लेवी 1:4 - नेवाः बाइबल

⁴ अले वं थःगु ल्‍हाः होमबलि पशुया छेनय् तयेमाः। अले वयागु प्रायश्‍चितया लागिं ग्रहण याइगु जुइ।

लेवी 1:4 ပူးပေါင်းရင်းမြစ်များ

प्रस्‍थान 28:38

थ्‍व हारूनया कपालय् दयेमाः। अले इस्राएलीतय्‌सं छाःगु फुक्‍क देछा परमप्रभुं फयाः कयादी। छुं जुयाः थुपिं पवित्र देछा हःगुलिइ दोष दत धाःसा फुक्‍क दोष हारूनं फयेमाः। इपिं परमप्रभुया न्‍ह्यःने नाले बहःगु जुइमा धकाः व न्‍ह्याबलें वया कपालय् दयाच्‍वनी।

प्रस्‍थान 29:10

“अनं लिपा व द्वहंचा नापलायेगु पालया ध्‍वाखाय् हजि, अले हारून व वया काय्‌पिन्‍सं द्वहंचाया छेनय् थथःगु ल्‍हाः तयेमाः।

प्रस्‍थान 29:15

“छं छम्‍ह भ्‍याःचा नं का, अले हारून व वया काय्‌पिन्‍सं चिधिकःम्‍ह भ्‍याःचायागु छेनय् थथःगु ल्‍हाः तयेमाः।

प्रस्‍थान 29:19

“छं मेम्‍ह छम्‍ह भ्‍याःचा का, अले हारून व वया काय्‌पिन्‍सं भ्‍याःचायागु छेनय् थथःगु ल्‍हाः तयेमाः।

प्रस्‍थान 29:33

इमिसं पलिस्‍था यायेत व प्रायश्‍चित यायेत देछाःगु इमिसं नये ज्‍यू। व पवित्र जूगुलिं मेपिन्‍सं नये मज्‍यू।

यशैया 56:7

जिं जिगु पवित्र पर्वतय् हया। जिगु प्रार्थना यायेगु छेँय् लय्‌ताय्‌केबी। इमिसं जिगु वेदीइ छाःगु होमबलि व बलित जिं यय्‌के। छाय्‌धाःसा जिगु छेँ फुक्‍क जातितय्‌गु निंतिं प्रार्थनाया छेँ जुइ।”

इजकिएल 45:15

“‘फै इस्राएलया ख्‍यःयापिं निसःम्‍ह फैपाखें छम्‍ह। “‘छिमिसं अन्‍नबलि, होमबलि व मेलबलिया निंतिं पशुत अन्‍न व चिकं हइ, अले व छिमिगु निंतिं प्रायश्‍चित जुइ, परमप्रभु परमेश्‍वरं धयादी।

दानिएल 9:24

“पाप व मभिंपाखे छिमिगु जाति व पवित्र शहरयात त्‍वःतकेत, पाप क्षमा यायेत व अधर्मया प्रायश्‍चित यायेत परमेश्‍वरं न्‍हयेगू वाः क्‍वछिनादीगु दु। उकिं दर्शन व अगमवाणी पूवनी व पवित्र देगः हानं अभिषेक जुइ।

लेवी 16:21

अले हारूनं थःगु निपा ल्‍हाः दुगुचिया छेनय् तयाः इस्राएलीतय्‌गु फुक्‍क मभिंगु ज्‍या, पाप व अपराधयात नालाः व फुक्‍क दुगुचिया छेनय् चीकेमाः। अनंलि व दुगुचित मरुभूमिइ यंकीम्‍ह मनूयात बियाछ्वयेमाः।

लेवी 16:24

अले पवित्र इलाकाय् हे म्‍वःल्‍हुयाः थःगु पुजाहारीया वसः पुनेमाः। अले अनं पिहां वयाः थःगु व मनूतय्‌गु निंतिं होमबलि छानाः प्रायश्‍चित यायेमाः।

लेवी 22:21

“‘सुनानं मेलबलि वा थः यःछिया बलि फैच्‍वलय्‌या बथां वा सा द्वहंया बथांपाखें थःगु भाकल पूवंकेत छाल धाःसा नालेबहः जुइत व पशुयागु म्‍हय् छुं नं खू मदयेमाः।

लेवी 22:27

“साचा वा द्वहंचा, चिधिकःम्‍ह भ्‍याःचा वा दुगुचा बुइबलय् व न्‍हय्‌न्‍हु तक थः मां नापं हे च्‍वनेमाः। च्‍यान्‍हु खुन्‍हुनिसें व परमप्रभुया न्‍ह्यःने विशेष देछाकथं नालेबहः जुइ।

