विलाप 3:61 - नेवाः बाइबल

⁶¹ हे परमप्रभु, इमिसं लाय्‌बूगु छिं न्‍यंगु दु अले जिगु विरोधय् ग्‍वःगु दक्‍व ग्‍वसाः छिं न्‍यनादीगु दु।

विलाप 3:61 ပူးပေါင်းရင်းမြစ်များ

भजनसंग्रहया सफू 74:18

हे परमप्रभु, छकः लुमंकादिसँ, छिकपिनि शत्रुत छि खनाः गथे न्‍हिल। मूर्ख मनूतय्‌सं छिगु नांयात गुकथं क्‍वह्यंका जुल।

भजनसंग्रहया सफू 89:50

लुमंकादिसँ हे परमप्रभु, गथे मनूतय्‌सं छिकपिनि दासयात बेइज्‍जत यात, अले गथे यानाः जिं छितः आराधना मयाइपिं जातियापिं मनूतय्‌गु हेला सह यानाच्‍वना।

यर्मिया 18:23

अय्‌नं हे परमप्रभु, जितः स्‍यायेत स्‍वयाच्‍वंपिनिगु फुक्‍क ग्‍वसाः छिं स्‍यू, इमिगु अधर्मयात क्षमा यानादी मते! थःगु मिखां इमिगु पाप हुयादी मते! इपिं छिगु न्‍ह्यःने नाश जुइमा। थःगु तंया इलय् छिं इपिंलिसें थज्‍याःगु हे व्‍यवहार यानादिसँ।

विलाप 3:30

वं थःगु नेता थःत दाइपिंपाखे हे स्‍वय्‌का बीमा, अले हेस्‍यागु सह यानाः च्‍वनेमा।

विलाप 5:1

हे परमप्रभु, जिमित छु जू वःगु दु, व खँ लुमंकादिसँ। जिमिगु बदनाम जूगु स्‍वयादिसँ।

सपन्‍याह 2:8

“जिं मोआबीतय्‌सं जिमि प्रजायात हेपय् याःगु व अम्‍मोनीतय्‌सं हिस्‍याःगु न्‍यनागु दु, इमिसं जिमि प्रजायात गिजय् यानाः इमिगु देशय् हमला यायेगु ख्‍याच्‍वः ब्‍यूगु दु।