लेवी 10:10 - नेवाः बाइबल

¹⁰ पवित्र व साधारण अले शुद्ध व अशुद्धया दथुइ छिमिसं पाःगु म्‍हसीकेमाः।

लेवी 10:10 ပူးပေါင်းရင်းမြစ်များ

यर्मिया 15:19

उकिं परमप्रभुं थथे धयादी, “छ पस्‍ताय् चाल धाःसा छं जिगु सेवा यायेमा धकाः जिं छन्‍त हाकनं थापं याये। छं माःगु खँ जक ल्‍हात धाःसा अले म्‍वाःमदुगु खँ मल्‍हात धाःसा, छ जिगुपाखें खँ ल्‍हाइम्‍ह थें जुइ। थुपिं मनूत छन्‍थाय् लिहां वयेमा तर छ धाःसा इपिं पाखे वने मते।

इजकिएल 22:26

वया पुजाहारीत जिगु व्‍यवस्‍थाया अःखतं वंगु दु अले जिगु पवित्र चिजत स्‍यंकूगु दु। इमिसं पवित्र व साधारणया दथुइ छुं मपाकु। इमिसं शुद्ध व अशुद्ध छुं मपाः धकाः स्‍यंगु दु। इमिसं जिगु विश्रामबार नं मानय् मयाः, इमिगु दथुइ जि अपमानित जूगु दु।

इजकिएल 44:23

इमिसं जिगु प्रजायात पवित्र व साधारण छु पाः व स्‍यनेमाः अले इमित शुद्ध व अशुद्ध छुतय् यायेगु स्‍यनेमाः।

लेवी 11:47

छिमिसं शुद्ध व अशुद्ध, अले नये ज्‍यूपिं व नये मज्‍यूपिं प्राणीत पाःगु म्‍हसीकेमाः।’”

लेवी 13:43

पुनेयःगु ल्‍वय् वइबलय् थें पुजाहारीं वयात जाँचय् यानाः स्‍वइबलय् सँ मदया पाचुसे च्‍वंगु थासय् मनावयाः ह्याउँसे ह्याउँसे च्‍वंगु तुयुगु घाः खनेदःसा

लेवी 14:57

शुद्ध खः ला कि अशुद्ध खः धकाः सीकेगु विधि थ्‍व हे खः। छेंगूया पुनेयःगु ल्‍वय् व फ्‍वसा वःगुपाखें शुद्ध जुइगु थुकथं खः।

तीतस 1:15

शुद्धपिन्‍त ला फुक्‍कं शुद्ध हे जुइ। मभिंपिन्‍त व विश्‍वास मयाइपिन्‍त धाःसा छुं नं शुद्ध जुइ मखु, छाय्‌धाःसा इमिगु मन व बिचाः हे शुद्ध मजू।