विलाप 4:16 - नेवाः बाइबल

¹⁶ परमप्रभुं थःम्‍हं हे इमित उखेलाः थुखेलाः मदय्‌क छ्यालब्‍याल यानादिल, वय्‌कलं आः हाकनं गुबलें हे इमित वास्‍ता यानादी मखुत। मनूतय्‌सं पुजाहारीतय्‌त हनाबना तःगु मदु, न थकालितय्‌त छुं ग्‍वाहालि याःगु दु।

विलाप 4:16 ပူးပေါင်းရင်းမြစ်များ

उत्‍पत्ति 49:7

इमिगु तंयात सराः लायेमा छाय्‌धाःसा व तसकं ग्‍यानापु। इमिगु तंयात सराः लायेमा छाय्‌धाःसा व तसकं छाः। जिं इमित ब्‍वथलाबी जिं इमित इस्राएलय् छ्यालब्‍याल यानाबी।

२ इतिहास 36:17

अथे जुयाः परमप्रभुं इमित हमला यायेत बेबिलोनयाम्‍ह जुजुयात हयादिल। व जुजुं यहूदाया ल्‍याय्‌म्‍हपिं मिजंतय्‌त देगः दुने तरवारं स्‍यात। वं ल्‍याय्‌म्‍हपिं, ल्‍यास्‍यपिं, बुरापिं, मिसा मिजं, कमजोरपिं सुयातं नं बाकि मतः। इपिं सकसितं परमेश्‍वरं वयागु ल्‍हातय् बियादिल।

भजनसंग्रहया सफू 106:27

अले इमि सन्‍तानयात जाति जातिया दथुइ थुखे उखे छ्वयाबी व इमित देश देशय् छ्यालब्‍याल यानाबी धकाः धयादिल।

भजनसंग्रहया सफू 106:44

अय्‌नं वय्‌कलं इपिं पिच्‍यानाः हाःगु सः न्‍यनाः इमिगु दुःखय् च्‍यूताः तयादिल।

यशैया 24:2

पुजाहारी व प्रजा, मालिक व च्‍यः, न्‍याइपिं व मिइपिं, त्‍यासा काइपिं व त्‍यासा बिइपिं, तःमिपिं व मगाःमचाःपिं फुक्‍कसिगु दशा अथे हे जुइ।

यशैया 47:6

जि जिमि प्रजा खनाः तंम्‍वयागु खः, अले जिं थः हे मनूयात अशुद्ध ठहरे याना। जिं इमित छंगु ल्‍हातय् बिया, तर छं इमित दयामाया मयात। बुरातय्‌त नं छं थःगु झ्‍यातुगु ककुसिँ क्‍वबिकल।

यर्मिया 15:4

हिजकियाया काय् मनश्‍शें थः यहूदायाम्‍ह जुजु जुयाच्‍वंबलय् यरूशलेमय् छु याःगु खः उकिया लागि जिं इमित पृथ्‍वीयागु फुक्‍क देशय् छगू घच्‍चाइपुगु खँ यानाबी।

यर्मिया 24:9

जिं इमित छगू ग्‍यानापुगु विपत्तिं सजाँय बी अले थ्‍व खँ न्‍यनाः पृथ्‍वीयापिं फुक्‍क मनूत थरथर खाइ। जिं इमित गन गन लिनाछ्वये अन मनूत इपिं खनाः न्‍हिली, मनूतय्‌सं इमित सराः बी, इमित हेस्‍याइ अले इमिगु नामय् ख्‍याः याइ।

यर्मिया 52:24

बेबिलोनया सेनापतिं दकलय् तःधंम्‍ह पुजाहारी सरायाह व निगूगु थासय्‌याम्‍ह पुजाहारी सपन्‍याहयात व स्‍वम्‍ह पालेतय्‌त नं ज्‍वना यंकल।

विलाप 2:20

“स्‍वयादिसँ! हे परमप्रभु, बिचाः यानादिसँ! सुयात छिं थज्‍याःगु दुःखकष्‍ट बियादीगु दु धकाः? छु मिसातय्‌सं थःगु गर्भया फल, व थःम्‍हं बुइका तःपिं मस्‍तय्‌गु ला नयेगु ला? छु पुजाहारीत व अगमवक्तात परमप्रभुया पवित्र देगलय् हे स्‍याइगु?

विलाप 2:6

वय्‌कलं थः च्‍वनेगु थाय्‌यात क्‍यबयागु बल्‍चा थें स्‍यंकादीगु दु, वय्‌कलं थःगु नापलायेगु थाय् नाश यानादीगु दु, परमप्रभुं सियोनय् पवित्र नखःचखः व विश्रामबारत दिकादीगु दु। थःगु तसकं तःजिगु तम्‍वय् वय्‌कलं जुजु व पुजाहारी निम्‍हय्‌सित नं त्‍वःतादीगु दु।

विलाप 5:12

शासकतय्‌त थथःगु ल्‍हातं यख्‍खाःगु दु, थकालिपिन्‍त भचा नं हनाबना याःगु मदु।

इजकिएल 5:10

उकिं छंगु दथुइ मांबौनं थः मस्‍तय्‌त व मस्‍तय्‌सं थः मां बौयात नइ। छाय्‌धाःसा जिं छन्‍त सजाँय बी, अले छिमि म्‍वानाच्‍वंपिन्‍त फसय् छ्यालब्‍याल यानाबी।

व्‍यवस्‍था 28:25

परमप्रभुं छिमित शत्रुतय्‌गु न्‍ह्यःने बुकेबी। इपिंलिसें ल्‍वायेत छिपिं छपु लँ जुयाः वइ अय्‌नं न्‍हय्‌पु लँ जुयाः बिस्‍युं वनी। छिपिं पृथ्‍वी न्‍यंकंया निंतिं भयया खँ जुइ।

व्‍यवस्‍था 32:26

जिं धया, ‘जिं इमित तातापाक तक छ्यालब्‍याल यानाबी, मनूतय्‌गु दथुं इमिगु लुमन्‍ति तकं मदय्‌काबी।’

हिब्रू 8:9

इमि तापाःबाज्‍यापिन्‍त मिश्र देशं लिगना हये धुंकाः इपिं लिसे चिनागु थें ज्‍याःगु बाचा थ्‍व मखु। जिं चिनागु बाचायात इमिसं च्‍यूताः मतःगुलिं नं जिं इमित च्‍यूताः मयानागु खः।