लेवी 1:9 - नेवाः बाइबल

⁹ आतापुति भ्‍वरि व तुति धाःसा लखं सिलेमाः अले व फुक्‍कयात पुजाहारीं वेदीइ छ्वाकेमाः। थ्‍व परमप्रभुयात यःगु नस्‍वाः वःगु विशेष देछा, होमबलि खः।

लेवी 1:9 ပူးပေါင်းရင်းမြစ်များ

उत्‍पत्ति 8:21

उकिं लय्‌तायाः परमप्रभुं मनं मनं धयादिल, “मनूया नुगलय् मचांनिसें हे मभिंगु खँ बुयावःसां आः हाकनं जिं मनूया कारणं पृथ्‍वीयात सराः बी मखुत। अले न्‍हापा याना थें आः हाकनं ज्‍यान दुपिं फुक्‍कसितं नाश याये मखुत।

१ इतिहास 6:34

शमूएल एल्‍कानाया काय् खः। एल्‍काना यरोहामया काय् खः। यरोहाम एलीएलया काय् खः। एलीएल तोहया काय् खः।

२ इतिहास 4:6

वं होमबलिया फुक्‍क ज्‍वलं सिलेत झिगः बाता दय्‌काः न्‍यागः दच्‍छिनपाखे व न्‍यागः उत्तरपाखे तयाबिल। तर जःसि धाःसा पुजाहारीतय् म्‍वः ल्‍हुइत खः।

भजनसंग्रहया सफू 51:6

छितः बूसांनिसें भिं मनू जूगु यः। उकिं जितः छिगु बुद्धि बियादिसँ।

भजनसंग्रहया सफू 66:15

जिं छिगु वेदीइ होमबलिकथं स्‍यल्‍लाःपिं फैत बलि बीहये। अले द्वहं व दुगुया बलि बीहये। सेला

प्रस्‍थान 12:9

लायात कचिकं नये मते, अले लखय् दय्‌काः नं नये मते। छ्यं तुति, म्‍ह दुने च्‍वंगु ला फुक्‍कं मिइ छुयाः न।

प्रस्‍थान 29:18

भ्‍याःचाया म्‍ह छम्‍हं वेदीइ छ्वय्‌काछ्व। थ्‍व परमप्रभुया निंतिं विशेष देछा, नस्‍वाःगु होमबलि खः।

प्रस्‍थान 29:25

अनंलि व फुक्‍कयात इमिगु ल्‍हातं कयाः परमप्रभुयात यःगु नस्‍वाःकथं वय्‌कःयात विशेष देछा, होमबलिया वेदीइ छ्वय्‌काब्‍यु। थ्‍व परमप्रभुयात मिं छाःगु बलि खः।

यर्मिया 4:14

हे यरूशलेम, छ बचय् जुइत थःगु नुगलं मभिंगु खँ सिलाछ्व। गुबलय् तक मभिंगु बिचाः छंगु नुगलय् तया तयेगु?

इजकिएल 20:28

जिं पाफयाः इमित बी धयागु देशय् इमित हयाबलय्, गन गन इमिसं तःज्‍जाःगु वा झ्‍याम्‍म जूगु सिमा खन, अन अन इमिसं थःगु बलिदानत छाल, जितः तं पिकाइगु इमिगु भेटी छाल। इमिसं थःगु नस्‍वाःगु गुँगू थन अले थःगु त्‍वँसाबलि छाल।

इजकिएल 20:41

जिं छिमित जाति जातितपाखें पित हयेबलय् अले छिमित छ्यालब्‍याल जुयाच्‍वंगु देशं छिमित मुंकेबलय् छिमित नस्‍वाःगु धुपाँय् थें नाले। अले जाति जातितय्‌गु न्‍ह्यःने जिं थःम्‍हं थःत छिमिगु दथुइ पवित्र क्‍यने।

इजकिएल 40:38

फुक्‍क मू ध्‍वखाःया दलानया न्‍ह्यःने लुखा दुगु क्‍वथा दु। अन इमिसं होमबलि सिलीगु।

लेवी 1:13

वं बलि बीहःम्‍ह पशुयागु आतापुति भ्‍वरि व तुतियात लखं सिलेमाः। अले पुजाहारीं फुक्‍क यंकाः वेदीइ छ्वय्‌केमाः। थ्‍व परमप्रभुयात यःगु नस्‍वाः वःगु होमबलि, विशेष देछा खः।

लेवी 1:17

उकी देछाःम्‍ह झंगःयात कुचा मयासें पपूया दथुं फायेमाः। पुजाहारीं वेदीइ दुगु मि च्‍वय् सिँइ झंगःयात छ्वय्‌केमाः। थ्‍व परमप्रभुयात यःगु नस्‍वाः वःगु होमबलि, विशेष देछा खः।

लेवी 2:16

अले पुजाहारीं अन्‍नबलिं चिकं तयातःगु क्‍यलातःगु अन्‍न छुं ब्‍व व धुपाँय्‌ फुक्‍क कयाः लुमन्‍तिकथं छ्वय्‌केमा। परमप्रभुया निंतिं थ्‍व विशेष देछा खः।

लेवी 2:2

अले वं हारूनया पुजाहारी काय्‌पिन्‍थाय् हयेमाः। उकिं पुजाहारीं थःगु ल्‍हाःया छम्‍हू भिंगु छुचुं व चिकं, अले फुक्‍क धुपाँय्‌ नाप लिकायेमाः। अले वं परमप्रभुयात यःगु नस्‍वाः वःगु विशेष देछा लुमन्‍तिकथं वेदीइ छ्वय्‌केमाः।

