विलाप 2:3 - नेवाः बाइबल

³ थःगु तसकं तःधंगु तमय् वय्‌कलं इस्राएलया दक्‍व शक्तियात नाश यानादिल। शत्रुतय्‌गु न्‍ह्यःने हे वय्‌कलं थःगु सुरक्षाया जःपा ल्‍हाः लिकयादिल। वय्‌कःयागु तं याकूबयाके प्‍यखेरं भस्‍म याइगु मि थें च्‍यात।

विलाप 2:3 ပူးပေါင်းရင်းမြစ်များ

२ इतिहास 34:25

इमिसं जितः त्‍वःतूगु दु, मेपिं द्यःतय्‌गु निंतिं धुपाँय् च्‍याकल, इमिसं थःगु हे ल्‍हातं दय्‌कूगु मूर्तितपाखें जितः तंचाय्‌कूगु दु। उकिं जिं थ्‍व थासय् जिगु तं प्‍वंके। व क्‍वलाइ मखु।’”

अय्‍यूब 16:15

जिगु म्‍ह त्‍वपुयेत जिं भांग्रा सुया, जिगु थःगु कपाः धुलय् थुना।

भजनसंग्रहया सफू 132:17

अन जिं दाऊदया छम्‍ह सन्‍तानयात तःधंम्‍ह जुजु दय्‌काबी। अन जिं थःम्‍हं अभिषेक यानाम्‍ह जुजुया राज्‍य ल्‍यंकातये।

भजनसंग्रहया सफू 74:11

छाय् छिं थःगु बल्‍लाःगु जव ल्‍हाः प्‍वः चिनाच्‍वनादियागु? थःगु ल्‍हाः फ्‍यनाः इमित नाश यानादिसँ।

भजनसंग्रहया सफू 75:10

परमेश्‍वरं धयादी, “दुष्‍टतय्‌गु शक्ति जिं न्‍हंकाबी। अले धर्मीतय्‌गु शक्ति अप्‍वय्‌काबी।”

भजनसंग्रहया सफू 75:5

स्‍वर्गया विरोधय् ल्‍हाः ल्‍ह्वने मते। अले विरोधी खँ ल्‍हाना जुइ मते।”

भजनसंग्रहया सफू 79:5

हे परमप्रभु, छि गुबलय् तक जिपिंलिसें तंम्‍वयाच्‍वनादीगु? छि न्‍ह्याबलें तंम्‍वयादीगु ला? छिगु तं सह याये मफय्‌कः च्‍यानाच्‍वनी?

भजनसंग्रहया सफू 89:24

जिं वयात सदां दइगु दया माया यानाच्‍वने, अले वनापं विश्‍वास याये बहःम्‍ह जुयाच्‍वने, जिगु नांपाखें वयागु शक्ति अप्‍वयावनी।

भजनसंग्रहया सफू 89:46

हे परमप्रभु, गुबलय् तक? छु छिं न्‍ह्याबलें जिमिगुपाखें थःगु ख्‍वाः फस्‍वय्‌कादीगु ला? छिगु तं गुबलय् तक मि थें च्‍यानाच्‍वनीगु?

यशैया 1:31

तसकं बल्‍लाःपिं मनूत सुका थें बमलाइ, इमिसं न्‍ह्याःगु याःसां मिकुचा थें जक जुइ निगुलिं छक्‍वलं भस्‍म जुइ, मि स्‍याइम्‍ह सुं दइ मखु।”

यशैया 42:25

अथे जुयाः वय्‌कलं इमित थःगु तं प्‍वंकादीगु खः, अले लडाइँ यानाः स्‍यायेगुया दुःखकष्‍ट याकेबियादिल। मि थें ज्‍याःगु वय्‌कःया तं फुक्‍क इस्राएलय् च्‍याःगु दु। तर छु जुयाच्‍वंगु दु, व इमिसं गुबलें थुइका काःगु मदु, वपाखें इमिसं छुं नं सय्‌का काःगु मदु।

यर्मिया 21:14

जि, परमप्रभुं धाये, जिं छिमिगु ज्‍या स्‍वयाः छिमित सजाँय बी, जिं छिमिगु गुँइ मि तयाबी, उकिं छिमिगु प्‍यखें दुगु फुक्‍क भस्‍म याइ।’”

