विलाप 5:13 - नेवाः बाइबल

¹³ ल्‍याय्‌म्‍हपिन्‍सं तसकं दुःख सियाः घः क्‍यलेमा, मिजंमस्‍त सिँ क्‍वबिया धेधेचुयाः न्‍यासि वनी।

विलाप 5:13 ပူးပေါင်းရင်းမြစ်များ

अय्‍यूब 31:10

जिमि कलाः मेम्‍ह मनूया दासी जुयाः वनेमा, अले मेपिं मनूतय्‌सं वलिसें लसपस यायेमा।

प्रस्‍थान 1:11

अथे जुयाः मिश्रीतय्‌सं इमित थाकुगु ज्‍या बियाः सास्‍ती यायेत इमिथाय् ज्‍यामि नायःत छ्वल। इमिसं फारोया निंतिं धुकू दय्‌केत पिताम व रामसेस धाःगु निगू शहर दय्‌कल।

प्रस्‍थान 11:5

मिश्रय् न्‍हापां बूपिं काय्‌पिं फुक्‍कं सी। गद्दीइ च्‍वनीम्‍ह फारोया न्‍हापां बूम्‍ह काय्‌निसें घः क्‍यलीम्‍ह दासी मिसाया न्‍हापां बूम्‍ह काय् तकं। अले पशुतय् तकं न्‍हापां बूपिं दक्‍वं सी।

प्रस्‍थान 2:11

मोशा ल्‍याय्‌म्‍ह जुइ धुंकाः पिने थः इस्राएली दाजुकिजापिन्‍थाय् वन, अन वं इमिसं थाकुगु ज्‍या यानाच्‍वंगु खन। अले छम्‍ह मिश्रीं छम्‍ह हिब्रूयात तसकं दायाच्‍वंगु खन।

प्रस्‍थान 23:5

छिमिसं थःत मयःपिं मनूतय् गधायात कुं ल्‍हानाच्‍वंगु खन धाःसा वयात अथें त्‍वःताः वने मते। ग्‍वाहालि यानाः वयात थुनाब्‍यु।

यशैया 47:2

ल्‍वहंया घःचा ज्‍वनावनाः छ्वचुं क्‍य! छेनय् त्‍वपुयातःगु रानीया गाबः लिका! पतासि च्‍वय् थ्‍यंक सा! जँ खनेदय्‌कः खुसि छ्यु!

यशैया 58:6

“अन्‍याय यानाः कुनातःपिन्‍त त्‍वःतकेगु व क्‍वत्‍यलातःपिन्‍त छुत्‍कारा यायेगु फुक्‍क जुवा त्‍वाःथलाबीगु जिं ल्‍ययागु अपसं थ्‍व हे मखु ला?

यर्मिया 7:18

काय् म्‍ह्याय्‌पिन्‍सं सिँ मुनीगु, बौपिन्‍सं मि च्‍याकीगु अले स्‍वर्गयाम्‍ह रानी धाइम्‍ह द्यःमय्‌जुया निंतिं मरि छुइत मिस्‍तय्‌सं छुचुं न्‍हाइगु। मेपिं द्यःतय्‌त त्‍वँसाबलि छानाः जितः तंचाय्‌कीगु।

मत्ती 23:4

इमिसं मेपिन्‍त धाःसा झ्‍यातुगु झ्‍यातुगु कु क्‍वबिकी, थःपिन्‍सं धाःसा थी तक नं मखु।

न्‍यायकर्ता 16:21

पलिश्‍तीतय्‌सं वयात ज्‍वनाः वयागु मिखा लिकयाबिल। इमिसं वयात गाजाय् यंकल। अन इमिसं वयात कँय्‌यागु सिखलं चिनाः झ्‍यालखानाय् घःक्‍यलेगु ज्‍या याकल।