विलाप 5:21 - नेवाः बाइबल

²¹ हे परमप्रभु, जिमित छिथाय् लितहयादिसँ, अले जिपिं लिहां वये, न्‍हापा जिपिं गथे खः जिमित हाकनं अथे हे यानादिसँ।

विलाप 5:21 ပူးပေါင်းရင်းမြစ်များ

१ राजा 18:37

जितः लिसः बियादिसँ! हे परमप्रभु, जितः लिसः बियादिसँ! थुपिं मनूतय्‌सं छि हे परमप्रभु, परमेश्‍वर खः अले छिं हे इमिगु मनयात हीकादी धकाः सीमा।”

भजनसंग्रहया सफू 80:19

हे परमप्रभु, दक्‍व शक्ति दुम्‍ह परमेश्‍वर, जिमित हाकनं छिपाखे लित ब्‍वनाहयादिसँ। जिमित थःगु ख्‍वाःया जलं खय्‌कादिसँ। अले जक जिपिं बचय् जुइ।

भजनसंग्रहया सफू 80:3

हे परमेश्‍वर, जिमित हाकनं छिपाखे लित ब्‍वनाहयादिसँ। जिमित थःगु ख्‍वाःया जलं खय्‌कादिसँ। अले जक जिपिं बचय् जुइ।

भजनसंग्रहया सफू 80:7

दक्‍व शक्ति दुम्‍ह परमेश्‍वर, जिमित हाकनं छिपाखे लित ब्‍वनाहयादिसँ। जिमित थःगु ख्‍वाःया जलं खय्‌कादिसँ। अले जक जिपिं बचय् जुइ।

भजनसंग्रहया सफू 85:4

हे जिमित उद्धार यानादीम्‍ह परमेश्‍वर, जिमित हाकनं स्‍वीकार यानादिसँ, जिपिं खनाः तंचायादीगु त्‍वःतादिसँ।

यशैया 60:20

छंगु सूर्य गुबलें बिनावनी मखु, छंगु तिमिला गुबलें मदयावनी मखु। परमप्रभु हे छंगु निंतिं सदांया जः जुयादी, अले छंगु दुःखया दिं मदयावनी।

यर्मिया 30:20

इमि मस्‍त न्‍हापायापिं थें हे जुइ। इमिगु खलः जिगु न्‍ह्यःने पलिस्‍था जुइ। इमित क्‍वत्‍यलीपिन्‍त जिं सजाँय बी।

यर्मिया 31:18

“जिं धात्‍थें एफ्राइम ख्‍वःगु सः न्‍यना, ‘छम्‍ह हारांम्‍ह द्वहंचायात थें छिं जितः आज्ञा पालन यायेगु स्‍यनादिल। जितः लितहयादिसँ, जि लिहां वये, छाय्‌धाःसा छि परमप्रभु जिम्‍ह परमेश्‍वर खः।

यर्मिया 31:4

हाकनं छकः जिं छिमित दय्‌के, हे कुमारी इस्राएल, छन्‍त हाकनं दय्‌कीगु जुइ। छ हाकनं भुस्‍या ज्‍वनाः लसता हनीपिंनापं प्‍याखं हुहुं पिहां वइ।

यर्मिया 33:10

“परमप्रभुं थथे धयादी, ‘थ्‍व थाय्‌या बारे छिमिसं थथे धयाच्‍वंगु, “मनूत वा पशुत मदुगु थ्‍व ज्‍यालगय् मजूगु सुनसान थाय् खः।” अय्‌नं थ्‍व हे त्‍वःतातःगु मनूत व पशुत मदुगु यहूदा देशया शहर व यरूशलेमया लँय् हाकनं छकः

यर्मिया 33:13

पहाडी देशया शहरत, पच्‍छिमया फेदीइ च्‍वंगु शहरत, नेगेवया शहरत, बेन्‍यामीनया लागा, यरूशलेमया जःखः च्‍वंगु गां व बस्‍तीत व यहूदाया शहर शहरय् फैजवाःतय्‌सं थथःम्‍हं फैच्‍वलय्‌त ल्‍याः खाइ,’ परमप्रभुं धयादी।

इजकिएल 36:37

“परमप्रभु परमेश्‍वरं थथे धयादी – इस्राएलया घरानाया बिन्‍ति जिं स्‍वीकार याये, अले इमिगु निंतिं जिं थ्‍व ज्‍या यानाबी। जिं इमि मनूतय्‌त फैत थें अल्‍याख यानाबी।

हबकूक 3:2

हे परमप्रभु, जिं छिगु बारे न्‍यनागु दु। हे परमप्रभु, छिं यानादीगु ज्‍या खनाः जि छक्‍क हे जुल। जिमिगु इलय् न्‍हूकथं थःगु ज्‍या क्‍यनादिसँ, जिमिगु इलय् व सीकेबियादिसँ। तंचायादीसां जिमित दया यानादिसँ।

मलाकी 3:4

उबलय् जक वय्‌कलं यहूदा व यरूशलेमयागु देछा न्‍हापा थें हे अले पुलांगु इलय् थें हे यय्‌कादी।