यर्मिया 4:4

हे यहूदा व यरूशलेमयापिं मनूत, परमप्रभुया न्‍ह्यःने थःगु नुगः हिकी। मखुसा छिमिसं याःगु मभिंगु ज्‍यां यानाः जिगु तं मि थें च्‍यानाः पिहां वइ। सुनानं उकियात स्‍याये फइ मखु।

यर्मिया 48:25

मोआबया नेकूध्‍यनाब्‍यूगु दु अले वयागु ल्‍हाः त्‍वथुलाब्‍यूगु दु,” परमप्रभुं धयादी।

यर्मिया 7:20

उकिं परमप्रभु परमेश्‍वरं धयादी, “थ्‍व थासय् जिं जिगु तं प्‍वंकाबी। मनू व पशु, ख्‍यलय् च्‍वंगु सिमा व बुँया बाली प्‍वंकाबी। जिगु तं मि थें च्‍यानाच्‍वनी, सुनानं उकियात क्‍वलाके फइ मखु।”

विलाप 1:13

“वय्‌कलं स्‍वर्गं जिगु क्‍वँय् दुने मि कुर्का दिल, व मि जिगु दुने छ्वल। वय्‌कलं जिगु तुतिया लागि जाः तयादिल, अले जितः लितछ्वयादिल। वय्‌कलं जितः सुनसान यानाः त्‍वःतादिल अले न्‍हिच्‍छि हे बम्‍लाकादिल।

विलाप 4:11

तर आः परमप्रभुया तं क्‍वलात, वय्‌कलं थःगु च्‍याःगु तं प्‍वंकादिल। वय्‌कलं सियोनय् मि च्‍याकादिल, अथे जुयाः वयागु जगत दक्‍वं भज्‍यंक नाश जुल।

इजकिएल 13:13

“‘उकिं परमप्रभु परमेश्‍वरं थथे धयादी – जिगु तंम्‍वय् जिं छगू ग्‍यानापुगु वाफय् वय्‌काबी, अले जिगु तंम्‍वय् प्‍वँ व तसकं वा वइ, गुकिं व पःखाःयात थुनाबी।

इजकिएल 7:14

“‘इमिसं थःगु तुरही पुयाः फुक्‍क तयारी याये धुंकूसां सुं नं लडाइँलय् वनी मखु, छाय्‌धाःसा जिगु तं फुक्‍क भीडयाके लाःगु दु।

नहूम 1:6

वय्‌कःया तंया न्‍ह्यःने सु दने फइ? वय्‌कःयागु तच्‍वःगु तं सुनां सह याये फइ? वय्‌कःयागु च्‍यानाच्‍वंगु तं मि थें प्‍वंकी, अले वय्‌कःया न्‍ह्यःने ल्‍वहँधीत तज्‍याइगु जुइ।

मलाकी 4:1

“स्‍व! मि च्‍यानाच्‍वंगु भट्टी थें च्‍वंगु व दिं वयाच्‍वंगु दु। उखुन्‍हु सकल घमण्‍डीत व मभिंगु ज्‍या याइपिं सु थें याकनं च्‍याइ। व दिनं इमित हा व कचा तक हे ल्‍यं मदय्‌क छ्वय्‌काबी,” दक्‍व शक्ति दुम्‍ह परमप्रभुं धयादी।

लूका 1:69

वय्‌कलं हे झीत छम्‍ह तसकं तःधंम्‍ह मुक्तिदाता बियादिल। झीम्‍ह मुक्तिदाता वय्‌कःया च्‍यः जुजु दाऊदया सन्‍तानपाखें झाइ।

लूका 3:17

वय्‌कलं ल्‍हातिइ हासा ज्‍वना तयादीगु दु। वय्‌कलं फुक्‍क छ्व हायाः थःगु धुकुतिइ स्‍वथनादी। अले छ्वस जुक्‍व गुबलें मसीगु मिइ छ्वय्‌कादी।”

व्‍यवस्‍था 32:22

जिगु तं आः मि च्‍याःथें च्‍याये धुंकल। थुकिं पृथ्‍वीइ च्‍वंगु फुक्‍कं भस्‍म यानाबी। थ्‍व पातालय्‌ तक न्‍यनावनी, अले पहाडया हा तकं च्‍याकाबी।