लेवी 2:9

पुजाहारीं अन्‍नबलिं लुमन्‍तिकथं छम्‍हु लिकयाः व परमप्रभुयात यःगु नस्‍वाः वःगु विशेष देछा वेदीइ छ्वय्‌केमाः।

लेवी 3:11

पुजाहारीं व परमप्रभुया निंतिं विशेष देछा वेदीइ नसाकथं छ्वय्‌केमाः।

लेवी 3:5

व फुक्‍कयात हारूनया काय्‌पिन्‍सं वेदीइ मि च्‍वय् दुगु सिँइ तयाः छ्वय्‌केमाः। थ्‍व परमप्रभुयात यःगु नस्‍वाः वःगु विशेष देछा खः।

लेवी 4:31

उकिया फुक्‍क दाः मेलबलिया दाः थें लिकायेमाः। अले पुजाहारीं परमप्रभुया निंतिं नस्‍वाः वय्‌केत वेदीइ छ्वय्‌केमाः। थथे पुजाहारीं उकिया निंतिं प्रायश्‍चित याइ, अले वयात क्षमा दइ।

लेवी 6:14

“‘अन्‍नबलि छायेगु विधि थथे खः – हारूनया काय्‌पिन्‍सं थुकियात परमप्रभुया न्‍ह्यःने वेदीइ हयेमाः।

लेवी 8:21

परमप्रभुं मोशायात उजं बियादी थें वं आतापुति-भ्‍वरी व तुति लखं सिल, अले व परमप्रभुया निंतिं विशेष देछा, नस्‍वाः वःगु होमबलिकथं वं भ्‍याःचाया फुक्‍क म्‍ह वेदीइ छ्वय्‌कल।

लेवी 8:28

अनं लिपा मोशां इमिगु ल्‍हातिं व कयाः परमप्रभुया निंतिं विशेष देछा, नस्‍वाःगु अर्पण बलिकथं होमबलिया वेदीइ छ्वय्‌कल।

लेवी 9:14

वं दुला, भ्‍वरि व तुति सिलाः वेदीइ होमबलिया च्‍वय् छ्वय्‌काबिल।

जकरिया 13:7

“दक्‍व शक्ति दुम्‍ह परमप्रभुं धयादी, हे तरवार, दनाः जिम्‍ह फैजवाःयात हमला या, जिनापं दनाच्‍वनीम्‍ह मनूयात हमला या। वयात स्‍या, अले फैत उखेलाः थुखेलाः जुइ। अले जिं थःगु ल्‍हाः चीधिकःपिं भ्‍याचातय्‌गु विरोधय् ल्‍ह्वने।”

गन्‍ती 15:3

छिमिसं परमप्रभुयात लय्‌ताय्‌कीगु नस्‍वाःकथं होमबलि व विशेष देछा बीबलय् सा द्वहंया बथां वा फैच्‍वलय्‌या बथांपाखें जुइमाः, अथे हे भाकलया बलि, थःयसें छाइगु बलि व नखःचखःया बलि बीबलय्

गन्‍ती 28:11

“‘लायागु न्‍हापां खुन्‍हु छिमिसं परमप्रभुयात होमबलिया निंतिं निम्‍ह द्वहंचा, छम्‍ह भ्‍याःचा व दच्‍छि दुपिं न्‍हय्‌म्‍ह चिधिकःपिं भ्‍याःचा छायेमाः। थुपिं खू मदुपिं जुइमाः।

गन्‍ती 28:7

न्‍हियान्‍हिथं न्‍हापांम्‍ह बां बीगु भ्‍याःचानापं त्‍वँसाबलिकथं छगू हीनया प्‍यब्‍वय् छब्‍व दाखमद्य वेदीइ छायेमाः। थ्‍व त्‍वँसाबलि नापलायेगु पालया चुकय् च्‍वंगु वेदीइ परमप्रभुया निंतिं प्‍वंकेमाः।

गन्‍ती 28:8

सन्‍ध्‍याकाः इलय् मेम्‍ह भ्‍याःचायात सुथय् थें अन्‍नबलि व त्‍वँसाबलि नाप छायेमाः। थ्‍व परमप्रभुयात यःगु नस्‍वाःगु विशेष देछा खः।

२ कोरिन्‍थी 2:15

जिं न्‍यंकागु ख्रीष्‍टयागु भिंगु खँ परमेश्‍वरयात तःधंकेगु नस्‍वाः थें खः। थ्‍व मुक्ति काःपिं व नाश जुइपिनि दथुइ नं जिपिं परमेश्‍वरया निंतिं ख्रीष्‍टया नस्‍वाः खः।

एफिसी 5:2

ख्रीष्‍ट येशूं झीत माया यानादी थें छिमिसं नं थःथवय् माया यानाः च्‍वनेगु यायेमाः। ख्रीष्‍टं झीत माया यानाः नस्‍वाःगु देछा व बलिकथं थःत परमेश्‍वरयाथाय् छायादिल।

व्‍यवस्‍था 12:27

छिमिसं थःगु होमबलिया ला व हि परमप्रभु छिमि परमेश्‍वरयागु वेदीइ छा। बां ब्‍यूगुया हि परमप्रभु छिमि परमेश्‍वरयागु वेदीया लिकसं प्‍वंकाबीमाः, ला धाःसा छिमिसं नयेफु।

फिलिप्‍पी 4:18

छिमिगुपाखें जितः मतिइ तयागु स्‍वयाः अप्‍वः हे दत। छिमिसं इपाफ्रोडिटसयात बीके छ्वयाहःगु ग्‍वाहालि नं जिगु ल्‍हातय् लात। छिमिसं छ्वयाहःगु थ्‍व ग्‍वाहालि ला नस्‍वाः वःगु व परमेश्‍वरयात यःगु बलिदान थें खः।