विलाप 4:17 - नेवाः बाइबल

¹⁷ ग्‍वाहालिया निंतिं मफतय् लँपु स्‍वस्‍वं­ जिमिगु मिखा बुलुइ धुंकल। सुरक्षाया निंतिं छगू जातिया लँपु स्‍वयाच्‍वना, अय्‌नं इमिसं जिमित बचय् याये मफुत।

विलाप 4:17 ပူးပေါင်းရင်းမြစ်များ

२ राजा 24:7

मिश्रयाम्‍ह जुजु हाकनं गुबलें मिश्रं पिहां मवः। छाय्‌धाःसा बेबिलोनयाम्‍ह जुजुं मिश्रयागु खुसिंनिसें कयाः यूफ्रेटिस खुसि तक वयागु फुक्‍क लागा थःगु अधीनय् काःगु खः।

यशैया 20:5

कूश देशयाके भलसा तःपिं व मिश्र देशया घमण्‍ड याइपिं फुक्‍क ग्‍याइ अले लाजय् लाइ।

यशैया 28:18

मृत्‍युलिसें छिमिसं याःगु बाचा त्‍वदुली, अले सीगाःलिसें याःगु कबुल दयाच्‍वनी मखु। विपत्ति खुसिबाः थें वइबलय् छिमित उकिं त्‍वःपुयाबी।

यर्मिया 2:18

नील खुसिया लः त्‍वनेत छाय् मिश्र देशय् वनेगु? यूफ्रेटिस खुसिया लः त्‍वनेत छाय् अश्‍शूर देशय् वनेगु?

यर्मिया 2:36

न्‍हूगु लँ लित। छ छाय् थुलिमछि थुखे उखे चाःहिलाजुयागु? गथे अश्‍शूरपाखें छ आशां द्यात अथे हे मिश्रपाखें नं छ आशां द्याइ।

यर्मिया 2:37

अनं नं लज्‍या चायाः छ छेनय् ल्‍हाः तयाः अथें लिहां वइ। छाय्‌धाःसा छं सुयात सुयात भलसा यात, इमित परमप्रभुं इन्‍कार यानादीगु दु। इपिंपाखें छन्‍त ग्‍वाहालि दइ मखु।

यर्मिया 8:20

“छ्व लयेगु ई फुइधुंकल। तान्‍वःला सिधय्‌धुंकल। अय्‌नं झीगु उद्धार जूगु मखुनि।”

विलाप 1:19

“जिं थः प्रेमीतय्‌त सःता, तर इमिसं जितः धोखा बिल। थःत म्‍वाकातयेत नयेगु नसा माःजूबलय् शहरय् जिम्‍ह पुजाहारीत व न्‍ह्यलुवाः नाश जुल।

विलाप 1:7

थःत दुःख जुयाच्‍वंबलय् व थःत आपत जुयाच्‍वंबलय् यरूशलेमं थःगु न्‍हापांगु गौरव लुमंकल। वया मनूत शत्रुतय्‌गु ल्‍हातय् लाःबलय् वयात ग्‍वाहालि याइपिं सुं हे मन्‍त, वया शत्रुतय्‌सं यरूशलेमयागु हासनास खन, अले इपिं व खनाः न्‍हिल।

विलाप 5:6

जिमिसं गाक्‍क नयेत्‍वनेगु निंतिं थःत मिश्र व अश्‍शूरयात लःल्‍हानाबिया।

इजकिएल 29:16

इस्राएलयापिं मनूतय्‌सं हाकनं गुबलें मिश्र देशयात भलसा याइ मखु। तर झीसं न्‍हापा मिश्रयात भलसा यानाः गुलि बांमलाःगु ज्‍या याना धकाः मिश्रयागु छ्यालब्‍याल जूगु अवस्‍थां इस्राएलयात सिइके बी। अनंलि इमिसं जि हे परमप्रभु परमेश्‍वर खः धकाः सी।’”