विलाप 4:7 - नेवाः बाइबल

⁷ इमि राजकुमारत च्‍वापु स्‍वयाः सफा व दुरु स्‍वयाः तुयुसे च्‍वं, इमिगु म्‍ह मानिक थी स्‍वयाः नं ह्याउँगु, इमिगु रूप नीर थी थें बांलाः।

विलाप 4:7 ပူးပေါင်းရင်းမြစ်များ

अय्‍यूब 28:16

ओपीरया लुं व न्‍याये फइ मखु। अथवा गोमेद थी व नीलमनापं व लनेफइ मखु।

अय्‍यूब 28:18

भिंपू व जास्‍परया ला नां तकं मकासां ज्‍यू। बुद्धिया मू मणिक्‍य स्‍वयाः यक्‍व जुइ।

भजनसंग्रहया सफू 144:12

झी काय्‌पिं ल्‍याय्‌म्‍हबलय् सिमा तःमा जूगु थें जुइ, अले झी म्‍ह्याय्‌पिं दरबारया निंतिं बुत्ता कियातःगु कुन्‍चाया थां थें जुइ।

भजनसंग्रहया सफू 51:7

जि शुद्ध मजुतले जितः हिसप घाँय्‌नं सिलादिसँ, अले जि च्‍वापु स्‍वयाः तुयुसे च्‍वनी।

प्रस्‍थान 24:10

इमिसं इस्राएलया परमेश्‍वरयात खन। परमेश्‍वर दनादीगु थाय् आकाश थें यचुगु नीलमणी थें खने दु।

श्रेष्‍ठगीत 5:10

झिद्वःम्‍ह स्‍वयाः नं जिमि यःम्‍ह प्रिय बांलाः अले बल्‍लाः, जिमि यःम्‍ह प्रिय तसकं ज्‍वाल्‍लं थीम्‍ह व न्‍यता ह्याउँस्‍य च्‍वंम्‍ह खः।

श्रेष्‍ठगीत 5:15

वयागु तुति फ्‍वः मुक्‍कं लुँया जग तयातःगु सिङ्‌गमरमया थांत थें च्‍वं। व लेबनान थें बांलू, अले स्‍वसिमाया सिमा थें तसकं बांलाः।

दानिएल 1:15

झिन्‍हु लिपा इपिं जुजुं नइगु नसा नःपिं सकल ल्‍याय्‌म्‍ह मनूत स्‍वयाः स्‍वयेज्‍यूपिं व बल्‍लाःपिं खनेदत।

लूका 1:15

थ्‍व मचा परमप्रभुया न्‍ह्यःने तसकं तःधं जुइ। वं अय्‌लाः थ्‍वँ छुं हे त्‍वनी मखु। मांया प्‍वाथंनिसें हे पवित्र आत्‍मां जायाच्‍वंम्‍ह जुइ।

न्‍यायकर्ता 13:5

छाय्‌धाःसा छं प्‍वाथय् दयाः छम्‍ह काय् बुइकी। वयागु सँ गुबलें चाये मते, छाय्‌धाःसा व मचा बूखुन्‍हुंनिसें हे परमेश्‍वरया निंतिं अलग तःम्‍ह नाजिरी जुइ। वं हे इस्राएलयात पलिश्‍तीतय्‌गु ल्‍हातं त्‍वःतकेगु ज्‍या शुरु याइ।”

न्‍यायकर्ता 13:7

तर वं जितः धाल, ‘छं प्‍वाथय् दयाः छम्‍ह काय् बुइकी। थनिंनिसें छं दाखमद्य वा मेगु काइगु त्‍वँसा त्‍वने मते, अले अशुद्धगु नसा नये मते, छाय्‌धाःसा व मचा बूखुन्‍हुंनिसें सीगु दिं तक हे परमेश्‍वरया निंतिं अलग तःम्‍ह नाजिरी जुइ।’”

न्‍यायकर्ता 16:17

उकिं वं खःगु खँ धयाबिल। वं धाल, “बूसांनिसें परमेश्‍वरया निंतिं अलग तःम्‍ह नाजिरी जूगुलिं जिगु छेँनय्‌ आः तक ख्‍वःचा लाःगु मदुनि। जिगु सँ खात धाःसा जिगु बल जिकेनं वनी, अले जि मेपिं थें कमजोर जुइ।”

१ शमूएल 16:12

अथे जुयाः यिशैनं मनूत छ्वयाः वयात सःतके छ्वत। वया न्‍यता ह्याउँसे च्‍वं, मिखा तसकं बांलाः अले व हिसि दुम्‍ह ल्‍याय्‌म्‍हम्‍ह खः। परमप्रभुं धयादिल, “थ्‍व हे खः, थ्‍वयात अभिषेक या!”