विलाप 3:40 - नेवाः बाइबल

⁴⁰ झीसं थःगु पहःचहः बांलाक जाँचय् यानाः स्‍वये नु! अले झीपिं परमप्रभुयाथाय् लिहां वनेनु।

विलाप 3:40 ပူးပေါင်းရင်းမြစ်များ

२ इतिहास 30:6

उकिं जुजु व वया भारदारतपाखें पौत कयाः अले जुजुया आज्ञा कथं खबर ब्‍यूवंपिं मनूत इस्राएल व यहूदाया फुक्‍क थासय् थथे धाधां चाचाःहिलाः जुल, “हे इस्राएलया मनूत! छिमिगु देश अश्‍शूरीतय्‌सं त्‍याकाकाःसां छिपिं इमिगु ल्‍हातं बचय् जुल। अब्राहाम, इसहाक व इस्राएलया परमप्रभु परमेश्‍वरपाखे छिपिं लिहां वा, अले वय्‌कः बचय्‌जूपिं छिमिथाय् लिहां झाइ।

२ इतिहास 30:9

“छिपिं परमप्रभुयाथाय् लिहां वल धाःसा छिमि थःथितिपिं व छिमि काय् म्‍ह्याय्‌पिन्‍त ज्‍वनायंकूपिन्‍सं इमित दया माया याइ। अले इपिं थ्‍व देशय् लिहां वयेखनी। छाय्‌धाःसा परमप्रभु छिमि परमेश्‍वर दया माया दुम्‍ह खः। छिपिं वय्‌कःपाखे लिहां वल धाःसा वय्‌कलं थःगु ख्‍वाः छिमिगुपाखें फस्‍वय्‌कादी मखु।”

भजनसंग्रहया सफू 119:59

जिं थःगु पहःचहःया बारे बिचाः यानागु दु, अले छिगु नियमपाखे थःगु पलाः न्‍ह्याकागु दु।

भजनसंग्रहया सफू 4:4

तमय् पाप याये मते, लासाय् ग्‍वारातुलेबलय् नुगलय् वालास्‍व! सेला

यशैया 55:7

दुष्‍ट मनुखं थःगु लँपु व अधर्मी मनुखं थःगु बिचाः त्‍वःतेमा, अले इपिं परमप्रभुयाथाय् लिहां वयेमा, वय्‌कलं हे इमित दया यानादी। झी परमेश्‍वरपाखे इपिं लिहां वयेमा, अले वय्‌कलं इमित पूरा क्षमा यानादी।

इजकिएल 18:28

वं बिचाः यानाः थःम्‍हं याःगु फुक्‍क अपराध लुमंकी अले व त्‍वःती। उकिं व धात्‍थें हे म्‍वाइ, व सी मखु।

होशे 12:6

तर छिपिं थः परमेश्‍वरयाथाय् लिहां वये हे माः। दयामाया व न्‍यायया ज्‍या न्‍ह्याबलें याना हे च्‍वँ, अले न्‍ह्याबलें परमेश्‍वरया लँपु स्‍वयाच्‍वँ।

होशे 5:15

इमिसं थःगु पाप स्‍वीकार मयातले जि लिहां वनाः थःगु थासय् च्‍वने, इमिसं जिगु ख्‍वाः स्‍वयेत माला जुइ। इमित दुःखकष्‍ट जुइबलय् इमिसं जितः तसकं माली।”

होशे 6:1

“वा! झीपिं परमप्रभुपाखे लिहां वनेनु। वय्‌कलं झीत कुचा कुचा यानादीगु दु, अय्‌नं वय्‌कलं झीत लंकादी। वय्‌कलं घाः यानादीगु दु, अय्‌नं वय्‌कलं झीगु घालय् मलमपति तयादी।

प्रेरित 26:20

जिं थ्‍व खँ दकलय् न्‍हापालाक दमस्‍कसय् च्‍वंपिन्‍त न्‍यंका। अले यरूशलेम व यहूदियाय् न्‍यंकं व यहूदीमखुपिन्‍त नं थथःगु पापं लिचिलाः परमेश्‍वरयाथाय् लिफः स्‍वयाः वा धकाः न्‍यंका। अले थःम्‍हं पश्‍चाताप यानागु ज्‍यां नं क्‍यँ धकाः नं धया।

१ कोरिन्‍थी 11:28

थथे जूगुलिं फुक्‍क मनूतय्‌सं थथःगु मन जाँचय् याना स्‍व। अले जक मरि न, ख्‍वलाय् च्‍वंगु नं त्‍वँ।

१ कोरिन्‍थी 11:31

झीसं थथःगु मन जाँचय् याना स्‍वःगु जूसा परमेश्‍वरयागु सजाँय फयेमाली मखुगु।

२ कोरिन्‍थी 13:5

छिमिगु विश्‍वास गुलि बल्‍लाः धकाः स्‍वयेत छिमिसं थःम्‍हं थःत हे जाँचय् यानाः स्‍व। जाँचय् ताःलाःसा ख्रीष्‍ट छिपिंनाप दी धकाः छिमिसं सीमाःगु खः।

व्‍यवस्‍था 4:30

लिपांगु इलय् छिमित आपत जुइबलय् अले थुपिं फुक्‍क खँ छिमित वइबलय् छिपिं थः परमप्रभु परमेश्‍वरपाखे लिहां वइ अले छिमिसं वय्‌कःया खँ मानय् याइ।