विलाप 5:17 - नेवाः बाइबल

¹⁷ थथे जुयाः जिमिगु नुगः बमलाये धुंकल, जिमिगु मिखा बुलुइ धुंकल।

विलाप 5:17 ပူးပေါင်းရင်းမြစ်များ

अय्‍यूब 17:7

यक्‍व धन्‍दा कयागुलिं जिगु मिखा बुलुसे च्‍वंगु दु, जिगु म्‍ह छम्‍हं हे किचः थें जुइ धुंकल।

भजनसंग्रहया सफू 31:9

हे परमप्रभु, जितः दया यानादिसँ। छाय्‌धाःसा जि दुःखकष्‍टय् लानाच्‍वंगु दु। ख्‍वख्‍वं जिगु मिखा बुल्‍लुसे च्‍वने धुंकल। जिगु म्‍ह व आत्‍मा नं न्‍यले धुंकल।

भजनसंग्रहया सफू 38:8

जिगु म्‍ह छम्‍हं न्‍यले धुंकल, म्‍ह छम्‍हं चाःतुलावने धुंकल, जिगु स्‍याः नुगलं झसुकाः पिज्‍वयाच्‍वंगु दु।

भजनसंग्रहया सफू 6:7

ख्‍वख्‍वं जिगु मिखा बुलुइ धुंकल। जि शत्रुतय्‌सं यानाः ख्‍व जक ख्‍वयाः जिगु मिखा मनावये धुंकल।

भजनसंग्रहया सफू 69:3

ग्‍वाहालिया निंतिं हा हां जि न्‍यलेधुन, जिगु सः सुइधुंकल। परमेश्‍वरयागु लँ स्‍वस्‍वं जिगु मिखा त्‍यानुइ धुंकल।

यशैया 1:5

छाय् छिमिसं अप्‍वः ल्‍हाः नयेमाःगु? छाय् छिपिं विद्रोही जुयाच्‍वनागु? छिमिगु छ्यं छगलं घालं जाःगु दु अले नुगः दुःखं जाःगु दु।

यशैया 38:14

इखुंचा व सलांत्‍याः झंगलं थें जिं चिरबिर यानाः हाला। सुकुभत्तुं थें विलाप याना, च्‍वय्‌ आकाशय् स्‍वस्‍वं हे जिगु मिखा त्‍यानुइ धुंकल। हे परमप्रभु, जि दुःखय् लाःगु दु। छिं हे जितः ग्‍वाहालि यानादिसँ।”

यर्मिया 46:5

तर जिं छु खनाच्‍वना? इपिं ला ग्‍यानाच्‍वंगु दु। इपिं लिचिलाच्‍वंगु दु। इमि सिपाइँत बुत। इपिं हथाय् पथासं बिस्‍युं वनाच्‍वंगु दु। इमिसं लिफः मस्‍वः, प्‍यखेरं आतंक हे आतंक दु,” परमप्रभुं धयादी।

यर्मिया 8:18

हे जितः दुःखबलय् सान्‍त्‍वना ब्‍यूपिं, जिगु नुगः दुने कमजोर जुयावंगु दु।

विलाप 1:13

“वय्‌कलं स्‍वर्गं जिगु क्‍वँय् दुने मि कुर्का दिल, व मि जिगु दुने छ्वल। वय्‌कलं जिगु तुतिया लागि जाः तयादिल, अले जितः लितछ्वयादिल। वय्‌कलं जितः सुनसान यानाः त्‍वःतादिल अले न्‍हिच्‍छि हे बम्‍लाकादिल।

विलाप 1:22

“इमिगु दक्‍व दुष्‍ट ज्‍या छिगु न्‍ह्यःने वयेमा। जिगु पापया कारणं जितः सजाँय बियादी थें इमित नं सजाँय बियादिसँ। जिं यक्‍व हे झसुकाः तयाच्‍वना, अले जिगु मन कमजोर जूगु दु।”

विलाप 2:11

ख्‍वख्‍वं ख्‍वबिं हे जिगु मिखा न्‍यलय् धुंकल। जिगु नुगः क्‍वतुन। जिमि मनूत नाश जूगुलिं, जिमि मस्‍त व दुरु त्‍वंपिं मस्‍त शहर शहरय् व गल्‍लि गल्‍लिइ मूर्च्‍छा जूगुलिं जिगु नुगः तसकं ख्‍वःगु दु।

इजकिएल 21:15

मनूतय्‌गु नुगः ग्‍यानाः नाया वनेमा, अले यक्‍व मनूत क्‍वःदयेमा धकाः इमिगु फुक्‍क मू ध्‍वाखाय् स्‍याये पालेत जिं तरवार तयागु दु। हाबलासा थें थीत उकियात दय्‌कूगु दु, उकियात स्‍याये पालेत ज्‍वनी।

इजकिएल 21:7

अले इमिसं छन्‍त ‘छं छाय् झसुका तयाच्‍वनागु’ धकाः न्‍यन धाःसा थथे लिसः ब्‍यु, ‘वयाच्‍वंगु खबरं यानाः सकसिगु नुगः खाइ अले सकसिगु ल्‍हाः याताप्‍याता जुइ। सकसिगु नुगः क्‍वतुनी अले सकसिगु पुलि लः थें याग्‍लाप्‍याग्‍ला जुइ। स्‍व! थथे जुइत्‍यंगु दु, अले थथे हे जुइ,’ जि, परमप्रभु परमेश्‍वरं थथे धाये।”

लेवी 26:36

“‘छिपिं म्‍वानाच्‍वंपिं, शत्रुतय्‌गु देशय् छिमिसं लप्‍ते हः कुतुवंगु सः ताइबलय् नं छिपिं तरवारं ल्‍यू वःगु धकाः ग्‍यानाः बिस्‍युं वनी। ल्‍यूवःपिं सुं मदुसां छिपिं बँय् क्‍वदइ।

मीका 6:13

छिमिसं यानातःगु पाप व अपराधयागु कारणं जिं छिमित नाश याये त्‍यनागु दु।

व्‍यवस्‍था 28:65

उपिं जातितय् दथुइ छिमित आराम दइ मखु अले छिमि थःगु निंतिं छकुचा थाय् नं दइ मखु। अन परमप्रभुं छिमित च्‍यूताः दुगु मन, पिया च्‍वंच्‍वं त्‍यानुचाःगु मिखा व क्‍वतुंगु नुगः बियादी।