लेवी 11:13 - नेवाः बाइबल

^13-19 “‘झंगःत मध्‍ये थुपिं घचाइपुसे च्‍वंपिं खः धकाः थुइकि। गथेकि थीथी कथंयापिं गरूड, गिद्ध, हाकुम्‍ह गिद्ध, ह्याउँम्‍ह इमा, हाकुम्‍ह इमा, क्‍वः, अस्‍ट्रिच, हुचिल, लःहँय्, बाय्‌चा, न्‍हिकांझंगः, हाडगील, भुल्‍का, राजहंस, धनेस, न्‍या नइम्‍ह क्‍वः, सलांत्‍याः झंगः, न्‍याखुं ब्‍वह, कल्‍कि झंगः व चिकंलापा। थुमिगु ला नये मज्‍यू।

लेवी 11:13 ပူးပေါင်းရင်းမြစ်များ

अय्‍यूब 28:7

अन वनीगु लँ सुं शिकारी पन्छीं म्‍हमस्‍यू। अले बाय्‌चाया तेल्‍लाःगु मिखां नं व खनी मखु।

अय्‍यूब 38:41

सँक्‍वःया मस्‍त परमेश्‍वरयात बिन्‍ति यायां नयेपित्‍याकाः थुखे उखे ब्‍वयाजुइबलय् उमित सुनां नयेगु नसा बी ला?”

यर्मिया 4:13

स्‍व, व सुपाँय् थें हथासं वयाच्‍वंगु दु। वयागु रथ ग्‍वःफय् थें व वयागु सल इमा स्‍वयाः तसकं ब्‍वाँय् वनी। आः गथे याये! जिपिं नाश जुइ धुंकल।

यर्मिया 4:22

“जिमि प्रजा मूर्ख खः, इमिसं जितः म्‍हमस्‍यू। इपिं मभिंपिं मस्‍त खः। इमिके दुग्‍यां मदु। मभिंगु ज्‍या यायेत इपिं चलाख तर भिंगु ज्‍या याये मसः।”

यर्मिया 48:40

परमप्रभुं थथे धयादी, “स्‍व, छम्‍ह इमा मोआबया च्‍वय् थःगु पपू चक्‍कंकाः हथासं ब्‍वयाः वयाच्‍वंगु दु।

विलाप 4:19

जिमित लित्तुलिपिं आकाशय् ब्‍वइपिं इमा स्‍वयाः नं याकनं ब्‍वांवनी। इमिसं जिमित पहाडय् लित्तुलिल, जिमित हमला यायेत इपिं मरुभूमिइ सुलाच्‍वन।

होशे 8:1

“तुरही पु! छम्‍ह इमा परमप्रभुया देगलय् च्‍वय् ब्‍वयाच्‍वंगु दु, छाय्‌धाःसा मनूतय्‌सं जिगु बाचा त्‍वथूगु दु, अले जिगु व्‍यवस्‍थाया विरोधय् विद्रोही जूगु दु।

लेवी 11:11

थज्‍याःपिं जन्‍तुत घच्‍चाइपुपिं जूगुलिं छिमिसं थुमिगु ला नये मज्‍यू, अज्‍ज ला थुमिगु सीम्‍ह तक नं थीमज्‍यू।

लेवी 11:12

लखय् च्‍वनिपिं पपू व बिखू मदुपिं जुक्‍व छिमिगु लागिं घच्‍चाइपुपिं खः।

हबकूक 1:8

इमि सलत चितुवा स्‍वयाः नं तसकं ब्‍वाँय् वनी अले सन्‍ध्‍याकाः इलय् पिहां वइम्‍ह गुँखिचात स्‍वयाः नं तसकं ग्‍यानापुस्‍से च्‍वं। इमि सल गया वइपिं सिपाइँत तातापाकंनिसें तसकं ब्‍वाँय् वइ। सलत गिद्धं शिकारयात तसकं ब्‍वाँय्‌ वयाः झम्‍ते याः थें वइ।

जकरिया 5:9

अले जिं थस्‍वयाबलय् निम्‍ह मिसा जिपाखे ब्‍वया वयाच्‍वंगु खना। उमिगु पपुलिइ फय् दु। उमिके सल्‍याँत्‍याः झंगःयागु थें पपू दु। इमिसं व पिचा कयाः आकाश व पृथ्‍वीया दथुइ ब्‍वय्‌का यंकल।

मत्ती 24:28

गन सीम्‍ह दु अन गिद्ध नं मुं वइ।”

तीतस 3:3

झीपिं नं छकः ला छुं मस्‍यूपिं, अतेरिपिं, लँ द्वंका च्‍वनापिं, मभिंगु मतिइ तया जुइपिं, मोजमज्‍जा जक याइपिं, नुगः मुइका जुइपिं व थःथवय् मयय्‌का जुइपिं जुइ धुन।