विलाप 3:32 - नेवाः बाइबल

³² वय्‌कलं दुःख हयादिसां थःगु माया क्‍यनादी, वय्‌कःया सदां दइगु दयामाया तसकं तःधं।

विलाप 3:32 ပူးပေါင်းရင်းမြစ်များ

२ राजा 13:23

तर अब्राहाम, इसहाक व याकूबलिसें बाचा चिनादीगुलिं परमप्रभुं इमित दयामाया यानादिल अले इमित वास्‍ता यानादिल। थौं तक नं वय्‌कलं इमित नाश यायेत अथवा वय्‌कःया न्‍ह्यःनं गुबलें पितनाछ्वयेगु इच्‍छा यानादीगु मदु।

भजनसंग्रहया सफू 103:11

पृथ्‍वी स्‍वयां स्‍वर्ग गुलि तःजाः वय्‌कःया भय काइपिं प्रति वय्‌कःया सदां दयाच्‍वनीगु दया माया नं उलि हे तःजाः।

भजनसंग्रहया सफू 30:5

वय्‌कःया तं धयागु घौपलखया निंतिं जक खः, वय्‌कःया दया माया मसीतले दयाच्‍वनी। चच्‍छि ख्‍वये माःसां सुथय् ला जितः सुख दइ।

भजनसंग्रहया सफू 78:38

वय्‌कः दयादुम्‍ह जूगुलिं वय्‌कलं इमित क्षमा यानादिल। वय्‌कलं इमित नाश यानामदी। वय्‌कलं तःकः मछि थःगु तं क्‍वलाकादिल। वय्‌कलं थःगु तं प्‍वंकामदी।

प्रस्‍थान 2:23

यक्‍व ई लिपा मिश्रयाम्‍ह जुजु सित। दास जुयाः च्‍वनेमाःगुलिं इस्राएलीतय्‌सं झसुकाः तयाः ग्‍वाहालि फ्‍वन। इमिगु सः परमेश्‍वरयाथाय् थ्‍यन।

प्रस्‍थान 3:7

परमप्रभुं धयादिल, “जिं धात्‍थें हे मिश्रय् च्‍वंपिं जि थः मनूतय्‌त तसकं सास्‍ती जूगु खनागु दु। अले मिश्रीतय्‌सं यानाः इपिं ख्‍वःगु सः जिं न्‍यनागु दु। इमिगु दुःख जिं स्‍यू, च्‍यूताः नं कयाच्‍वनागु दु।

यशैया 27:8

वय्‌कलं थः प्रजायात सजाँय बीत देशं पितिना छ्वयादी। पुर्बं क्‍वाःगु फय् वइगु दिनय् थें थःगु तच्‍वःगु तमं वय्‌कलं इमित बिसिकेछ्वल।

यशैया 54:7

“जिं छन्‍त छुं ईया निंतिं जक त्‍वःतागु खः। जिगु तःधंगु दया मायां छन्‍त हाकनं लित हये।

यर्मिया 31:20

छु! एफ्राइम जिम्‍ह यःम्‍ह काय्, मखु ला? छु व जितः लय्‌तायेकीम्‍ह मचा, मखु ला? वयागु विरोधय् जिं न्‍ह्याक्‍व हे खँ ल्‍हाना सां जिं धात्‍थें वयात आः तक नं लुमंका च्‍वना। उकिं वयात जिं यय्‌का। जिं धात्‍थें वयात तसकं माया याना,” परमप्रभुं धयादी।

विलाप 3:22

परमप्रभुया सदां दइगु दया मायां यानाः झीपिं नाश जूगु मदु, छाय्‌धाःसा वय्‌कःयागु माया न्‍ह्याबलें दयाच्‍वनी।

होशे 11:8

“अय् एफ्राइम, जिं छन्‍त गथे यानाः त्‍वःते फइ? अय् इस्राएल, जिं छन्‍त गथे यानाः दुष्‍टतय्‌गु ल्‍हातिइ लःल्‍हाये फइ? जिं छन्‍त गथे यानाः अदमायात थें नाश याये फइ? जिं छन्‍त गथे यानाः सबोयीमयात थें स्‍यंके फइ? जिगु मन जिगु दुने हिले धुंकल। जिगु मन दया मायां जाये धुंकल।

नहूम 1:12

परमप्रभुं थथे धयादी, “अश्‍शूरीत बल्‍लाःसां व ल्‍याखय् यक्‍व दःसां इमित नाश याइ अले मदयावनी। अय् यहूदा, जिं छन्‍त दुःख बियागु दु, अय्‌सां आः हाकनं छन्‍त दुःख बी मखुत।

लूका 15:20

“अले व दनाः थःगु छेँय् लिहां वल। व लँय् वयाच्‍वंगु वया अबुं तापाकंनिसें हे खन। वयात खनाः तसकं माया वन। अले ब्‍वाँय् वनाः थःकाय्‌यात घय्‌पुयाः चुप्‍पा नल।

न्‍यायकर्ता 10:16

अले इमिसं मेपिं द्यःतय्‌त त्‍वःताः परमप्रभुयागु आराधना यात। अले परमप्रभुं इस्राएलीतय्‌गु अप्‍वः दुःख जूगु स्‍वयादी मफुत।