विलाप 4:21 - नेवाः बाइबल

²¹ हे ऊजय् च्‍वंम्‍ह म्‍ह्याय् एदोम, लसता हँ! अले न्‍ह्यइपुकि, तर व ख्‍वल्‍चा छन्‍त नं बी। छन्‍त लगय् जुइ, अले छन्‍त नाङ्‌गा याइ।

विलाप 4:21 ပူးပေါင်းရင်းမြစ်များ

उत्‍पत्ति 36:28

दीशानया काय्‌पिं – ऊज व आरान।

२ इतिहास 28:19

इस्राएलयाम्‍ह जुजु आहाजं यानाः हे परमप्रभुं यहूदायात क्‍वमिलु यानादीगु खः, छाय्‌धाःसा यहूदाय् वं मभिंगु ज्‍या अप्‍वय्‌काः व परमप्रभु प्रति यक्‍व हे अविश्‍वासी जूगु खः।

अय्‍यूब 1:1

ऊज देशय् अय्‍यूब नांयाम्‍ह छम्‍ह मनू दु। व छुं दोष मदुम्‍ह, स्‍वजाम्‍ह व परमेश्‍वरयागु भय काइम्‍ह मनू खः, अले व मभिंपाखें न्‍ह्याबलें तापाक्‍क हे च्‍वनीगु।

भजनसंग्रहया सफू 137:7

हे परमप्रभु, बेबिलोनयापिन्‍सं यरूशलेम त्‍याका काःबलय् एदोमीतय्‌सं छु ज्‍या यात लुमंकादिसँ। इपिं थथे धयाः हाल, “थुकियात थुनाब्‍यु, जगंनिसें हे थुकियात नाश यानाब्‍यु।”

उपदेशक 11:9

हे ल्‍याय्‌म्‍हम्‍ह मनू, ल्‍याय्‌म्‍हबलय् हे लय्‌ताया च्‍वँ! छंगु नुगलय् थःगु ल्‍याय्‌म्‍हसूबलय् लय्‌तायाच्‍वने फयेमा। छंगु मिखां खंगुलिइ व छंगु नुगःया खँया ल्‍यूल्‍यू जु! तर बांलाक बिचाः या! परमेश्‍वरं थुपिं फुक्‍क खँया न्‍याय यानादी।

यर्मिया 49:12

परमप्रभुं थथे धयादी, “ख्‍वलां त्‍वःने म्‍वाःपिन्‍सं नं वं त्‍वने हे माः धाःसा, छ सजाँय मफसें बचय् जुइ दइ ला? छन्‍त त्‍वःति मखु, छं धात्‍थें त्‍वने हे माली।

यर्मिया 49:7

एदोमया बारे– दक्‍व शक्ति दुम्‍ह परमप्रभुं थथे धयादी, “छु! तेमानय् आः बुद्धि मन्‍त ला? छु! अनयापिं बुद्धिमानतय्‌गु सल्‍लाह नाश जुल ला? छु! इमिगु बुद्धि ध्‍वग्‍गिना वन ला?

इजकिएल 25:6

परमप्रभु परमेश्‍वरं थथे धयादी – छिमिसं इस्राएल देशया विरोधय् ल्‍हाःपा थाःगु व प्‍याखं हुगु दु, छिमिगु नुगलय् दुगु ईखया कारणं छिपिं लय्‌ताःगु दु।

इजकिएल 25:8

“परमप्रभु परमेश्‍वरं थथे धयादी, ‘मोआब व सेइरं थथे धाःगु दु, “स्‍व, यहूदाया घराना ला मेगु फुक्‍क जातित थें जूगु दु।”

इजकिएल 26:2

“अय् सीमानिम्‍ह मनू, यरूशलेमया बारे टुरोस शहरं थथे धाःगु दु, ‘आहा! जाति जातियापिं मनूतय् मू ध्‍वाखा दुंगु दु। ध्‍वाखात जिगु निंतिं चाःगु दु। व नाश जुल, आः जि च्‍वन्‍ह्याइ।’

आमोस 1:11

परमप्रभुं थथे धयादी, “एदोमया मनूतय्‌सं तःक्‍व हे पाप यात, जिं इमित सजाँय मब्‍यूसे त्‍वःते मखु! इमिसं थः दाजु, इस्राएलीतय्‌त भतिचा नं दया माया मयासें तरवार ज्‍वनाः लिनाछ्वल, इमिगु तच्‍वःगु तंया कारणं याना, इमित झन अप्‍वः तं पिहां वल।

ओबदिया 1:1

ओबदियायागु दर्शन। परमप्रभु परमेश्‍वरं एदोमयागु बारे थथे धयादी, जिमिसं परमप्रभुपाखें थ्‍व बुखँ न्‍यनागु दु। छम्‍ह दूतयात जाति जातितय्‌थाय् थथे धाय्‌के छ्वःगु खः, “दँ! झीपिं एदोमनापं लडाइँ याः वनेनु।”

मीका 1:11

हे शाफीरय् च्‍वंपिं मनूत, नांगा जुयाः लज्‍या चायाः पिहां वा। सानानय् च्‍वंपिं पिहां वइ मखु। बेथ-एजेल ख्‍वयाच्‍वंगु दु, वयागु शरण कायेगु थाय् छिमिगुपाखें यंकूगु दु।

हबकूक 2:16

थथे याइम्‍हय्‌सित मान व इज्‍जतया थासय् मछालापूं जाइ। आः छंगु पा वःगु दु! छं नं मद्य त्‍वँ अले छंगु नांगांसू खनेदयेमा! परमप्रभुया जःपा ल्‍हाःया ख्‍वला छन्‍थाय् वःगु दु, अले छंगु मान व इज्‍जत मछासुं त्‍वःपुइ।

प्रकाश 16:15

“होश‍ यानाच्‍वँ, जि खुँ थें वये। मद्यंसे न्‍ह्यलं चाय्‌का च्‍वंम्‍ह धन्‍यम्‍ह खः। वसः ज्‍वना च्‍वंम्‍ह धात्‍थें धन्‍यम्‍ह खः, छाय्‌धाःसा इपिं नांगां जुइ माली मखु। अले थःगु नांगांगु म्‍ह कर्पिन्‍त क्‍यने माली मखु।”