विलाप 5:1 - नेवाः बाइबल

¹ हे परमप्रभु, जिमित छु जू वःगु दु, व खँ लुमंकादिसँ। जिमिगु बदनाम जूगु स्‍वयादिसँ।

विलाप 5:1 ပူးပေါင်းရင်းမြစ်များ

नहेम्‍याह 1:3

इमिसं जितः धाल, “लिहांवःपिं यहूदीतय्‌त थाकुयाच्‍वंगु दु। जःखः च्‍वंपि बिदेशीतय्‌सं इमित हेपय् याइगु, यरूशलेमया पखाः आः तक नं दुनाच्‍वंगु दु अले उकिया ध्‍वाखा मिं नयाः नाश जुइ धुंकल।”

नहेम्‍याह 1:8

“छिं मोशायात धयादीगु थ्‍व खँ लुमंकादिसँ, ‘छिपिं इस्राएलयापिं मनूत विश्‍वास मदुपिं जुल धाःसा जिं छिमित जाति जातितय्‌गु दथुइ छ्यालब्‍याल यानाबी।

नहेम्‍याह 4:4

अले जिं प्रार्थना याना, “हे जिमि परमेश्‍वर, जिमिगु प्रार्थना न्‍यनादिसँ! छाय्‌धाःसा इमिसं जिमित हेपय् यानाच्‍वंगु दु। इमिगु हेबाय् चबाय् इमिगु हे छेनय् लायेमा। अले इपिं मेगु देशय् कैदी जुयाः वनेमालेमा।

अय्‍यूब 10:9

छिं जितः चायात थें आकार बियादीगु खँ लुमंकादिसँ। छिं जितः हाकनं धुलय् ल्‍वाकछ्यानादीगु ला?

अय्‍यूब 7:7

हे परमेश्‍वर, जिगु जीवन ला फय्‌यागु छम्‍हू सासः जक खः धकाः ताय्‌कादिसँ। जिं हाकनं भिंगु दिं खनी मखुत।

भजनसंग्रहया सफू 119:153

जिगु दुःखयात बिचाः यानाः जितः त्‍वःतकादिसँ। छाय्‌धाःसा छिं स्‍यनातःगु खँयात जिं ल्‍वःमंकागु मदु।

भजनसंग्रहया सफू 74:18

हे परमप्रभु, छकः लुमंकादिसँ, छिकपिनि शत्रुत छि खनाः गथे न्‍हिल। मूर्ख मनूतय्‌सं छिगु नांयात गुकथं क्‍वह्यंका जुल।

भजनसंग्रहया सफू 79:12

हे परमप्रभु! छितः हेस्‍याःपिं जःलाखःलायात न्‍हय्‌दुगं अप्‍वः ब्‍वला सायादिसँ।

भजनसंग्रहया सफू 79:4

जवंखवं च्‍वंपिं जातितय्‌सं झीत हिस्‍यानाच्‍वन। झीत हेबाय्‌चबाय् यानाः इपिं न्‍हिलाच्‍वन।

यशैया 62:6

हे यरूशलेम! जिं छंगु पःखाःतय्‌के पाः च्‍वनीपिं तयागु दु, इपिं न न्‍हिनय् सुम्‍क च्‍वनी न चान्‍हय् हे सुम्‍क च्‍वनी। हे परमप्रभुयात सःतिपिं, आराम काये मते!

यर्मिया 15:15

छिं स्‍यू, हे परमप्रभु, जितः लुमंकादिसँ, जितः वास्‍ता यानादिसँ। जिगु निंतिं जितः कसाः बीपिन्‍त बदला कयादिसँ। छि सह याये फुम्‍ह खः, जितः यंकादी मते! छिगु लागिं जिं गुलि ब्‍वः फये माल! व लुमंकादिसँ।

यर्मिया 51:51

इस्राएलया मनूतय्‌सं धाइगु, “जिपिं मछालेमाःगु दु, छाय्‌धाःसा जिमित ब्‍वःब्‍यूगु दु। अले जिमिगु ख्‍वाः लज्‍यां ह्याउँसे च्‍वने धुंकल। छाय्‌धाःसा विदेशीत जिमि परमप्रभुया देगलय् दुहां वंगु दु।”

विलाप 1:11

वया दक्‍व मनूत झसुकाः ततं अन्‍न मालाच्‍वंगु दु। थःगु ज्‍यान बचय् यायेत इमिसं नयेगु नसालिसें थःगु मू वंगु ज्‍वलं हिली। “हे परमप्रभु, स्‍वयादिसँ अले बिचाः यानादिसँ, छाय्‌धाःसा जि क्‍वह्यंम्‍ह जूगु दु।”

विलाप 1:20

“हे परमप्रभु स्‍वयादिसँ, जि दुःखय् लाःगु दु। जिगु नुगः ख्‍वःगु दु, अले जिगु मन थातय् मला, छाय्‌धाःसा जि विद्रोही जुयागु दु। लँय् लँय् स्‍याये पाले जूगु दु, छेँय् दुने नं सीगु दु।

विलाप 1:9

वयागु अशुद्धता वयागु वसतय् दु। वं थःगु लिपाजुइगुया वास्‍ता हे मयाः। व तसकं हे बांमलाक क्‍वःदल, वयात हःपाः बीपिं सुं हे मदु। “हे परमप्रभु, जिगु दुःखकष्‍टयात स्‍वयादिसँ, छाय्‌धाःसा शत्रु त्‍याःगु दु।”

विलाप 2:15

छ च्‍वनाच्‍वंगु थासं वनीपिं दक्‍व मनूतय्‌सं छन्‍त हेस्‍यानाः ल्‍हाःपा थाइगु। म्‍ह्याय् यरूशलेमयात हेस्‍यानाः इमिसं थथे धकाः छ्यं क्‍वाना जुइ, “दकलय् बांलाःगु व फुक्‍क पृथ्‍वीया लसता धकाः धाइगु शहर थ्‍व हे मखु ला?”

विलाप 2:20

“स्‍वयादिसँ! हे परमप्रभु, बिचाः यानादिसँ! सुयात छिं थज्‍याःगु दुःखकष्‍ट बियादीगु दु धकाः? छु मिसातय्‌सं थःगु गर्भया फल, व थःम्‍हं बुइका तःपिं मस्‍तय्‌गु ला नयेगु ला? छु पुजाहारीत व अगमवक्तात परमप्रभुया पवित्र देगलय् हे स्‍याइगु?

विलाप 3:19

खाइसेच्‍वंगु व पित्त, जिगु दुःख व थुखे उखे चाचाःहिला जुयागु जिं लुमंका च्‍वना।

विलाप 3:50

गुबलय् तक परमप्रभुं स्‍वर्गं क्‍वय् स्‍वयाः खंकादी मखु।

विलाप 3:61

हे परमप्रभु, इमिसं लाय्‌बूगु छिं न्‍यंगु दु अले जिगु विरोधय् ग्‍वःगु दक्‍व ग्‍वसाः छिं न्‍यनादीगु दु।

हबकूक 3:2

हे परमप्रभु, जिं छिगु बारे न्‍यनागु दु। हे परमप्रभु, छिं यानादीगु ज्‍या खनाः जि छक्‍क हे जुल। जिमिगु इलय् न्‍हूकथं थःगु ज्‍या क्‍यनादिसँ, जिमिगु इलय् व सीकेबियादिसँ। तंचायादीसां जिमित दया यानादिसँ।

लूका 23:42

अले वं धाल – “येशू, छि जुजु जुयाः झायादीबलय् जितः नं लुमंकादिसँ।”