लेवी 11:27 - नेवाः बाइबल

²⁷ प्‍यपां चुयाः जुइपिं मध्‍ये पन्‍जांया बलं जुइपिं फुक्‍क पशु छिमिगु निंतिं अशुद्ध खः। सुनांनं इमिगु सीम्‍ह थी, व सन्‍ध्‍याः ईतक अशुद्ध जुइ।

लेवी 11:27 ပူးပေါင်းရင်းမြစ်များ

लेवी 11:20

“‘पपू दुपिं तुतिं चुइपिं कीत फुक्‍क छिमिगु लागिं घच्‍चाइपुपिं खः।

लेवी 11:23

पपू दुपिं घिसय् जुयाः जुइपिं फुक्‍क कीत छिमिगु लागिं घच्‍चाइपुपिं खः।

लेवी 11:26

“‘तुतिख्‍वः बांलाक मबाःपिं पशु, लिन्‍ह्ययाः नइमखुपिं पशु फुक्‍क छिमिगु निंतिं अशुद्ध खः। सुनां इमिगु सीम्‍ह थी, व अशुद्ध जुइ।

लेवी 11:28

इमिगु सीम्‍ह क्‍वबीपिन्‍सं थःगु वसः हीमाः, अले सन्‍ध्‍याः ईतक अशुद्ध जुइ। इपिं फुक्‍क छिमिगु निंतिं अशुद्ध खः।

लेवी 14:46

“थ्‍व छेँ तिनातःबलय् सुं नं दुहां वन धाःसा सन्‍ध्‍याः ईतक व मनू अशुद्ध जुइ।

लेवी 15:15

पुजाहारीं छम्‍ह शुद्ध जुइगु बलि निंतिं व छम्‍ह होमबलिया निंतिं छायेमाः। थुकथं पुजाहारीं परमप्रभुया न्‍ह्यःने वयागु ल्‍वय्‌या निंतिं प्रायश्‍चित यायेमाः।

लेवी 16:26

“मरुभूमिइ दुगुचा त्‍वःतःवंम्‍ह मनुखं थःगु वसः हियाः म्‍वःल्‍हुइमाः। अले व छाउनीइ लिहां वये फइ।

लेवी 17:15

“‘सुं इस्राएली वा परदेशी मनुखं सुं थःगु कालं स्‍यूम्‍ह वा जंगली पशुं स्‍याःम्‍ह पशुया ला नल धाःसा वं थःगु वसः हीमाः, लखं म्‍ह छम्‍हं म्‍वःल्‍हुइमाः अले सन्‍ध्‍याकाः ईतक व अशुद्ध जुइ। अनं लिपा व शुद्ध जुइ।

लेवी 22:6

थज्‍याःम्‍ह मनू सन्‍ध्‍याकाः ईतक अशुद्ध जुइमाः। व म्‍वःमल्‍हुतले छाःगु पवित्र वस्‍तुं छुं नं नये मज्‍यू।

गन्‍ती 19:7

अनंलि पुजाहारीं थःगु वसः हियाः लखं म्‍वःल्‍हुइमाः। अनंलि व छाउनीइ दुहां वयेफु। अय्‌नं व सन्‍ध्‍याकाः इलय् तक अशुद्ध जुइ।