विलाप 2:5 - नेवाः बाइबल

⁵ परमप्रभु शत्रु थें जुयादीगु दु, वय्‌कलं इस्राएलयात नाश यानादीगु दु। वय्‌कलं इस्राएलया दक्‍व बांबांलाःगु छेँत भज्‍यंक नाश यानादिल अले वया दक्‍व किल्‍लात थुनादीगु दु। वय्‌कलं यहूदाया म्‍ह्याय्‌यागु दुःखकष्‍ट व विलाप अप्‍वय्‌का ब्‍यूगु दु।

विलाप 2:5 ပူးပေါင်းရင်းမြစ်များ

२ राजा 25:9

वं परमप्रभुया देगः, दरबार व शहरया फुक्‍क छेँय् मि तयाबिल। ततःखागु फुक्‍क छेँ वं छ्वयेकाबिल।

अय्‍यूब 13:24

छिं थःगु ख्‍वाः छाय् सुचुकादियागु? छाय् जिलिसें शत्रुतनापं थें व्‍यवहार यानादियागु?

अय्‍यूब 19:11

वय्‌कलं थःगु तं जिके प्‍वंकादीगु दु। वय्‌कलं जितः थः शत्रु भाःपियादीगु दु।

भजनसंग्रहया सफू 89:40

छिं वयागु शहरत रक्षा याइगु फुक्‍क पखाः थुनादीगु दु, अले वया किल्‍ला भज्‍यंक स्‍यंकादीगु दु।

भजनसंग्रहया सफू 89:41

अनं जुयाः वनीपिं सकसिनं वयात लुतय् याःगु दु, वया जःलाखःलातय्‌सं वयात हिस्‍याइगु।

यशैया 29:2

अय्‌नं जिं अरीएलयात घेरा लगय् याये अले व ख्‍वइ, दुखं च्‍वनी, व जिगु निंतिं वेदीइ च्‍यानाच्‍वंगु मि जुइ।

यशैया 63:10

अय्‌नं इपिं विद्रोही जुल, अले वय्‌कःया पवित्र आत्‍मायात दुःख बी। अथे जुयाः वय्‌कः इमि शत्रु जुयादिल, अले वय्‌कः थः हे इमिगु विरोधय् ल्‍वानादिल।

यर्मिया 15:1

अले परमप्रभुं जितः धयादिल, “मोशा व शमूएल जिगु न्‍ह्यःने दंसां थ्‍व जातिपाखे जिगु मन वनी मखु। इमित जिगु न्‍ह्यःनं पितिनाछ्व! इमित वनेब्‍यु!

यर्मिया 21:4

‘परमप्रभु इस्राएलया परमेश्‍वरं थथे धयादी, पःखाःया पिने घेरय् यानाच्‍वंपिं बेबिलोनीत व बेबिलोनया जुजुलिसें ल्‍वायेत छिमिसं छ्यलाच्‍वंगु छिमिगु ल्‍हातय् दुगु हतियार जिं थःम्‍हं हे छिमिगु विरोधय् छ्यले त्‍यनागु दु। अले व फुक्‍क हतियार मुंकाः जिं थ्‍व शहर दुने हये।

यर्मिया 30:14

छं फुक्‍क पासापिन्‍सं छन्‍त ल्‍वःमंके धुंकल। इमिसं छन्‍त वास्‍ता मयाः। छं तःधंगु अपराध याःगुलिं व यक्‍व पाप याःगुलिं जिं छन्‍त शत्रु थें कय्‌कागु दु। अले दयामाया मदुम्‍हय्‌सिनं थें छन्‍त सजाँय बियागु दु।

यर्मिया 52:13

वं परमप्रभुया देगः, जुजुया दरबार, व यरूशलेमया फुक्‍क छेँ मिं नकाबिल। वं ततःखाःगु फुक्‍क छेँ मिं नकाबिल।

विलाप 2:2

परमप्रभुं छप्‍तिं हे दयामाया मयासें यहूदाया फुक्‍क बस्‍तीत नुनाछ्वयादिल। थःगु तम्‍वय् वय्‌कलं यहूदाया म्‍ह्याय्‌या किल्‍लात थुनादिल। वय्‌कलं व राज्‍य व वया शासकतय्‌त बँय् क्‍वथलाः क्‍वह्यंकादिल।

विलाप 2:4

शत्रुं थें वय्‌कलं थःगु धनुष वाणं झीत ताकय् याःगु दु। विरोधी थें वय्‌कः दनादीगु दु। स्‍वय्‌बलय् यइपुस्‍से च्‍वंपिं सकसित वय्‌कलं स्‍यानादीगु दु। म्‍ह्याय् सियोनयागु पालय् वय्‌कलं थःगु तं मि थें प्‍वंकादीगु दु।

इजकिएल 2:10

वय्‌कलं उकियात जिगु न्‍ह्यःने फ्‍यनादिल। उकियागु न्‍ह्यःने व ल्‍युने निखेंपाखे शोक, बिलाप व विपत्तिया खँ च्‍वयातःगु दु।

१ शमूएल 28:16

शमूएलं धाल, “परमप्रभुं छितः त्‍वःतूगु दु अले वय्‌कः छिगु विरोधी जुयादीगु दु धयागु खःसा छिं छाय् जितः न्‍यनेकने यानाच्‍वनागु?