लेवी 10:17 - नेवाः बाइबल

¹⁷ “छिमिसं छाय् पापबलि नापलायेगु पालया चुकय् मनयागु? व तसकं पवित्रगु खः। परमप्रभुं थ्‍व खलःया दोष हुयाछ्वयेगु निंतिं अले मनूतय्‌त शुद्ध यायेगु निंतिं परमप्रभुया न्‍ह्यःने प्रायश्‍चित यायेत छिमित बियादीगु खः।

लेवी 10:17 ပူးပေါင်းရင်းမြစ်များ

प्रस्‍थान 28:38

थ्‍व हारूनया कपालय् दयेमाः। अले इस्राएलीतय्‌सं छाःगु फुक्‍क देछा परमप्रभुं फयाः कयादी। छुं जुयाः थुपिं पवित्र देछा हःगुलिइ दोष दत धाःसा फुक्‍क दोष हारूनं फयेमाः। इपिं परमप्रभुया न्‍ह्यःने नाले बहःगु जुइमा धकाः व न्‍ह्याबलें वया कपालय् दयाच्‍वनी।

प्रस्‍थान 28:43

हारून व वया काय्‌पिन्‍सं पवित्र पालय् दुहां वनेबलय् व वेदीया न्‍ह्यःने सेवा यायेत वनेबलय् थ्‍व वसः फिनावनेमाः। थुकथं इपिं दोषी ठहरे मजुइमा अले मसीमा।” “थ्‍व हारून व वया सन्‍तानयात नं न्‍ह्याबलेंया निंतिं नियम जुल।”

लेवी 16:22

थुकथं व दुगुचां इमिगु फुक्‍क पाप क्‍वबियायंकी। व मनुखं वयात मरुभूमिइ त्‍वःताबीमाः।

लेवी 21:22

पुजाहारीया सन्‍तान जूगुलिं वं थः परमेश्‍वरयात छायेहःगु विशेष देछा नये फइ।

लेवी 22:16

थथे देछां छुं कयाः नके मत्‍यःपिं मनूतय्‌त नकेगु मयायेमाः। मखुसा इमिसं सजाँय फयेमाली। जि इमित पवित्र याइम्‍ह परमप्रभु खः।’”

गन्‍ती 18:1

परमप्रभुं हारूनयात धयादिल, “पवित्र लागाय् जुइगु अपराधया जिम्‍मा छंगु, छिमि काय्‌पिनिगु व छिमि परिवारयागु जुइ। पुजाहारीया ज्‍या लिसे स्‍वापु दुगु ज्‍याखँयागु जिम्‍मा जक छंगु व छिमि काय्‌पिनिगु जुइ।

यूहन्‍ना 1:29

कन्‍हय् खुन्‍हु यूहन्‍नां थःथाय् येशू झायाच्‍वंगु खनाः धाल – “संसारयागु पाप क्षमा यानादीम्‍ह परमेश्‍वरया चीधिकःम्‍ह भ्‍याःचा वय्‌कः हे खः।

२ कोरिन्‍थी 5:21

ख्रीष्‍टयाके पाप धयागु हे मदु। अय्‌नं परमेश्‍वरं झीगु पाप ख्रीष्‍टयात क्‍वबिकादिल। ख्रीष्‍टं थथे यानादीगुलिं हे झीपिं परमेश्‍वर नाप मिलय् जुइ फइ, अले परमेश्‍वरया न्‍ह्यःने धर्मी ठहरय् जुइ।

हिब्रू 9:28

अथे हे तःम्‍हय्‌सिगु पाप हुया छ्वयेत ख्रीष्‍ट नं छकः सिनादिल। वय्‌कः निक्‍वः खुसि नं झाइतिनि। उबलय् वय्‌कः पाप हुया छ्वयेत मखु, बरु वय्‌कःयागु लँ स्‍वयाच्‍वंपिन्‍त बचय् यायेत झाइ।

१ पत्रुस 2:24

वय्‌कः थःम्‍हय्‌सिनं हे झीगु पाप क्‍वबिया क्रूसय् सिनादिल। अय्‌जूगुलिं झीसं पाप यायेगु मतिइ तकं मतसे परमेश्‍वरयात यय्‌क भिंगु बांलाःगु जक यानाच्‍वनेमाः। छिमित मुक्ति बीत ख्रीष्‍ट सिनादीगु खः।