लेवी 11:32 - नेवाः बाइबल

³² उपिं मध्‍ये सुं सीबलय् थुमिगु सीम्‍ह छुं चीजया लात धाःसा व अशुद्ध जुइ। सिँ, कापः, छेंगू, भांग्रा वा न्‍ह्यागुयागु दय्‌कातःगु जूसां सन्‍ध्‍या ईतक व अशुद्ध जुइ। उकियात लखय् थुना तयेमाः अले तिनि व शुद्ध जुइ।

लेवी 11:32 ပူးပေါင်းရင်းမြစ်များ

लेवी 11:31

बँय् घिसय् जुया जुइपिं मध्‍ये थुपिं फुक्‍कं छिमिगु निंतिं अशुद्ध खः। सुनां थुमित व थुमिगु सीम्‍ह थी, व सन्‍ध्‍या ईतक अशुद्ध जुइ।

लेवी 14:46

“थ्‍व छेँ तिनातःबलय् सुं नं दुहां वन धाःसा सन्‍ध्‍याः ईतक व मनू अशुद्ध जुइ।

लेवी 15:12

“‘व ल्‍वगिम्‍ह मनुखं चाया थल थिल धाःसा, थ्‍यूगु चाया थल तछ्याना छ्वयेमाः, सिँया थल जक लखं सिलाछ्वयेमाः।

लेवी 15:15

पुजाहारीं छम्‍ह शुद्ध जुइगु बलि निंतिं व छम्‍ह होमबलिया निंतिं छायेमाः। थुकथं पुजाहारीं परमप्रभुया न्‍ह्यःने वयागु ल्‍वय्‌या निंतिं प्रायश्‍चित यायेमाः।

लेवी 16:26

“मरुभूमिइ दुगुचा त्‍वःतःवंम्‍ह मनुखं थःगु वसः हियाः म्‍वःल्‍हुइमाः। अले व छाउनीइ लिहां वये फइ।

लेवी 17:15

“‘सुं इस्राएली वा परदेशी मनुखं सुं थःगु कालं स्‍यूम्‍ह वा जंगली पशुं स्‍याःम्‍ह पशुया ला नल धाःसा वं थःगु वसः हीमाः, लखं म्‍ह छम्‍हं म्‍वःल्‍हुइमाः अले सन्‍ध्‍याकाः ईतक व अशुद्ध जुइ। अनं लिपा व शुद्ध जुइ।

लेवी 22:6

थज्‍याःम्‍ह मनू सन्‍ध्‍याकाः ईतक अशुद्ध जुइमाः। व म्‍वःमल्‍हुतले छाःगु पवित्र वस्‍तुं छुं नं नये मज्‍यू।

लेवी 6:28

ला चाया थलय् दय्‌कूगु खःसा व चाया थलयात तछ्यायेमाः। कँय्‌या थलय् दय्‌कूगु खःसा लखं बांलाक सिलाछ्वयेमाः।

गन्‍ती 19:15

अले पुसां त्‍वपुयामतःगु थल फुक्‍क अशुद्ध जुइ।

गन्‍ती 19:7

अनंलि पुजाहारीं थःगु वसः हियाः लखं म्‍वःल्‍हुइमाः। अनंलि व छाउनीइ दुहां वयेफु। अय्‌नं व सन्‍ध्‍याकाः इलय् तक अशुद्ध जुइ।

तीतस 2:14

झीत झीगु पापं छुतय् यायेत वय्‌कः थः हे सिनादिल। थुकथं वय्‌कलं झीत थः मनू यानाः पवित्र यानादिल, अले भिंगु ज्‍या यायेत साहस बियादिल।

तीतस 3:5

वय्‌कलं झीत मुक्ति बियादिल। झीसं भिंगु भिंगु जक ज्‍या यानागुलिं झीत मुक्ति बियादीगु मखु, बरु वय्‌कलं दया यानाः झीत झीगु पाप सिलाः न्‍हूपिं यानाः व पवित्र आत्‍मायागु शक्तिं मुक्ति बियादीगु खः।