लेवी 3:13

वं थःगु ल्‍हाः वयागु छेनय् तयेमाः, नापलायेगु पालया ध्‍वाखाय् वयात स्‍यायेमाः। अले हारूनया काय्‌पिन्‍सं वयागु हि वेदीया जःखः छ्वाकेमाः।

लेवी 3:2

व मनुखं थःगु ल्‍हाः पशुया छेनय् तयेमाः। अले व देछाःम्‍ह बलियात नापलायेगु पालया ध्‍वाखाय् पालाः स्‍यायेमाः। अले हारूनया पुजाहारी काय्‌पिन्‍सं बलिया हि वेदीइ जःखः छ्वाकेमाः।

लेवी 3:8

वं थःगु बलिया छेनय् ल्‍हाः तयेमाः। अले वयात नापलायेगु पालया ध्‍वाखाय् स्‍यायेमाः। पुजाहारीं छाःम्‍ह पशुया हि वेदीया जःखः छ्वाकेमाः।

लेवी 4:15

खलःया थकालिपिन्‍सं परमप्रभुया न्‍ह्यःने द्वहंयागु छेनय् थथःगु ल्‍हाः तयेमाः, अले व द्वहंयात परमप्रभुया न्‍ह्यःने स्‍यायेमाः।

लेवी 4:20

पापबलिया द्वहंयात वं गथे याःगु खः थ्‍व द्वहंयात नं अथे हे यायेमाः। थुकथं पुजाहारीं इमिगु निंतिं प्रायश्‍चित यायेमाः, अले इमित क्षमा दइ।

लेवी 4:24

वं दुगुया छेनय् थःगु ल्‍हाः तयेमाः। परमप्रभुया न्‍ह्यःने होमबलिया पशु स्‍याइगु थासय् वयात स्‍यायेमाः। थ्‍व पापबलि खः।

लेवी 4:26

उकिया फुक्‍क दाः मेलबलिया दाः थें वेदीइ छ्वय्‌केमाः। थथे पुजाहारीं नायःया पापया लागिं प्रायश्‍चित याइ, अले वयात क्षमा दइ।

लेवी 4:29

वं शुद्ध जुइगु बलिया छेनय् थःगु ल्‍हाः तयेमाः अले होमबलिया थासय् स्‍यायेमाः।

लेवी 4:31

उकिया फुक्‍क दाः मेलबलिया दाः थें लिकायेमाः। अले पुजाहारीं परमप्रभुया निंतिं नस्‍वाः वय्‌केत वेदीइ छ्वय्‌केमाः। थथे पुजाहारीं उकिया निंतिं प्रायश्‍चित याइ, अले वयात क्षमा दइ।

लेवी 4:33

वं शुद्ध जुइगु बलिया छेनय् थःगु ल्‍हाः तयेमाः। होमबलिया पशुत स्‍याइगु थासय् वयात स्‍यायेमाः।

लेवी 4:35

परमप्रभुयात छाःगु विशेष देछाया फुक्‍क दाः नापं मेलबलिया चिधिकःम्‍ह भ्‍याःचाया दाः थें पापबलिया फुक्‍क दाः वं लिकया उकियात पुजाहारीं वेदीइ छ्वय्‌केमाः। थथे वं याःगु पापया निंतिं पुजाहारीं वयागु लागिं प्रायश्‍चित याइ, अले वयात क्षमा दइ।

लेवी 4:4

वं द्वहंयात नापलायेगु पालया ध्‍वाखाय् परमप्रभुया न्‍ह्यःने हयाः वयागु छेनय् थःगु ल्‍हाः तयाः परमप्रभुया न्‍ह्यःने स्‍यायेमाः।

लेवी 5:6

अले वं सजाँयकथं परमप्रभुयाथाय् बथांपाखें मिसाम्‍ह चिधिकःम्‍ह फै वा च्‍वलय् पापबलि छाये हयेमाः। पुजाहारीं वयागु पापया निंतिं प्रायश्‍चित यायेमाः।

लेवी 6:7

थ्‍व विधिकथं पुजाहारीं वयागु निंतिं परमप्रभुया न्‍ह्यःने प्रायश्‍चित यायेमाः। अले वयात क्षमा दइ।”

लेवी 8:14

अनं लिपा वं पापबलिया द्वहं हल, अले हारून व वया काय्‌पिन्‍सं पापबलिया द्वहंया छेनय् थथःगु ल्‍हाः तल।

