लेवी 12:7 - नेवाः बाइबल

⁷ पुजाहारीं व फुक्‍क परमप्रभुया न्‍ह्यःने छानाः वयागु निंतिं प्रायश्‍चित याइ अले वयागु हिबा वःगुपाखें व शुद्ध जुइ। “‘मिसां काय् वा म्‍ह्याय् बुइके धुंकाः यायेमाःगु विधि थ्‍व हे खः।

लेवी 12:7 ပူးပေါင်းရင်းမြစ်များ

अय्‍यूब 1:5

भ्‍वय्‌या कन्‍हय् खुन्‍हु अय्‍यूब सुथ न्‍हापां दनाः इमिगु ल्‍याःकथं होमबलि छाइगु। थुकथं वं थःकाय् म्‍ह्याय्‌पिन्‍त च्‍वख याइगु, छाय्‌धाःसा वं थथे मतिइ तइगु, “जिमि काय् म्‍ह्याय्‌पिन्‍सं पाप याःगु जुइफु अले मनं मनं परमेश्‍वरयात सराः ब्‍यूगु जुइफु।” अय्‍यूबं न्‍ह्याबलें थथे याइगु।

अय्‍यूब 14:4

सुनां अशुद्धपाखें शुद्ध लिकाये फइ? सुनानं फइ मखु।

लेवी 1:4

अले वं थःगु ल्‍हाः होमबलि पशुया छेनय् तयेमाः। अले वयागु प्रायश्‍चितया लागिं ग्रहण याइगु जुइ।

लेवी 12:6

“‘शुद्ध जुइगु ई पूरा जुइ धुंकाः काय् बूसां म्‍ह्याय् बूसां वं होमबलिया निंतिं दच्‍छि दुम्‍ह चिधिकःम्‍ह भ्‍याःचा, व पापबलिया निंतिं बखुंचा वा सुकुभत्तु छम्‍ह परमप्रभुया न्‍ह्यःने नापलायेगु पालया ध्‍वाखाय् पुजाहारीयाथाय् हयेमाः।

लेवी 12:8

चिधिकःम्‍ह भ्‍याःचा हये मफुसा वं होमबलिया निंतिं छम्‍ह व पापबलिया निंतिं छम्‍ह यानाः सुकुभत्तु जूसां बखुं जूसां निम्‍ह हयेमाः। थुकथं पुजाहारीं वयागु निंतिं प्रायश्‍चित याइ। अले व शुद्ध जुइ।’”

लेवी 15:15

पुजाहारीं छम्‍ह शुद्ध जुइगु बलि निंतिं व छम्‍ह होमबलिया निंतिं छायेमाः। थुकथं पुजाहारीं परमप्रभुया न्‍ह्यःने वयागु ल्‍वय्‌या निंतिं प्रायश्‍चित यायेमाः।

लेवी 4:20

पापबलिया द्वहंयात वं गथे याःगु खः थ्‍व द्वहंयात नं अथे हे यायेमाः। थुकथं पुजाहारीं इमिगु निंतिं प्रायश्‍चित यायेमाः, अले इमित क्षमा दइ।

लेवी 4:26

उकिया फुक्‍क दाः मेलबलिया दाः थें वेदीइ छ्वय्‌केमाः। थथे पुजाहारीं नायःया पापया लागिं प्रायश्‍चित याइ, अले वयात क्षमा दइ।

लेवी 4:31

उकिया फुक्‍क दाः मेलबलिया दाः थें लिकायेमाः। अले पुजाहारीं परमप्रभुया निंतिं नस्‍वाः वय्‌केत वेदीइ छ्वय्‌केमाः। थथे पुजाहारीं उकिया निंतिं प्रायश्‍चित याइ, अले वयात क्षमा दइ।

लेवी 4:35

परमप्रभुयात छाःगु विशेष देछाया फुक्‍क दाः नापं मेलबलिया चिधिकःम्‍ह भ्‍याःचाया दाः थें पापबलिया फुक्‍क दाः वं लिकया उकियात पुजाहारीं वेदीइ छ्वय्‌केमाः। थथे वं याःगु पापया निंतिं पुजाहारीं वयागु लागिं प्रायश्‍चित याइ, अले वयात क्षमा दइ।

रोमी 3:23

सकसिनं पाप याःगु दु, उकिं इपिं परमेश्‍वरया महिमां तापाय् धुंकल।

रोमी 3:26

वय्‌कः ख्‍वाः स्‍वयाः न्‍याय यानामदीम्‍ह परमेश्‍वर खः धकाः क्‍यनेत व येशूयात विश्‍वास याक्‍वसित धर्मी ठहरय् यानादी धकाः क्‍यनेत वय्‌कलं थथे यानादीगु खः।

१ कोरिन्‍थी 7:14

छाय्‌धाःसा विश्‍वासी मखुम्‍ह भाःत विश्‍वासी कलाःम्‍हं यानाः पवित्र जुल। अथे हे विश्‍वासी मखुम्‍ह कलाः विश्‍वासी भाःतं यानाः पवित्र जुल। अथे मखुसा ला इपिंपाखें दुम्‍ह मचा पवित्र जुइ हे मखुत नि। तर इपिं ला पवित्र हे जुइ।

गलाती 3:28

अय्‌जूगुलिं आः यहूदीत व यहूदीमखुपिं छु हे मपात। दास व दासमखुपिं, अले मिजं व मिसा नं मपात। येशू ख्रीष्‍टयात विश्‍वास याःगुलिं छिपिं फुक्‍कं छम्‍ह हे जुल।