विलाप 4:20 - नेवाः बाइबल

²⁰ परमप्रभुया अभिषेक जूम्‍ह जुजु, जिमिगु प्राण इमिगु पन्‍जलय् लात। वय्‌कःयागु सुरक्षाय् जिपिं मेपिं जातितय्‌गु दथुइ सुरक्षित च्‍वने दइ धकाः जिमिसं बिचाः यानागु खः।

विलाप 4:20 ပူးပေါင်းရင်းမြစ်များ

उत्‍पत्ति 2:7

अले परमप्रभु परमेश्‍वरं बँय् च्‍वंगु चा कयाः मनू दय्‌कादिल, अले वयागु न्‍हासय् जीवनया सासः थनादिल। थुकथं मनू जीवन दुम्‍ह जुल।

उत्‍पत्ति 44:30

“उकिं आः जिपिं लिहां वनेबलय् वयात नं ब्‍वनायंके हे माः। जिमि बाःयागु प्राण हे वयाके थाना च्‍वंगुलिं

२ शमूएल 1:14

दाऊदं धाल, “परमप्रभुं अभिषेक याःम्‍हय्‌सित ल्‍हाः ह्वनेत छ छतिं मग्‍या ला?”

२ शमूएल 1:21

“हे गिल्‍बोया डाँडात, छिमिथाय् सुतिलः व वा मवयेमा, अले न छिमिथाय् अन्‍न सइगु बुँ हे दयेमा। छाय्‌धाःसा बल्‍लाःम्‍ह सिपाइँया ढाल अशुद्ध जूगु दु, शाऊलया ढाल चिकं मदयाः मथी।”

२ शमूएल 18:3

तर मनूतय्‌सं धाल, “मखु, छसपोल झायादी म्‍वाः। छुं जुयाः जिपिं बिस्‍युं वये माःसा जिमित सुनानं वास्‍ता याइ मखु। जिपिं बच्‍छि हे सीसां नं इमिसं वास्‍ता याइ मखु। तर छसपोल ला जिपिं झिद्वःति हे ग्‍यं। अथे जुयाः छपिं शहरय् हे च्‍वनाः जिमित ग्‍वाहालि यानादीसा बांलाइ।”

२ शमूएल 19:21

अनंलि सरूयाहया काय् अबीशैनं धाल, “परमप्रभुं अभिषेक यानातःम्‍ह जुजुयात सराः ब्‍यूगु कारणं शिमी सीमाःगु मखु ला?”

२ इतिहास 35:25

अगमवक्ता यर्मियां नं योशियाहया निंतिं सीम्‍येत च्‍वल। म्‍ये हालीपिं फुक्‍क मिजं व मिस्‍तय्‌सं थौं तक नं थुपिं सीम्‍येलय् योशियाहयात लुमंकी। थुपिं सीम्‍येत इस्राएलय् छगू परम्‍परा जूगु दु। थुपिं सीम्‍येत बिलापया म्‍येलय् नं च्‍वयातःगु दु।

यशैया 32:2

थुपिं मनूत फय्‌पाखें शरण कायेगु थाय् अले ग्‍वःफय्‌पाखें सुपिलिगु थाय्, मरुभूमिइ लः दुगु खुसित व गंगु मरुभूमिइ तग्‍वःगु ल्‍वहंया किचः थें जुइ।

यर्मिया 39:5

तर बेबिलोनी सेनां इमित लित, अले सिदकियाहयात यरीहोया ख्‍यलय् लुइकल। इमिसं वयात ज्‍वनाः हमात देशया रिब्‍ला धाःगु थासय् बेबिलोनयाम्‍ह जुजु नबूकदनेसरयाथाय् हल। वं सिदकियाहयात सजाँय बीगु आज्ञा बिल।

यर्मिया 52:8

तर बेबिलोनी सिपाइँतय्‌सं सिदकियाहयात लित अले वयात यरीहोया ख्‍यलय् नापलाकल। वया फुक्‍क सिपाइँत वयात त्‍वःताः बिस्‍युं वन।

यर्मिया 52:9

बेबिलोनी सिपाइँतय्‌सं सिदकियाहयात ज्‍वनाः वयात हमात देशय्, रिब्‍ला धाःगु थासय् बेबिलोनयाम्‍ह जुजुयाथाय् हल। अन वं वयात सजाँय बीगु आज्ञा बिल।

विलाप 2:9

वयागु मू ध्‍वाखात बँय् तुनावन। वय्‌कलं वयागु गजबारत कुचा कुचा यानाः नाश यानादिल। वया जुजु व राजकुमारतय्‌त मेपिं जातितय्‌गु दथुइ पितिनाछ्वःगु दु, आः ला व्‍यवस्‍था मन्‍त। अले वया अगमवक्तातय्‌सं नं परमप्रभुपाखें छुं हे दर्शन कायेखनी मखु।

