लेवी 10:13 - नेवाः बाइबल

¹³ छिमिसं थ्‍व नापलायेगु पालया चुकय् च्‍वनाः न। छाय्‌धाःसा परमप्रभुया निंतिं छाःगु विशेष देछातपाखें थ्‍व छंगु व छिमि काय्‌पिनिगु ब्‍व खः। जितः थथे हे उजं ब्‍यूगु खः।

लेवी 10:13 ပူးပေါင်းရင်းမြစ်များ

इजकिएल 42:13

अले वं जितः धाल, “देगःया चुकपाखे स्‍वःगु उत्तर व दच्‍छिनयागु क्‍वथात धाःसा पुजाहारीया क्‍वथात खः, अन मनूतय्‌सं छाःगु दकलय् पवित्र भेटीत परमप्रभुया न्‍ह्यःने वनीपिं पुजाहारीतय्‌सं नयेगु याइ। अन इमिसं दकलय् पवित्र भेटीत, अन्‍नबलि, शुद्ध जुइगु बलि व दोषबलि तइ, छाय्‌धाःसा व थाय् पवित्र खः।

लेवी 10:12

मोशां हारून व वया ल्‍यंदुपिं काय्‌पिं एलाजार व ईतामारयात धाल, “परमप्रभुयात विशेष देछा छाये धुंकाः ल्‍यं दुगु अन्‍नबलि यंकाः वेदी लिक्‍क सोडा ल्‍वाकमछ्यासे दय्‌काः न, छाय्‌धाःसा थ्‍व तसकं पवित्र जू।

लेवी 10:14

संकाबीगु बलिया व ह्याकुला विशेष भेटी खम्‍पा धाःसा छ, छिमि काय्‌पिं व म्‍ह्याय्‌पिन्‍सं विधिकथं शुद्ध याःगु थासय् च्‍वनाः नयेमाः। छाय्‌धाःसा थ्‍व इस्राएलीतय्‌गु मेलबलिया पाखेंयागु छिमिगु ब्‍व खः।

लेवी 2:3

अन्‍नबलिया ल्‍यं दुगु हारून व वया काय्‌पिनिगु जुइ। परमप्रभुया निंतिं मेमेगु विशेष देछा स्‍वयाः थ्‍व तसकं पवित्रगु खः।

लेवी 6:16

“‘ल्‍यं दुगु धाःसा हारून व वया काय्‌पिन्‍सं नइ। इमिसं थुकियात सोडा मतसे व नापलायेगु पालया चुकय् च्‍वनाः नयेमाः।

गन्‍ती 18:10

थ्‍व तसकं पवित्रगु ब्‍वकथं छं व न। फुक्‍क मिजंतय्‌सं व नयेमाः। थुकियात छं पवित्र ताय्‌केमाः।

गन्‍ती 5:10

छम्‍ह छम्‍ह मनूया पवित्र कोसेलि वयागु थःगु हे खः, तर वं पुजाहारीयात छु बी व पुजाहारीयागु हे जुइ।’”