विलाप 3:23 - नेवाः बाइबल

²³ सुथपतिकं वय्‌कःयागु दयामाया न्‍हूगु जुइ, छिगु विश्‍वस्‍तता गुलि तःधं!

विलाप 3:23 ပူးပေါင်းရင်းမြစ်များ

भजनसंग्रहया सफू 146:6

वय्‌कः स्‍वर्ग व पृथ्‍वी, समुद्र व उकी दुगु थीथी जीवजन्‍तु दय्‌कादीम्‍ह खः। वय्‌कलं न्‍ह्याबलें थःगु बचं पूवंकादी।

भजनसंग्रहया सफू 30:5

वय्‌कःया तं धयागु घौपलखया निंतिं जक खः, वय्‌कःया दया माया मसीतले दयाच्‍वनी। चच्‍छि ख्‍वये माःसां सुथय् ला जितः सुख दइ।

भजनसंग्रहया सफू 36:5

हे परमप्रभु! छिगु न्‍ह्याबलें दयाच्‍वनीगु माया आकाश थें तःधं। अले छि विश्‍वास याये बहःम्‍ह खः धयागु खँ सुपाँय् स्‍वयाः नं पुलाः वं।

भजनसंग्रहया सफू 36:6

छि धर्मीम्‍ह खः धयागु खँ पहाड थें धिसिलाः, छिगु न्‍याय समुद्र थें तःजाः। छिं मनू व पशुतय्‌गु बिचाः यानादी।

भजनसंग्रहया सफू 89:33

अय्‌नं जिं जिगु माया दाऊदपाखें चीकाछ्वये मखु। अले जिं वयात बियागु बचं पूमवंकुसें त्‍वःते मखु।

प्रस्‍थान 34:6

अनंलि परमप्रभु वया न्‍ह्यःने झायाः थथे धकाः धयादिल, “परमप्रभु, परमप्रभु दयादुम्‍ह, सदां दयामाया यानादीम्‍ह, तंचायेत लिबाकादीम्‍ह व तसकं विश्‍वास याये बहःम्‍ह खः।

यशैया 33:2

हे परमप्रभु, जिमित दया यानादिसँ। जिमिसं छिके आस यानाच्‍वना। सुथ पतिकं छि जिमिगु निंतिं शक्ति व दुःखपाखें उद्धार याइम्‍ह जुयादिसँ।

सपन्‍याह 3:5

इमिगु दथुइ च्‍वनादीम्‍ह परमप्रभु धर्मीम्‍ह खः, वय्‌कलं गुबलय् नं अन्‍याय यानादी मखु। वय्‌कलं सुथय् पतिकं थःगु न्‍याय क्‍यनादी। न्‍हियान्‍हिथं वय्‌कः चुकय् जुयादी मखु। अधर्मीतय्‌सं लाज धयागु हे सी मखु।

तीतस 1:2

गुबलें मखुगु खँ ल्‍हाना मदीम्‍ह परमेश्‍वरं न्‍हापांनिसें हे झीत अनन्‍त जीवन बियादी धकाः धयादीगु खः।

हिब्रू 10:23

थःपिन्‍सं यानागु आशायात झीसं बल्‍लाका च्‍वनेमाः, छाय्‌धाःसा झीत बचं बियादीम्‍ह विश्‍वास याये बहःम्‍ह खः।

हिब्रू 6:18

थथे गुब्‍सं हिली मखुगु थ्‍व निता खं वय्‌कःपाखें बचय् जुया च्‍वनापिं झीत नं झीसं आशा यानाच्‍वनागु खँय् बल्‍लाना च्‍वनेत साहस बी।