विलाप 3:19 - नेवाः बाइबल

¹⁹ खाइसेच्‍वंगु व पित्त, जिगु दुःख व थुखे उखे चाचाःहिला जुयागु जिं लुमंका च्‍वना।

विलाप 3:19 ပူးပေါင်းရင်းမြစ်များ

नहेम्‍याह 9:32

“उकिं हे जिमि परमेश्‍वर, छि तःधंम्‍ह, बल्‍लाम्‍ह, मानय् यायेमाःम्‍ह व दयामायाया बाचा पूवंकादीम्‍ह परमेश्‍वर खः। अश्‍शूरया जुजुपिनिगु इलंनिसें थौं तक जिमिसं, जिमि जुजुपिं, जिमि हाकिमत, जिमि पुजाहारीत व जिमि अगमवक्तात, जिमि पुर्खात व छिकपिनि फुक्‍क मनूतय्‌सं गुलि दुःख फयागु दु व लुमंकादिसँ।

अय्‍यूब 7:7

हे परमेश्‍वर, जिगु जीवन ला फय्‌यागु छम्‍हू सासः जक खः धकाः ताय्‌कादिसँ। जिं हाकनं भिंगु दिं खनी मखुत।

भजनसंग्रहया सफू 132:1

हे परमप्रभु, दाऊद व वं सह याःगु फुक्‍क दुःख लुमंकादिसँ।

भजनसंग्रहया सफू 89:47

जिगु जीवन गुलि चिहाकः धकाः लुमंकादिसँ। छिं छाय् मफतय् मनूतय्‌त सृष्‍टि यानादियागु?

भजनसंग्रहया सफू 89:50

लुमंकादिसँ हे परमप्रभु, गथे मनूतय्‌सं छिकपिनि दासयात बेइज्‍जत यात, अले गथे यानाः जिं छितः आराधना मयाइपिं जातियापिं मनूतय्‌गु हेला सह यानाच्‍वना।

यर्मिया 8:14

यहूदाया मनूतय्‌सं थथे धाइ, झीपिं थन छाय् सुम्‍क च्‍वंच्‍वनागु? छथाय् मुनेनु। झीपिं छचाःखेरं पःखाः ग्‍वयातःगु शहरय् दुहां वनेनु, अले अन नाश जुयेनु। छाय्‌धाःसा परमप्रभु झी परमेश्‍वरं झी नाश जुइ धकाः धयादीगु दु। अले त्‍वनेत झीत बिख दुगु लः बियादीगु दु। छाय्‌धाःसा झीसं वय्‌कःया विरोधय् पाप यानागु दु।

यर्मिया 9:15

उकिं दक्‍व शक्ति दुम्‍ह परमप्रभु, इस्राएलया परमेश्‍वरं थथे धयादी, “स्‍व, जिं थःम्‍हं हे जिमि प्रजायात नयेत खायुगु नसा व त्‍वनेत बिख बी।

विलाप 3:15

वय्‌कलं जितः खायुगु वासलं जाय्‌कादिल, अले पित्त त्‍वंकादिल।

विलाप 3:5

वय्‌कलं जितः दुःख व कष्‍टं घेरय् यानाः कुनादीगु दु।