विलाप 5:2 - नेवाः बाइबल

² जिमिगु सर्बय परदेशीतय्‌गु ल्‍हातय् लाःगु दु। जिमिगु छेँ परदेशीतय्‌गु जूगु दु।

विलाप 5:2 ပူးပေါင်းရင်းမြစ်များ

भजनसंग्रहया सफू 109:11

वं ध्‍यबा पुलेमाःपिं मनूतय्‌सं वयागु फुक्‍क सम्‍पत्ति यंकेमा। परदेशीतय्‌सं वं याःगु ज्‍याया फल लाका यंकेमा।

यशैया 1:7

छिमिगु देय् झिजांमिजां जूगु दु। छिमिगु शहरत मिं च्‍याःगु दु। छिमिगु हे न्‍ह्यःने परदेशीतय्‌सं छिमिगु बुँ लाकाकयाः नाश यानाब्‍यूगु दु।

यशैया 5:17

व दिंखुन्‍हु फैतय् नयेत थःगु हे ख्‍यः दइ अले भ्‍याःचातय्‌सं धाःसा तःमिपिनिगु नाशया दथुइ नइ।

यशैया 63:18

छिकपिनि प्रजां छुं ईया निंतिं जक छिगु पवित्र थासय् अधिकार याये खन। आः जिमि शत्रुतय्‌सं छिगु पवित्र थाय्‌यात न्‍हुत्तुन्‍हुगु दु।

यर्मिया 17:4

जिं छिमित सर्बयकथं बियागु जमिन छिमिगु थःगु हे दोषं यानाः छिमिसं त्‍वःते माली। छिमिसं म्‍हमस्‍यूगु देशय् जिं छिमित छिमि शत्रुतय्‌गु सेवा याकेबी। छाय्‌धाःसा जिगु तं मि थें जूगु दु, अले व न्‍ह्याबलें च्‍यानाच्‍वनी।”

यर्मिया 6:12

जिं थःगु ल्‍हाः थ्‍व देशय् च्‍वंपिनिगु विरोधय् ल्‍ह्वनेबलय् इमिगु छेँ, बुँ व मिस्‍त फुक्‍क मेपिनिगु जुइ,” परमप्रभुं धयादी।

इजकिएल 7:21

जिं थ्‍व फुक्‍क विदेशीतय्‌त लुतय्‌ याकेबी, जिं पृथ्‍वीयापिं मभिंपिं मनूतय्‌त व फुक्‍क लुटया माल थें बी। अले इमिसं उकियात अशुद्ध याइ।

इजकिएल 7:24

उकिं जिं इमिगु छेँत अधिकार यायेत मेगु जातियापिं तसकं मभिंपिं मनूत हये। जिं बल्‍लाःपिनिगु घमण्‍ड नं खतम यानाबी अले इमिगु पवित्र थाय्‌त अशुद्ध याइगु जुइ।

होशे 8:7

“इमिसं फय् ह्वली अले ग्‍वःफय् मुंकी। दंचाय् छुं नं बाला सइ मखु, उकियागु बालिं छ्वचुं दइ मखु। छुं दत धाःसां विदेशीतय्‌सं व नयाबी।

होशे 8:8

इस्राएलयात नुनाछ्वल, व जात-जातियापिं मनूतय्‌गु दथुइ ज्‍यागलय् मजूगु थल थें जुल।

सपन्‍याह 1:13

इमिगु धन-सम्‍पत्ति लाका काइ, इमिगु छेँ मेपिन्‍सं थुनाबी। इमिसं छेँ दय्‌कूसां उकी इपिं च्‍वने दइ मखु। इमिसं दाखमा पिइ अय्‌सां इमिसं व दाखमद्य त्‍वनेखनी मखु।”