनाः न्‍यायेगु व मीगु ज्‍या यानाच्‍वंपिं फुक्‍कसितं ख्‍याना छ्वयादिल। धिबा ग्‍यलिपिं सराफितय्‌गु टेबिल ग्‍वारा तुइकाबिल, सुकुभतु मीपिनिगु मेच फाता पुइकाबिल।

२ कोरिन्‍थी 8:9

झी प्रभु येशू ख्रीष्‍ट गुलि ग्‍वाहालि यानादीम्‍ह प्रभु खः धकाः ला छिमिसं सि हे स्‍यू। वय्‌कः तःमि जुयाः नं छिमिगु निंतिं चीमि जुयादिल। थः चीमि जुयाः छिमित तःमि यायेत वय्‌कलं थथे यानादिल।