लेवी 8:18

अनं लिपा मोशां होमबलि छायेत भ्‍याःचा हल। हारून व वया काय्‌पिन्‍सं थथःगु ल्‍हाः भ्‍याःचाया छेनय् तल।

लेवी 8:22

अनंलि वं अर्पणयाम्‍ह भ्‍याःचा न्‍ह्यःने यंकल। थ्‍व भ्‍याःचायागु छेनय् हारून व वया काय्‌पिन्‍सं नं थथःगु ल्‍हाः तल।

लेवी 9:7

मोशां हारूनयात धाल, “परमप्रभुं उजं बियादी थें वेदीया न्‍ह्यःने थःगु शुद्ध जुइगु बलि व होमबलियात छायाः थःगु व फुक्‍क मनूतय्‌गु लागिं प्रायश्‍चित या, अले मनूतय्‌सं छायेहःगु नं छायाः इमिगु लागिं प्रायश्‍चित या।”

गन्‍ती 15:25

अले पुजाहारीं इस्राएलया फुक्‍क खलःया लागिं प्रायश्‍चित यायेमाः, अले इमित क्षमा याइगु जुइ। छाय्‌धाःसा व मसीकं मचायेकं याःगु मभिंगु ज्‍या खः। इमिसं थःगु पापया निंतिं परमप्रभुया न्‍ह्यःने विशेष देछा व पापबलि हःगु दु।

गन्‍ती 15:28

व मसीकं मचाय्‌कं व पाप ज्‍या याःम्‍ह मनूया प्रायश्‍चितया निंतिं पुजाहारीं परमप्रभुया न्‍ह्यःने प्रायश्‍चित यायेमाः, अले वयात क्षमा दइ।

गन्‍ती 25:13

थ्‍व बाचाय् जिं वयात व वया सन्‍तानयात न्‍ह्याबलेंया लागिं पुजाहारी जुयाः ज्‍या यायेगु अधिकार बी। छाय्‌धाःसा परमेश्‍वरया लागिं वं नुगः मुइकल, अले इस्राएलीतय्‌गु निंतिं प्रायश्‍चित यात।”

गन्‍ती 8:10

छं लेवीतय्‌त परमप्रभुया न्‍ह्यःने हजि। अले इस्राएलीतय्‌सं थथःगु ल्‍हाः लेवीतय्‌गु म्‍हय् तयेमाः।

गन्‍ती 8:12

“अले लेवीतय्‌सं द्वहंतय्‌गु छेनय् थथःगु ल्‍हाः तयेमाः, अले लेवीतय्‌गु निंतिं प्रायश्‍चित यायेत छम्‍ह द्वहंचायात पापबलिकथं व निम्‍हय्‌सित होमबलिकथं छं परमप्रभुयात बलि छायेमाः।

रोमी 12:1

यःपिं दाजुकिजापिं, थथे परमेश्‍वरयागु दया मायां यानाः वय्‌कःयात यय्‌क, पवित्र जुइक, छिमिगु जीवन वय्‌कःयात बलिकथं देछाया ब्‍यु। थथे यायेगु हे दुनुगलंनिसें सेवा यायेगु खः।

रोमी 3:25

परमेश्‍वरं येशू ख्रीष्‍टयात प्रायश्‍चितया बलिदान याकाः वय्‌कःयागु हिं वय्‌कःयात विश्‍वास याक्‍वसिगु पाप क्षमा यानादिल। वय्‌कलं न्‍हापा न्‍हापायापिं मनूतय्‌गु पापया सजाँय मब्‍यूसे सह यानादिल।

रोमी 5:11

थुलि जक मखु, झीत परमेश्‍वर नाप मिलय् यानादीम्‍ह झी प्रभु येशू ख्रीष्‍टं यानाः वय्‌कः नाप झीपिं लय्‌ताय् खन।

फिलिप्‍पी 4:18

छिमिगुपाखें जितः मतिइ तयागु स्‍वयाः अप्‍वः हे दत। छिमिसं इपाफ्रोडिटसयात बीके छ्वयाहःगु ग्‍वाहालि नं जिगु ल्‍हातय् लात। छिमिसं छ्वयाहःगु थ्‍व ग्‍वाहालि ला नस्‍वाः वःगु व परमेश्‍वरयात यःगु बलिदान थें खः।

हिब्रू 10:4

द्वहंत व दुगुचातय्‌गु हिं गुब्‍सं पाप हुयाछ्वये फइ मखु।

१ यूहन्‍ना 2:2

झीगु पापयागु निंतिं जक मखु, संसारय् च्‍वंपिं फुक्‍क मनूतय्‌गु पापया निंतिं वय्‌कः बलिदान जुयादीगु खः।