लेवी 11:7 - नेवाः बाइबल

⁷ अथे हे छिमिसं फा नं नये मज्‍यू। छाय्‌धाःसा वयागु तुतिख्‍वः बाःसां वं लिन्‍ह्ययाः मनः। उकिं व छिमिगु निंतिं अशुद्ध खः।

लेवी 11:7 ပူးပေါင်းရင်းမြစ်များ

यशैया 65:4

इपिं चिहानय् च्‍वनी, अले गुप्‍ति थासय् पियाः चा छ्याइ। इमिसं फाया ला नइ, अले घच्‍चाइपुगु सूप दय्‌काः ख्‍वल्‍चाय् तयाः त्‍वनी।

यशैया 66:17

“उपिं मध्‍ये सुनां थःत पवित्र व शुद्ध यानाः क्‍यबय् वनेत फा व छुँ वा मेमेगु घच्‍चाइपुस्‍य च्‍वंगु चिजत नइपिनिगु ल्‍यू वन धाःसा इपिं फुक्‍कसिगु नापं हे नाश जुइ,” परमप्रभुं घोषणा यानादी।

यशैया 66:3

तर द्वहंया बलि छाइपिं मनूयात स्‍याइपिं थें खः। चिधिकःम्‍ह भ्‍याःचा बलि छाइपिं धाःसा खिचाया ककु त्‍वथुलीगु थें हे खः। अन्‍नबलि छाइपिं फाया हि छाःगु थें हे खः। लुमन्‍ति कथं धुपाँय् च्‍याकीपिं मूर्तियात पुजा याःगु थें हे खः। इमिसं थःगु हे लँ ल्‍यःगु दु, अले इमिगु प्राण थःगु हे घच्‍चाइपुगु ज्‍याय् लय्‌ताइ।

लेवी 11:3

तुतिख्‍वः बाःपिं व लिन्‍ह्ययाः नइपिं पशुत छिमिसं नये ज्‍यू।

लेवी 11:6

अथे हे खराचा – वं लिन्‍ह्ययाः नःसां वयागु तुतिख्‍वः मबाः। व छिमिगु निंतिं अशुद्ध खः।

लेवी 11:8

थुपिं पशुतय्‌गु ला छिमिसं नये मज्‍यू, अज्‍ज ला थुमिगु सीम्‍ह तक नं थीमज्‍यू। थुपिं अशुद्धपिं खः।

मत्ती 7:6

“च्‍वखगु चिज खिचायात बी मते, अथे याःसा वं छिमित हे न्‍याः वइ। फाया न्‍ह्यःने मोती वान्‍छ्वया बी मते, अथे याःसा वं थुकियात न्‍हुत्तु न्‍हुयाबी।

लूका 15:15

व अन देशय् च्‍वंम्‍ह छम्‍ह मनूयागु छेँय् ज्‍या याः वन। वं वयात फातय्‌त नके त्‍वंके यायेगु ज्‍या बिल।

लूका 8:33

अले भूत आत्‍मात व मनूया म्‍हं पिहां वयाः फातय्‌के दुबित। अले फात फुक्‍कं ब्‍वाँय् वनाः भीरं क्‍वब्‍वां वनाः समुद्रय् दुबय् जुयाः सित।

व्‍यवस्‍था 14:8

फा नं अशुद्ध खः, छाय्‌धाःसा वयागु तुतिख्‍वः ला बाः अय्‌सां वं लिन्‍ह्ययाः मनः। छिमिसं इमिगु ला नये मते, इमिगु सीम्‍ह नं थी मते।