विलाप 5:7 - नेवाः बाइबल

⁷ जिमि तापाःबाज्‍यापिन्‍सं पाप यात, आः इपिं मन्‍त। इमिसं याःगु अर्धमया फल जिमिसं भोगे यानाच्‍वना।

विलाप 5:7 ပူးပေါင်းရင်းမြစ်များ

उत्‍पत्ति 42:13

इमिसं धाल, “जिपिं फुक्‍कं झिंनिम्‍ह दाजुकिजापिं दु। कनानय् च्‍वंपिं जिपिं छम्‍ह हे मनूया काय्‌पिं खः। दक्‍वसिबय् चिधीम्‍ह धाःसा जिमि बाःलिसे दु, छम्‍ह जक मदये धुंकल।”

उत्‍पत्ति 42:36

इमि बौ याकूबं धाल, “छिमिसं जिमि काय्‌पिं योसेफ व शिमियोनयात ला फाया यंके हे धुंकल। आः हाकनं बेन्‍यामीन नं यंकेत्‍यनागु ला? थ्‍व फुक्‍क जितः हे जुइमाःगु ला?”

अय्‍यूब 7:21

छिं छाय् जिगु अपराध माफ यानामदियागु अले जिगु पाप क्षमा यानामदियागु? आः जि याकनं हे चिहानय् थ्‍यनी। छिं जितः मालादीबलय् जि दइ हे मखु।”

अय्‍यूब 7:8

आः जितः खंगु छिगु मिखां हाकनं जितः गुबलें खनी मखुत, छिं जितः मालादी, तर जि दइ मखु।

प्रस्‍थान 20:5

छिमिसं उकियात भागि याये मते, पुजा नं याये मते। छाय्‌धाःसा जि हे परमप्रभु छिमि परमेश्‍वर खः। मेपिं द्यःतय्‌त पुजा याःगु जिं सह याये मफु। जिं जितः मयय्‌कूम्‍ह मनूया अधर्मया सजाँय वया छय् व छुइपिनिगु पालय् तक नं बीम्‍ह खः।”

यर्मिया 14:20

हे परमप्रभु, जिमिसं थःगु मभिंगु ज्‍या व जिमि तापाःबाज्‍यापिनिगु अपराध मानय् याये, जिमिसं धात्‍थें हे छिगु विरोधय् पाप यानागु दु।

यर्मिया 16:11

अबलय् छं इमित थथे धा, ‘छिमि तापाःबाज्‍यापिन्‍सं जितः त्‍वःताः मेपिं द्यःतय्‌त पुजा यात अले सेवा यात,’ परमप्रभुं धयादी। ‘इमिसं जिगु व्‍यवस्‍था पालन मयाः।

यर्मिया 16:12

तर छिमिसं ला छिमि तापाःबाज्‍यापिन्‍सं स्‍वयाः यक्‍व मभिंगु ज्‍या याःगु दु। स्‍व, छिपिं सकलें जिगु आज्ञा पालन यायेगु स्‍वयाः जिराहा जुयाः मभिंगु इच्‍छाया ल्‍यू जूगु दु।

यर्मिया 31:15

परमप्रभुं थथे नं धयादी, “न्‍यँ, रामा शहरय् नुगः हे तज्‍याइ थें च्‍वंक ख्‍वःसः ताये दत। राहेल थः मस्‍तय्‌त लुमंकाः ख्‍वयाच्‍वन। न्‍ह्याक्‍व ह्ययेकूसां व मानय् मजू, छाय्‌धाःसा वया मस्‍त स्‍याये धुंकल।”

यर्मिया 31:29

“व दिं वइबलय् मनूतय्‌सं आवंलि थथे धाइ मखु, “‘मांबौपिन्‍सं खायुगु अंगुर नल, तर मस्‍तय्‌गु वा तुन।’

इजकिएल 16:58

छं थःगु मभिंगु ज्‍या व घच्‍चाइपुगु ज्‍याया सजाँय भोगय् यानाच्‍वंगु दु, परमप्रभुं धयादी।

इजकिएल 18:2

“इस्राएल देशया बारे धाःगु थ्‍व उखान हाकनं दोहरय् याःगुया अर्थ छु खः “‘पाउँसे च्‍वंगु दाख मांबौनं नल, वा तुन काय् म्‍ह्याय्‌पिनिगु’?

जकरिया 1:5

छिमि पुर्खात आः गन वन? अले अगमवक्तात सदां म्‍वानाच्‍वंनि ला?

गन्‍ती 14:18

‘परमप्रभु तसकं सह याये फुम्‍ह, सदां दयामाया यानादीम्‍ह, अधर्म व अपराध क्षमा यानादीम्‍ह खः। अय्‌नं द्वं याःम्‍हसित वय्‌कलं क्षमा यानादी मखु, अले पुर्खातय्‌सं याःगु अधर्मया सजाँय वया स्‍वंगू प्‍यंगू पुस्‍तायात तकं बियादीम्‍ह खः।’