विलाप 3:25 - नेवाः बाइबल

²⁵ परमप्रभुया लँपु स्‍वइपिं व वय्‌कःयात मालीपिं सकसिगु लागिं परमप्रभु भिंम्‍ह खः।

विलाप 3:25 ပူးပေါင်းရင်းမြစ်များ

उत्‍पत्ति 49:18

परमप्रभु! जि छिं उद्धार याइगु पियाच्‍वनागु दु।

१ इतिहास 28:9

“हे जिमि काय् सोलोमन, छं थः बौया परमेश्‍वरयात म्‍हसीकि, अले तनमनं वय्‌कःया सेवा या। वय्‌कलं झीगु फुक्‍क बिचाः व इच्‍छा स्‍यू। वय्‌कःयात माल धाःसा छं वय्‌कःयात नापलाकी, तर छं वय्‌कःयात त्‍वःतल धाःसा वय्‌कलं छन्‍त न्‍ह्याबलेंया लागि त्‍वःतादी।

२ इतिहास 15:2

अले व आसा जुजुयात नापलाः वन। वं आसायात थथे धाल, “अय् आसा, अय् यहूदा व बेन्‍यामीनयापिं सकलें मनूत! छिपिं परमप्रभुनापं दतले वय्‌कः नं छिपिंनाप दइ। छिमिसं वय्‌कःयात माल धाःसा छिमिसं वय्‌कःयात लुइकी। छिमिसं वय्‌कःयात त्‍वःतल धाःसा वय्‌कलं नं छिमित त्‍वःतादी।

२ इतिहास 19:3

अय्‌नं छिके छुं भिंगु खँ दु। छिं अशेरा द्यःमय्‌जुया थांत देशं चीकाछ्वल। छिं परमेश्‍वरयात मालेगु कुतः यानादीगु दु।”

२ इतिहास 30:19

सुनां सुनां थः पुर्खाया परमप्रभु परमेश्‍वरयात दुनुगलंनिसें मालाच्‍वंगु दु इपिं विधिकथं शुद्ध मजूसां इपिं सकसितं क्षमा यानादिसँ।”

२ इतिहास 31:21

परमप्रभुया देगःया सेवाय् व छु छु ज्‍या वं परमेश्‍वरया देगःया सेवाय् अले व्‍यवस्‍था व आज्ञाया खँय् थः परमेश्‍वरयात मालेत यात, व वं दुनुगलंनिसें यात अले व ताःलात।

एज्रा 8:22

जिं जुजुयात, “जिमि परमेश्‍वरं वय्‌कःयाके भलसा तइपिं सकसितं सुवाः बियादी अले वय्‌कःयात त्‍वःतूपिं मनूतय्‌के वय्‌कःया तं दयाच्‍वनी” धकाः धाये धुंकूगु जुयाः आः जिमित लँय् शत्रुतपाखें रक्षा यायेत जुजुयाके सलगइपिं सिपाइँत फ्‍वनेत जि मछाल।

भजनसंग्रहया सफू 105:3

वय्‌कःया पवित्र नांयात तःधंकि, परमप्रभुयात मालिपिनिगु नुगः लय्‌तायेमा।

भजनसंग्रहया सफू 119:2

धन्‍य खः वय्‌कःया नियम पालन याइपिं व वय्‌कःयात दुनुगलंनिसें मालिपिं मनूत।

भजनसंग्रहया सफू 22:26

नये मखंपिन्‍सं लुधंक नयेखनी परमप्रभुयात मालाजुइपिन्‍सं वय्‌कःयात तःधंकी। इमिगु नुगः न्‍ह्याबलें लसतां जायाच्‍वनी।

भजनसंग्रहया सफू 25:8

परमप्रभु भिंम्‍ह व धर्मीम्‍ह खः उकिं वय्‌कलं पापीतय्‌त नं भिंगु लँय् जुइगु स्‍यनादी।

भजनसंग्रहया सफू 27:14

परमप्रभुयागु लँ स्‍वयाच्‍वँ। साहस या, थःगु नुगः बल्‍लाकि। परमप्रभुयागु लँ स्‍वयाच्‍वँ।

भजनसंग्रहया सफू 27:8

छिं “जिथाय् वा” धयादीबलय्, जिं लिसः बिया, “जि वये परमप्रभु।”

भजनसंग्रहया सफू 37:34

परमेश्‍वरयागु लँ स्‍व, वय्‌कलं धाःथें जु, वय्‌कलं छिमित देश बियाः तःधंकी। अले मभिंपिं मनूत नाश जूगु छिमिसं स्‍वये खनि।

भजनसंग्रहया सफू 37:7

सह यानाः परमप्रभुयात पियाच्‍वँ मनूतय्‌सं याना जूगु ज्‍याखँ व इमिगु मभिंगु ग्‍वसाः खनाः हीमी चाये मते।

