लेवी 11:45 - नेवाः बाइबल

⁴⁵ छाय्‌धाःसा जि छिमि परमेश्‍वर जुइत छिमित मिश्रंनिसें हयाम्‍ह परमप्रभु जि हे खः। उकिं छिपिं पवित्र जुइमाः, छाय्‌धाःसा जि पवित्र खः।

लेवी 11:45 ပူးပေါင်းရင်းမြစ်များ

उत्‍पत्ति 17:7

जिं छ व छिमि सन्‍तानलिसे चिनागु बाचा सदांया लागि म्‍वाकातये, छाय्‌धाःसा जि छं व इमि परमेश्‍वर खः।

प्रस्‍थान 19:10

परमप्रभुं वयात धयादिल, “मनूतय्‌थाय् वनाः थौं व कन्‍हय् इमित पवित्र या। इमिसं वसः नं हीमाः।

प्रस्‍थान 19:6

छिपिं जिगु निंतिं पुजाहारीतय्‌गु छगू राज्‍य व छगू पवित्र जाति जुइ।’ छं इस्राएलीतय्‌त धायेमाःगु खँ थ्‍व हे खः।”

प्रस्‍थान 20:2

“छिपिं दास दासी जुयाच्‍वंगु मिश्र देशं पित हयाम्‍ह जि परमप्रभु छिमि परमेश्‍वर खः।

प्रस्‍थान 22:30

“छिमिसं थःपिनि सा व फैच्‍वलय्‌या न्‍हापां बूपिं मस्‍तय्‌त नं अथे हे या। न्‍हय्‌न्‍हु तक इपिं थः मांलिसे च्‍वनी, च्‍यान्‍हु खुन्‍हु जितः छा।

प्रस्‍थान 6:7

जिं छिमित थः मनू नालाकाये, अले जि छिमि परमेश्‍वर जुइ। अले मिश्रीतय्‌गु दासत्‍वं छिमित पितहःम्‍ह जि हे छिमि परमप्रभु परमेश्‍वर खः धकाः छिमिसं म्‍हसीकी।

होशे 11:1

“इस्राएलयात मचाबलय् निसें हे जिं माया याना। जिं थःकाय्‌यात मिश्र देशं सःता।

लेवी 11:44

जि परमप्रभु छिमि परमेश्‍वर खः। छिमिसं थःपिन्‍त अर्पण यानाः पवित्र याना तयेमाः, छाय्‌धाःसा जि पवित्र खः। बँय् घिसय् जुया जुइपिं छुं नं कथंयाम्‍ह जन्‍तुपाखें छिपिं अशुद्ध जुइ मते।

लेवी 11:46

“‘पशुत, झंगःपंक्षीत अले लखय् च्‍वनिपिं व बँय् घिसय् जुया जुइपिं फुक्‍क प्राणीया बारे यायेमाःगु विधि थुपिं हे खः।

लेवी 19:2

“सकलें इस्राएलयापिं मनूतय्‌त धा, ‘जि परमप्रभु छि परमेश्‍वर पवित्रम्‍ह जूगुलिं छिपिं नं पवित्रपिं जुयाच्‍वँ।

लेवी 19:36

छिमिसं ठीक कथंयागु धःताल्‍जु अले ठीक कथंयागु नाप तौल नं तयेमाः। जि परमप्रभु छिमि परमेश्‍वर खः। जिं छिमित मिश्र देशं पित हया।

लेवी 20:7

“‘अय्‌जूगुलिं छिपिं थुपिं फुक्‍कपाखें अलग च्‍वनाः पवित्र जुयाच्‍वँ! छाय्‌धाःसा जि परमप्रभु छिमि परमेश्‍वर खः।

लेवी 22:33

छिमि परमेश्‍वर जुइत जिं हे छिमित मिश्रं पित हया। जि परमप्रभु खः।”

लेवी 25:38

छिमित कनान देश बीत व छिमि परमेश्‍वर जुइत मिश्र देशं छिमित पितहयाम्‍ह जि परमप्रभु छिमि परमेश्‍वर खः।

लेवी 26:45

तर जिं इमिगु लागिं इमि पुर्खातनापं चिनातयागु बाचा लुमंके। जि हे इमि परमेश्‍वर खः धकाः म्‍हसीकेत मेगु जातिं खंक हे इमित मिश्र देशं पित हयागु खः।’”

गन्‍ती 15:40

थ्‍व फुर्कां छिमित जिगु उजं मानय् यायेमाः धकाः लुमंके बियाः ग्‍वाहालि याइ, अले छिपिं थः परमेश्‍वरया निंतिं पवित्र जुइ।

१ थेसलोनिकी 4:7

परमेश्‍वरं झीत अशुद्ध जुइत मखु, बरु पवित्र जुइत सःतादीगु खः।

यहोशू 24:19

अले यहोशूं मनूतय्‌त धाल, “छिमिसं परमप्रभुयागु सेवा बांलाक याये फइ मखु, छाय्‌धाःसा वय्‌कः पवित्रम्‍ह व नुगः मुइकादीम्‍ह परमेश्‍वर खः। वय्‌कलं छिमिगु अपराध व पाप क्षमा यानादी मखु।

१ पत्रुस 1:16

थ्‍व हे खँ थथे च्‍वयातःगु दु – “जि पवित्रम्‍ह जूगुलिं छिपिं नं पवित्रपिं जुयाच्‍वँ।”

१ शमूएल 2:2

“परमप्रभु थें पवित्रम्‍ह सुं हे मदु, अले वय्‌कः थें ज्‍याःम्‍ह सुं हे मदु। झी परमेश्‍वर थें रक्षा याइम्‍ह मेपिं सुं हे मदु।

१ शमूएल 6:20

अले बेथ-शेमेशया मनूतय्‌सं धाल, “परमप्रभु, पवित्र परमेश्‍वरया न्‍ह्यःने सु दने फइ? थ्‍व सनू थनं सुयाथाय् छ्वयेगु?”