विलाप 4:22 - नेवाः बाइबल

²² हे म्‍ह्याय् सियोन, छंगु अधर्मया सजाँय सिधल, हाकनं गुबलें छन्‍त देशं पितिना छ्वयादी मखु। तर हे म्‍ह्याय् एदोम, वय्‌कलं छंगु अधर्मया दण्‍डया सजाँय छन्‍त बियादी, अले छंगु पाप क्‍यनादी।

विलाप 4:22 ပူးပေါင်းရင်းမြစ်များ

भजनसंग्रहया सफू 137:7

हे परमप्रभु, बेबिलोनयापिन्‍सं यरूशलेम त्‍याका काःबलय् एदोमीतय्‌सं छु ज्‍या यात लुमंकादिसँ। इपिं थथे धयाः हाल, “थुकियात थुनाब्‍यु, जगंनिसें हे थुकियात नाश यानाब्‍यु।”

यशैया 40:2

यरूशलेमया मनूतय्‌त साहस ब्‍यु। इमित धा, इमिसं ताःइलंनिसें सास्‍ती नयावयाच्‍वंगु दु। आः इमिगु पाप क्षमा जूगु दु, इमिगु पापया लागिं जिं इमित पूरा सजाँय बियागु दु।

यशैया 52:1

दँ, दँ, हे सियोन! छं बल व शक्तियात लं थें फ्‍यु! हे पवित्र शहर, यरूशलेम, थःगु महिमां जाःगु वसः फ्‍यु। थनिंनिसें म्‍हय् चिं मतःपिं व अशुद्धपिं छन्‍थाय् दुहां वइ मखु।

यशैया 60:18

छंगु देशय् हाकनं गुबलें ल्‍वापुख्‍यापु न्‍यनेमाली मखु, छंगु सिमानाया दुने गुबलें स्‍यंगु व नाश जूगु न्‍यनेमाली मखु। तर छंगु पःखाःयात मुक्ति धकाः धाइ, अले छंगु मू ध्‍वाखायात प्रशंसा धकाः धाइ।

यर्मिया 32:40

जिं इपिं लिसे न्‍ह्याबलेंया निंतिं बाचा चिने। इमिगु भिं जुइगु ज्‍या यायेगु जिं गुबलें त्‍वःते मखु। इपिं जिपाखें फस्‍वया मवनेमा धकाः जिं जिगु भय इमिगु मनय् तयाबी।

यर्मिया 33:7

जिं यहूदा व इस्राएलयात कैदं लित हये। जिं इमित हाकनं न्‍हापा थें हे दय्‌के।

यर्मिया 33:8

जिं इमित इमिसं जिगु विरोधय् याःगु फुक्‍क अधर्म व पापपाखें शुद्ध याये। जिगु विरोधय् विद्रोही जुयाः याःगु इमिगु फुक्‍क पाप जिं क्षमा यानाबी।

यर्मिया 49:10

तर जिं एसावयात नांगा याये, वं थःत सुचुके मफय्‌मा धकाः जिं व सुलाच्‍वनीगु थाय् खुला यानाबी। वया काय्‌म्‍ह्याय्‌पिं, थःथितिपिं व जःलाखःलापिन्‍त नाश याइ, छम्‍ह नं ल्‍यनी मखु।

यर्मिया 50:20

परमप्रभुं धयादी, “उपिं दिनय्, उगु इलय् इस्राएलया अपराधयात माली, तर छगू नं लुइ मखु, अले यहूदाया पाप नं माली तर छगू नं लुइ मखु। छाय्‌धाःसा जिं बचय् यानातयागु ल्‍यं दुगु ब्‍वयात जिं क्षमा याये।”

विलाप 4:21

हे ऊजय् च्‍वंम्‍ह म्‍ह्याय् एदोम, लसता हँ! अले न्‍ह्यइपुकि, तर व ख्‍वल्‍चा छन्‍त नं बी। छन्‍त लगय् जुइ, अले छन्‍त नाङ्‌गा याइ।

विलाप 4:6

जिमि थःमनूतय्‌गु मभिंगु ज्‍या सदोमया स्‍वयाः नं तःधं जूगु दु। सदोम सुयात थत्‍थें वांछ्वयाबिल अले सुनां नं वयागु विरोधय् ल्‍हाः मह्वं।

इजकिएल 37:28

जिगु पवित्रथाय् न्‍ह्याबलेंया लागि इमिगु दथुइ दयाच्‍वनीबलय् जाति जातितय्‌सं इस्राएलयात पवित्र याइम्‍ह जि हे परमप्रभु खः धकाः सी।’”

इजकिएल 6:12

तापाक दुपिं महामारीं सी। सतिक दुपिं तरवारं सी अले ल्‍यनाच्‍वंपिं व घेराय् लाःपिं धाःसा नये मखना सी। थुकथं जिं थःगु तं इमिके प्‍वंके।

ओबदिया 1:10

“छं थःकिजा याकूबयात अत्‍याचार यानाः स्‍याःगुलिं, छं थःगु ख्‍वाः मनूतय्‌त क्‍यने छालि मखु, अले छ न्‍ह्याबलेंया निंतिं नाश जुइ।

मलाकी 1:3

एसावयात धाःसा मयय्‌का। जिं वयागु पहाडी देशयात खालिगु ज्‍याख्‍यलय् मदुगु थाय् यानाबिया, अले वयागु सर्बय मरुभूमिया ध्‍वँचातय्‌त त्‍वःताबिया।”

मलाकी 1:4

एदोमीतय्‌सं धया जुइफु, “झीपिं नाश जुइ धुंकूसां झीसं उपिं शहरत हाकनं दय्‌के।” दक्‍व शक्ति दुम्‍ह परमप्रभुं धाःसा थथे धयादी, “इमिसं हाकनं दय्‌कूसां जिं उपिं स्‍यंकाबी। मनूतय्‌सं एदोमयात दुष्‍ट देश धकाः धाइ। परमप्रभु इपिं लिसे न्‍ह्याबलें तंचायादी धकाः मनूतय्‌सं धाइ।