विलाप 3:26 - नेवाः बाइबल

²⁶ सुम्‍क च्‍वनाः परमप्रभुया उद्धारयागु लँपु स्‍वयेगु हे तसकं बांलाःगु खँ खः।

विलाप 3:26 ပူးပေါင်းရင်းမြစ်များ

उत्‍पत्ति 49:18

परमप्रभु! जि छिं उद्धार याइगु पियाच्‍वनागु दु।

२ इतिहास 20:17

थ्‍व लडाइँ छिमिसं ल्‍वायेमाली मखु। थथःगु थासय् धिसिं लाःक्‍क दनाच्‍वँ। परमप्रभुं छिमित बचय् यानादीगु छिमिसं खनी, हे यहूदा व यरूशलेम। ग्‍याये मते, नुगः क्‍वतुंके मते। कन्‍हय् इपिंलिसें ल्‍वायेत हुँ। परमप्रभु छिपिंनापं दइ।’”

भजनसंग्रहया सफू 119:166

हे परमप्रभु, जिं छिगु उद्धार पियाच्‍वनागु दु, छिगु आज्ञा पालन यानागु दु।

भजनसंग्रहया सफू 119:174

हे परमप्रभु! छिगु उद्धारया लागि जि प्‍याःचाः, अले छिं स्‍यनातःगु खँ जिगु लसता खः।

भजनसंग्रहया सफू 130:5

जिं परमप्रभुयात पियाच्‍वना, जिं दुनुगलंनिसें हे वय्‌कःया लँ स्‍वयाच्‍वना। अले जिगु आशा वय्‌कःया वचनय् दु।

भजनसंग्रहया सफू 37:34

परमेश्‍वरयागु लँ स्‍व, वय्‌कलं धाःथें जु, वय्‌कलं छिमित देश बियाः तःधंकी। अले मभिंपिं मनूत नाश जूगु छिमिसं स्‍वये खनि।

भजनसंग्रहया सफू 37:7

सह यानाः परमप्रभुयात पियाच्‍वँ मनूतय्‌सं याना जूगु ज्‍याखँ व इमिगु मभिंगु ग्‍वसाः खनाः हीमी चाये मते।

भजनसंग्रहया सफू 52:9

जिं न्‍ह्याबलें छिं यानादीगु ज्‍याया निंतिं छितः तःधंके, हे परमेश्‍वर! छिकपिनि विश्‍वास यायेबहःपिं मनूतय् न्‍ह्यःने जिं छिगु नांयात तःधंके, छाय्‌धाःसा छिगु नां भिं।

भजनसंग्रहया सफू 54:6

जिं छितः लय्‌तायाः मेलबलि छाये हये। जिं छिगु नांयात तःधंके, हे परमप्रभु! छाय्‌धाःसा छि भिंम्‍ह खः।

भजनसंग्रहया सफू 62:2

वय्‌कः जक जिगु ल्‍वहंधी खः, अले वय्‌कलं जितः उद्धार यानादी। वय्‌कः जिगु किल्‍ला खः, जि गुबलें बुइ मखु।

भजनसंग्रहया सफू 73:28

परमेश्‍वरया लिक्‍क च्‍वनेगु जिगु निंतिं गुलि भिं। जिं परमप्रभुयात शरण कायेगु थाय् यानागु दु। जिं छिं यानादीगु फुक्‍क ज्‍यायागु खँ कनाजुये।

भजनसंग्रहया सफू 92:1

हे परमप्रभु परमेश्‍वर, दक्‍वसिबय् तःधंम्‍ह, छितः सुभाय् बीगु व छितः तःधंकाः भजन हालेगु बांलाःगु खँ खः।

प्रस्‍थान 14:13

मोशां इमित धाल, “ग्‍याये मते। नुगः बल्‍लाकि। धिसिलाक्‍क च्‍वँ। अले परमप्रभुं छिमित थौं बियादीत्‍यंगु मुक्तियात स्‍व। थौं खंपिं मिश्रीतय्‌त छिमिसं गुबलें खनी मखुत।

प्रस्‍थान 14:14

परमप्रभु हे छिमिगु निंतिं ल्‍वानादी। छिपिं सुम्‍क जक च्‍वँ।”

यशैया 30:15

परमप्रभु परमेश्‍वर, इस्राएलया पवित्र परमेश्‍वरं थथे धयादी, “पश्‍चाताप व विश्रामय् छिमिगु उद्धार दु। ध्‍यान यायेगु व भरोसा तयेगुलिइ छिमित बल दइ। तर छिमिसं थुपिं छुं नं खँ यय्‌कूगु मदु।

यशैया 30:7

मिश्र देशं याइगु ग्‍वाहालि तसकं हे सितिं वंगु खः। अथे जुयाः जिं वयात छुं नं याइ मखुम्‍ह राहाब धयागु दु।

यशैया 7:4

वयात थथे धा, ‘होश‍यानाच्‍वँ, ग्‍याये मते अले शान्‍त जुयाच्‍वँ। अरामया जुजु रसीन व जुजु पेकहया तं ला च्‍यानाच्‍वंगु निका सिँ पिहां वयाच्‍वंगु कुँति हे मग्‍यं।

यर्मिया 14:22

जात जातिया द्यःत मध्‍ये सुनां वा वय्‌के फइ? अथवा आकाशं थःम्‍हं हे वा वय्‌के फइ ला? हे परमप्रभु, जिमि परमेश्‍वर, छिं हे वा वय्‌कादी। उकिं जिमित छिगु हे आशा दु, छाय्‌धाःसा थ्‍व फुक्‍क यानादीम्‍ह छि हे खः।

विलाप 3:27

थः ल्‍याय्‌म्‍हबलय् हे ककुसिँ क्‍वबीम्‍ह मनूयात भिं जुइ।

हबकूक 2:3

थ्‍व दर्शन लिपाया निंतिं खः। थुकिं लिपा जुइगु खँ धाइ, अले थ्‍व मखुगु खँ जुइ मखु। थ्‍व खँ पूवनेगु लिपा लाःसां थ्‍वयात पियाच्‍वनी, छाय्‌धाःसा थ्‍व धात्‍थें हे पूवनी, अले लिपालाइ मखु।

गलाती 4:18

मेपिनिगु खँ न्‍यनेगु नं बां हे लाःगु खँ खः। अय्‌नं न्‍ह्याबलें भिंम्‍ह मनूयागु जक खँ न्‍यनेमाः। जि दुबलय् जक मखु, मदुबलय् नं छिमिसं थथे यायेमाः।

हिब्रू 10:35

अय्‌जूगुलिं छिमिसं साहस यायेगु त्‍वःते मते। छिमिसं थुकियागु तःधंगु इनाम काये खनीतिनि।

हिब्रू 3:14

झीसं न्‍हापांनिसें लिपा तकं विश्‍वास थातं तयाच्‍वने फुसा झीपिं ख्रीष्‍टनापं च्‍वने दइ।

१ पत्रुस 1:13

अथे जूगुलिं छिमिसं थःगु मन थातय् लाकाः होश‍ यानाच्‍वँ। येशू ख्रीष्‍ट झायादीबलय् बी तिनिगु परमेश्‍वरयागु आशिषय् पूरा भरोसा तया च्‍वँ।