लेवी 12:2 - नेवाः बाइबल

² “इस्राएलीतय्‌त धा – ‘प्‍वाथय् दयाः काय् बुइकूम्‍ह मिसा न्‍हय्‌न्‍हु तक अशुद्ध जुइ। थीमज्‍यू जूगु इलय् थें व अशुद्ध जुइ।

लेवी 12:2 ပူးပေါင်းရင်းမြစ်များ

उत्‍पत्ति 1:28

परमेश्‍वरं इमित आशिष बियाः धयादिल, “छिमि मचाखाचा यक्‍व दयाः पृथ्‍वी जायेमा, अले पृथ्‍वीइ अधिकार यायेमा। समुद्रय् च्‍वंपिं न्‍या, आकाशय् च्‍वंपिं झंगःपंक्षी व बँय् घिसय् जुइपिन्‍त अधिकार यायेमा।”

उत्‍पत्ति 3:16

अले वय्‌कलं मिसायात धयादिल, “जिं छन्‍त मचाबू ब्‍यथा अज्‍ज अप्‍वय्‌काबी। छं तसकं दुःख सियाः मचा बुइकी। अय्‌नं छंगु इच्‍छा भाःतपाखे हे क्‍वसालाच्‍वनी। अले वं छन्‍त अधीनय् तइ।”

२ शमूएल 11:4

अले दाऊदं मनूत छ्वयाः बतशेबायात थःथाय् काय्‌के छ्वल। व दरबारय् वल अले दाऊद वनापं द्यन। (बतशेबा दाऊदयाथाय् वःबलय् वं नकतिनि थः थीमत्‍यः जुइ धुंकाः थःत शुद्ध याःगु खः।) अनं लिपा व थःगु हे छेँ लिहां वन।

अय्‍यूब 14:4

सुनां अशुद्धपाखें शुद्ध लिकाये फइ? सुनानं फइ मखु।

अय्‍यूब 15:14

मनू छु खः धकाः व निर्दोष जुइत? अथवा सुं मनू धर्मी जुइ फइ ला?

अय्‍यूब 25:4

परमेश्‍वरया मिखाय् मनू गय् यानाः धर्मी जुइ फइ? अथवा मिसापाखें बूम्‍ह मनू गय् यानाः दोष मदुम्‍ह जुइ फइ?

भजनसंग्रहया सफू 51:5

स्‍वः, जि बूबलय् हे पापी खः। मांया प्‍वाथय् दुबलय् निसें पापं जाःम्‍ह खः।

लेवी 12:1

परमप्रभुं मोशायात धयादिल,

लेवी 12:5

म्‍ह्याय् बुइकल धाःसा व मिसा थीमज्‍यू जुइबलय् थें झिंप्‍यन्‍हु तक अशुद्ध जुइ। अनंलि खुइखुन्‍हु लिपा ब्‍यंके धुंकाः तिनि शुद्ध जुइ।

लेवी 15:19

“‘सुं मिसा थीमत्‍यः जुइबलय् व न्‍हय्‌न्‍हु तक अशुद्ध जुइ। सुनानं वयात थिल धाःसा सन्‍ध्‍याकाः ईतक व अशुद्ध जुइ।

लेवी 18:19

“‘सुं मिसाया थीमत्‍यः जुयाः अशुद्ध जुइबलय् छं व नाप लसपस याये मते।

लेवी 5:3

“‘सुनानं मसीकं मनूया म्‍हया छुं अशुद्धगु ब्‍व थियाः लिपा वाःचाल धाःसा व दोषी थहरय् जुइ।

लूका 2:22

मोशां च्‍वया तः थें बूगु पिइन्‍हु दय्‌काः मचाबू ब्‍यंके त्‍यःबलय् इमिसं वय्‌कःयात छायेत यरूशलेमयागु देगलय् यंकल।