विलाप 3:17 - नेवाः बाइबल

¹⁷ शान्‍ति जिगु जीवनपाखें तापाये धुंकल, सुख धयागु छु खः, व जिं ल्‍वःमने धुंकल।

विलाप 3:17 ပူးပေါင်းရင်းမြစ်များ

उत्‍पत्ति 41:30

अनंलि मेगु न्‍हय्‌दँ अनिकाल जुइ। अले अनिकालं देशय् हाहाकार जुइ। थुकिं न्‍हापायागु भिंगु ईया खँ ल्‍वःमंकाबी।

अय्‍यूब 7:7

हे परमेश्‍वर, जिगु जीवन ला फय्‌यागु छम्‍हू सासः जक खः धकाः ताय्‌कादिसँ। जिं हाकनं भिंगु दिं खनी मखुत।

भजनसंग्रहया सफू 119:155

उद्धार दुष्‍टतपाखें तापाः छाय्‌धाःसा इमिसं छिगु व्‍यवस्‍था माली मखु।

यशैया 38:17

धात्‍थें हे जिगु उन्‍नतिया निंतिं जिं थथे सास्‍ती नये माल। छिं जितः माया यानाः सीगालय् वनेगुपाखें बचय् यानादिल। छिं जिगु फुक्‍क पाप क्षमा यानादिल।

यशैया 54:10

पर्वतयात संकूसां अले डाँडात चीकाःछ्वसां अय्‌नं छिमिगु निंतिं जिगु सदां दइगु दयामाया गुबलें अन्‍त जुइ मखु। अले जिं चिनागु शान्‍तिया बाचा गुबलें त्‍वधुली मखु,” छन्‍त दयामाया यानादीम्‍ह परमप्रभुं धयादी।

यशैया 59:11

झीपिं सकलें भालुत थें हाली। अले सुकुभत्तुं थें तसकं विलाप याइ। झीसं न्‍याय फ्‍वनी तर सुयातं नं व दइ मखु, मुक्तिया लँपु मालाच्‍वनी तर व झीपिंपाखें तापाक्‍क हे दु।

यर्मिया 12:12

मरुभूमियागु फुक्‍क नांगा डाँडाय् नाश याइपिं थाहां वःगु दु। परमप्रभुयागु तरवारं देशयागु छगू कुन्‍चांनिसें मेगु कुन्‍चा तक नाश याइ, अले सुं नं सुरक्षित जुइ मखु।

यर्मिया 14:19

छु! छिं यहूदायात त्‍वःता हे दियागु खः ला? छितः सियोन तसकं मयः ला? जिमित लने हे मफय्‌क छाय् छिं कय्‌कादियागु? जिमिसं शान्‍तिया आशा यानाः तर छुं नं भिंगु खँ मवः। लनीगु ई पियाच्‍वनाः तर आतंक जक दु।

यर्मिया 16:5

छाय्‌धाःसा परमप्रभुं थथे धयादी, “मनू सीगु छेँय् सीभ्‍वय् नयेत दुहां वने मते, वा शोक यायेत वा सान्‍त्‍वना बीत वने मते। छाय्‌धाःसा जिं थुपिं मनूतय् दथुं जिगु आशिष, सदां दयाच्‍वनीगु दयामाया व दया चीकाछ्वये धुन,” परमप्रभुं धयादी।

यर्मिया 8:15

झीसं शान्‍तिया आस यानागु खः, अय्‌नं छुं भिंगु खँ मवः, लाय्‌काबीगु ईया आस यानागु खः अय्‌नं आतंक जक दु।

विलाप 1:16

“अथे जुयाः जि ख्‍वया च्‍वना, जिगु मिखां ख्‍वःबि धाः हायाः च्‍वंगु दु, जितः ह्ययेकीपिं सुं हे मदु, जितः साहस बी फुपिं सुं हे मदु। जिमि मस्‍त छुं मदुपिं जूगु दु, छाय्‌धाःसा शत्रुत त्‍याःगु दु।”

जकरिया 8:10

व ई स्‍वयाः न्‍हापा सुनानं ज्‍याला बियाः मनू वा पशुयात तये मफु। शत्रुया कारणं सुं मनू सुरक्षित थःगु ज्‍याय् वये वनेमफु। छाय्‌धाःसा जिं सकल मनूतय्‌त थःथः जःलाखःलाया विरोधय् थनागु खः।