भजनसंग्रहया सफू 39:7

उकिं हे परमप्रभु, जिं छुकियागु आशा यायेगु? जिगु आशा धयागु ला छि हे जक खः।

भजनसंग्रहया सफू 61:1

हे परमेश्‍वर! जिगु ख्‍वःसः न्‍यनादिसँ। जिगु प्रार्थना न्‍यनादिसँ।

भजनसंग्रहया सफू 61:5

हे परमेश्‍वर, छिं जिगु भाकल न्‍यनादीगु दु। छिं जितः छिगु भय काइपिन्‍त दइगु भिंगु खँ बियादीगु दु।

भजनसंग्रहया सफू 69:32

क्‍वत्‍यय्‌काः च्‍वनेमाःपिं थ्‍व खनाः लय्‌ताइ, परमेश्‍वरयात माला जुइपिनि नुगःयात हःपाः दइ।

भजनसंग्रहया सफू 71:14

तर जिं ला छिगु ग्‍वाहालिया आशा कयांच्‍वने। जिं छिगु प्रशंसा अज्‍ज अप्‍वः याये।

यशैया 25:9

व दिंखुन्‍हु फुक्‍कसिनं धाइ, “धात्‍थें वय्‌कः हे झी परमेश्‍वर खः। झीसं वय्‌कःयाके भलसा तयाः अले वय्‌कलं हे झीत बचय् यानादिल। वय्‌कः परमप्रभु खः, वय्‌कःयाके हे झीसं भलसा तयागु खः। वय्‌कलं यानादीगु उद्धारया निंतिं झीपिं लय्‌ताया न्‍ह्यइपुकेनु।”

यशैया 26:9

चान्‍हय् जिगु फुक्‍क नुगलं छितः यय्‌कीगु यानाच्‍वना। सुथय् जिगु आत्‍मां छितः यय्‌काच्‍वना। छिं पृथ्‍वी व अन च्‍वंपिनिगु न्‍याय यानादीबलय्, इमिसं धार्मिकता सय्‌काकाइ।

यशैया 30:18

अय्‌नं परमप्रभुं छिमिगु निंतिं दया यायेगु मतिइ तयादी। छिमिगु निंतिं माया यायेत वय्‌कः दनादी, छाय्‌धाःसा परमप्रभु न्‍याय यानादीम्‍ह परमेश्‍वर खः। वय्‌कःयात लं च्‍वनीम्‍ह धन्‍य खः।

यशैया 40:31

तर परमप्रभुयाके भलसा तइपिनिगु बल हाकनं न्‍हूगु जुइ। इपिं इमा थें च्‍वय् च्‍वय् ब्‍वया जुइ अले ब्‍वाँय् वनाः नं त्‍यानुचाइ मखु। इपिं न्‍यासि वनाः नं मूर्च्‍छा जुइ मखु।

यशैया 55:6

गुबलय् तक परमप्रभुयात माले फु वय्‌कःयात मालेगु या। वय्‌कः लिक्‍क दुबलय् हे छिमिसं वय्‌कःयात सःति।

यशैया 64:4

थःगु लँ स्‍वइपिनिगु निंतिं ज्‍या यानादीम्‍ह छि थें ज्‍याःम्‍ह परमेश्‍वरयात संसारया शुरुंनिसें न न्‍हाय्‌पनं न्‍यंगु दु, न मिखां हे खंगु दु।

विलाप 3:26

सुम्‍क च्‍वनाः परमप्रभुया उद्धारयागु लँपु स्‍वयेगु हे तसकं बांलाःगु खँ खः।

होशे 10:12

थःगु निंतिं धार्मिकताया पुसात प्‍यु, न्‍ह्याबलें दयाच्‍वनीगु दयामायाया फल मुंकी। छिमिसं बाझः तयातःगु छाःगु बुँ पा, छाय्‌धाःसा परमप्रभुयात मालेगु ई थ्‍व हे खः, गुकिं यानाः वय्‌कः झायाः छिमित धार्मिकताया आशिष प्‍वंकादीमा।

सपन्‍याह 3:8

अथे जुयाः परमप्रभुं धयादी, “बयान बीत जि मदंतले छिमिसं जितः पियाच्‍वँ। जाति जातित अले राज्‍य राज्‍यतय्‌त मुंकाः इमित जिगु तं, जिगु ग्‍यानपुस्‍से च्‍वंगु तं प्‍वंकेगु जिगु मनसुवा दु, छाय्‌धाःसा फुकं पृथ्‍वी हे जिगु नुगः मुया वःगु मिं झौ जुइ।

१ थेसलोनिकी 1:10

छिमिसं परमेश्‍वरया काय् स्‍वर्गं झाइतिनि धकाः लँ स्‍वयाच्‍वंगु दु हं। वय्‌कः परमेश्‍वरं सीम्‍हं म्‍वाकादीम्‍ह येशू खः। न्‍याय याइबलय् वय्‌कलं झीत बचय् यानादी।

याकूब 5:7

दाजुकिजापिं, प्रभु मझातले मन तया च्‍वँ। बाली लये दइगु आशां मनूतय्‌सं बाली पिनाः वा मवतले मन तयाः पियाच्‍वनी।