इजकिएल 12:13

जिं वयागु निंतिं थःगु जाः ह्वले अले व जिगु जालय् लाइ। जिं वयात कल्‍दीतय्‌गु देश बेबिलोनियाय् हये, तर वं व खनी मखु, व अन हे सी।

इजकिएल 17:18

वं बाचा त्‍वाःथल, अले पाफःगुयात हेला यात, बचं बियाः नं वं थ्‍व फुक्‍क याःगुलिं व बचय् जुइ मखु।

इजकिएल 31:17

वयागु किचलय् च्‍वनाच्‍वंपिं अर्थात देशत मध्‍ये वनापं मिलय् जूपिं नं तरवारं स्‍याःपिंनापं पातालय् मिलय् जू वनी।

दानिएल 4:12

उकिया हः बांला, माय् गाक्‍क फल सयाच्‍वंगु दु। उपिं फल संसारयापिं फुक्‍कसित नयेत गा। सिमाया क्‍वय् गुँपशु च्‍वनीगु अले आकाशय् च्‍वंपिं झंगःपंक्षी उकिया कचामचाय् बाय् च्‍वनीगु। अले फुक्‍क प्राणीतय्‌सं उकिया फल नइगु।

होशे 13:10

छिमित बचय् यायेत छिमि जुजुपिं गन दु? छिमि शहर शहरया शासकत गन दु, गुपिनिगु बारे छिमिसं थथे धाइगु, ‘जिमित छम्‍ह जुजु व राजकुमारत बियादिसँ?’

न्‍यायकर्ता 9:15

“कंमां सिमातय्‌त धाल, ‘छिमिसं जितः धात्‍थें हे जुजु दय्‌के मास्‍ति वःसा जिगु किचलय् वा। मखुसा जिगु कचा-कचां मि पिहां वयाः लेबनानया देवदारुयात भस्‍म यानाबीमा।’

१ शमूएल 12:3

जि थन हे दु। छिमि सुयां जिगु विरोधय् छुं धाये मास्‍ति वःसा थन परमप्रभु व वय्‌कलं ल्‍ययादीम्‍ह जुजुया न्‍ह्यःने हे धा। जिं सुयागुं द्वहं कयागु दु ला? जिं सुयागुं गधा कयागु दु ला? जिं सुयातं ध्‍वंलानागु दु ला? जिं सुयागुं दोष सुचुका घुस नयागु दु ला? जितः धा, जिं वयात पलेसा पुलाबी।”

१ शमूएल 12:5

अले शमूएलं इमित धाल, “छिकपिन्‍सं जिगु ल्‍हातय् छुं दोष खंगु मदु धकाः परमप्रभु व वय्‌कलं अभिषेक यानादीम्‍ह जुजु थौं साक्षी दु।” अले इमिसं लिसः बिल, “खः, परमप्रभु हे साक्षी खः।”

१ शमूएल 16:6

इपिं अन वल, शमूएलं एलीआबयात खनाः थथे बिचाः यात, “परमप्रभुया न्‍ह्यःने दंवने फुम्‍ह अले वय्‌कलं ल्‍ययादीम्‍ह जुजु पक्‍कां थ्‍व हे जुइमा।”

१ शमूएल 24:10

थौं छपिन्‍सं हे खंगु दु गुफाय् दुने परमप्रभुं छितः जिगु ल्‍हातय् लःल्‍हानादीगु। जिमि गुलिखय् मनूतय्‌सं छितः स्‍यायेमाः धकाः धाःगु दु अय्‌नं जिं छितः मस्‍यासे त्‍वःताबिया। अले जिं धया, ‘जिं थःगु ल्‍हाः जिमि मालिकया विरोधय् ल्‍ह्वने मफु छाय्‌धाःसा वय्‌कः परमप्रभुया अभिषेक जूम्‍ह खः।’

१ शमूएल 24:6

अले वं थः मनूतय्‌त धाल, “परमप्रभुं जुजु अभिषेक यानादीम्‍ह जिम्‍ह मालिकयात जिं थःगु ल्‍हाः ल्‍ह्वने म्‍वालेमा। परमप्रभुं हे बचय् यानादीमा छाय्‌धाःसा व परमप्रभुया अभिषेक जूम्‍ह खः। जिं वयागु छुं भतिचा नं हानि याये म्‍वालेमा।”

१ शमूएल 26:16

थ्‍व ला तसकं मजिल, धात्‍थें परमप्रभु म्‍वाःम्‍ह खः थें, छिपिं स्‍यायेमाःपिं हे खः, छाय्‌धाःसा छिमिसं थः मालिक परमप्रभुया अभिषेक जूम्‍हय्‌सित रक्षा याये मफुत। स्‍वःसा वयागु छ्यंफुसय् च्‍वंगु भाला व लः त्‍वनेगु आम्‍खुरा गन वन?”

१ शमूएल 26:9

तर दाऊदं वयात धाल, “जुजुयात स्‍याये मते। परमप्रभुया अभिषेक जूम्‍हय्‌सित ल्‍हाः ल्‍ह्वंम्‍ह सु जक दोषी मजूगु दु?”