विलाप 2:8 - नेवाः बाइबल

⁸ परमप्रभुं म्‍ह्याय् सियोनयागु पःखाःयात नाश यायेगु क्‍वछिनादिल। वय्‌कलं नापे याइगु खिपतं व नापय् यानादिल। वयात नाश यायेगुपाखें वय्‌कलं थःगु ल्‍हाः पनामदी। वय्‌कलं धरहरा व पःखाः निगुलिंयात ख्‍वय्‌कादिल, उपिं निगुलिं छकलं दुन।

विलाप 2:8 ပူးပေါင်းရင်းမြစ်များ

२ शमूएल 8:2

दाऊदं मोआबीतय्‌त नं बुकल, अले इमित बँय् द्यंकेबिल। अले इमित छपु खिपतं नापय् यात। स्‍यायेत खिपतं निक्‍वः नापय् यात, मस्‍यासे म्‍वाकातयेत खिपतं स्‍वक्‍वः नापय् यात। थुकथं मोआबीत वयागु अधीनय् च्‍वनाः कर पुलिपिं जुल।

२ राजा 21:13

जिं सामरियाय् तयागु नापे याइगु खिपः व आहाबया घरानाया लागि यख्‍खानागु गं हे यरूशलेमय् तयाबी। सुनानं न्‍याक्‍क सिलाः भ्‍वपुइकूगु भु थें जिं यरूशलेमयात न्‍याक्‍क सिलाबी।

अय्‍यूब 13:21

छिगु झ्‍यातुगु ल्‍हाः जिपाखें तापाक यंकादिसँ। छिगु आतंकं जितः मख्‍यायेमा।

यशैया 22:5

दर्शनया ब्‍यासिइ प्रभु, दक्‍व शक्ति दुम्‍ह परमप्रभुपाखें जू वःगु थ्‍व हाःहू व तुतिं न्‍हुत्तुन्‍हुयेगु व भयया दिं खः, पर्वतय् ग्‍वाहालि फ्‍वनेगु दिं।

यशैया 28:17

जिं इन्‍साफयात नापे यायेगु खिपः व धार्मिकतायात धाःसा गं खायेगु दय्‌काबी। प्‍वँनं मखुगु खँ ल्‍हाइपिनिगु शरण कायेगु थाय् चुइकायंकी, अले लखं छिमिगु सुपीगु थाय् त्‍वःपुयाबी।

यशैया 3:26

सियोनया मू ध्‍वाखा ध्‍वाखाय् ख्‍वःसः जक जुइ अले मनू सीगुलिं नुगः मछिंका बँय् फेतुनाच्‍वम्‍ह मिसा थें फुक्‍क शहर झिजांमिजां दनी।

यशैया 34:11

तर व छगू मरुभूमिया न्‍हिकांझंगःत च्‍वनेगु थाय् जुइ अले ततःसलं हालीपिं न्‍हिकांझंगःत व सँक्‍वःतय्‌सं अनं स्‍वँ दय्‌की। अनंलि परमेश्‍वरं एदोमयात ध्‍वः सालाः बांलाक नापय् यानादी, वय्‌कलं उकियात गोलमाल व नाशया लागिं नापय् यानादी।

यशैया 5:5

स्‍व, जिं जिगु दाखक्‍यबयात छु याये, व जिं छिमित धाये – जिं उकिया बाःर चीकाछ्वये, उकियात नाश जुइके बी, जिं उकिया पःखाः थुनाबी, गुँपशुतय्‌त व न्‍हुत्तुमत्तु न्‍हुकेबी।

यर्मिया 14:2

“यहूदा ख्‍वइ, वया शहरत कमजोर जूगु दु। इमिसं देशया निंतिं नुगः मछिंकी, यरूशलेमया ख्‍वःसः आकाश तक थ्‍यंगु दु।

यर्मिया 5:10

“वनाः इमिगु दाखक्‍यब स्‍यंकाब्‍यु, तर भज्‍यंक नाश याये मते! उकिया कचात त्‍वथुलाः वांछ्वयाब्‍यु। छाय्‌धाःसा थुपिं मनूत परमप्रभुया मनूत मखु।

यर्मिया 52:13

वं परमप्रभुया देगः, जुजुया दरबार, व यरूशलेमया फुक्‍क छेँ मिं नकाबिल। वं ततःखाःगु फुक्‍क छेँ मिं नकाबिल।

विलाप 2:17

परमप्रभुं छु योजना यानादीगु खः। यक्‍व दँ न्‍हापा वय्‌कलं छु घोषणा यानादीगु खः, व हे वचन वय्‌कलं पूवंकादिल। छुं हे दयामाया मदय्‌क वय्‌कलं छन्‍त नाश यानादिल। वय्‌कलं शत्रुयात छंगुपाखें लय्‌ताय्‌कादिल, अले छंगु शत्रुतय्‌गु शक्ति अप्‍वय्‌कादीगु दु।

विलाप 2:18

मनूतय्‌गु नुगलं परमप्रभुयात बिन्‍ति याइ। हे म्‍ह्याय् सियोनया पःखाः, छंगु ख्‍वबि खुसि थें चच्‍छि न्‍हिच्‍छिं हे हाय्‌कि। पलख हे आराम काये मते, अले छंगु मिखायात आराम बी मते।

विलाप 2:2

परमप्रभुं छप्‍तिं हे दयामाया मयासें यहूदाया फुक्‍क बस्‍तीत नुनाछ्वयादिल। थःगु तम्‍वय् वय्‌कलं यहूदाया म्‍ह्याय्‌या किल्‍लात थुनादिल। वय्‌कलं व राज्‍य व वया शासकतय्‌त बँय् क्‍वथलाः क्‍वह्यंकादिल।

विलाप 2:5

परमप्रभु शत्रु थें जुयादीगु दु, वय्‌कलं इस्राएलयात नाश यानादीगु दु। वय्‌कलं इस्राएलया दक्‍व बांबांलाःगु छेँत भज्‍यंक नाश यानादिल अले वया दक्‍व किल्‍लात थुनादीगु दु। वय्‌कलं यहूदाया म्‍ह्याय्‌यागु दुःखकष्‍ट व विलाप अप्‍वय्‌का ब्‍यूगु दु।

इजकिएल 20:22

तर जिं इमित पित हयागु खंपिं जातितय्‌गु न्‍ह्यःने जिगु नां बदनाम मजुइमा धकाः जिं थःगु ल्‍हाःयात पना, जिं जिगु नांया इज्‍जतयात रक्षा यायेगु ज्‍या याना।