विलाप 2:22 - नेवाः बाइबल

²² “नखःबलय् मनूत मुं थें, छिं जिगु प्‍यखेरं आतंक मुंकादिल। परमप्रभुया तंया दिनय् सुं छम्‍ह न बिस्‍युं वने फत न बचय् जुल। जिं हे ब्‍वलंका तःधिक यानातयापिन्‍त जिमि शत्रुं सिधय्‌का बिल।”

विलाप 2:22 ပူးပေါင်းရင်းမြစ်များ

२ इतिहास 36:17

अथे जुयाः परमप्रभुं इमित हमला यायेत बेबिलोनयाम्‍ह जुजुयात हयादिल। व जुजुं यहूदाया ल्‍याय्‌म्‍हपिं मिजंतय्‌त देगः दुने तरवारं स्‍यात। वं ल्‍याय्‌म्‍हपिं, ल्‍यास्‍यपिं, बुरापिं, मिसा मिजं, कमजोरपिं सुयातं नं बाकि मतः। इपिं सकसितं परमेश्‍वरं वयागु ल्‍हातय् बियादिल।

भजनसंग्रहया सफू 31:13

जिं जिगु बारे यक्‍व हे खँ न्‍यनागु दु। जितः प्‍यखें ग्‍यानापुयाच्‍वंगु दु। जिमि शत्रुतय्‌सं जिगु विरोधय् जाः ग्‍वयाः जितः स्‍यायेत स्‍वयाच्‍वंगु दु।

यशैया 28:19

गुबलय् गुबलय् व तच्‍वकं थाहां वइ उकिं छिमित चुइकायंकी। सुथ पतिकं, न्‍हिनय् व चान्‍हय् व थाहां वइ।” थ्‍व बुखँ थूपिनिगु निंतिं तसकं भय जक हइ।

यर्मिया 11:11

उकिं परमप्रभुं थथे धयादी, ‘स्‍व! जिं थम्‍हं हे इमिथाय् इपिं बचय् जुइ मफय्‌क विपत्ति हये। अले इमिसं जितः सःतूसां जिं लिसः बी मखु।

यर्मिया 14:19

छु! छिं यहूदायात त्‍वःता हे दियागु खः ला? छितः सियोन तसकं मयः ला? जिमित लने हे मफय्‌क छाय् छिं कय्‌कादियागु? जिमिसं शान्‍तिया आशा यानाः तर छुं नं भिंगु खँ मवः। लनीगु ई पियाच्‍वनाः तर आतंक जक दु।

यर्मिया 20:3

कन्‍हय् खुन्‍हु पशहूरं यर्मियायात सिँ पतिं लिकाल अले यर्मियां वयात धाल, “परमप्रभुं छंगु नां पशहूर मखु, तर मागोर-मिस्‍साबीब तयादीगु दु।

यर्मिया 21:7

जि, परमप्रभुं धाये, अनंलि यहूदाया जुजु सिदकियाह, वया हाकिमत महामारी, तरवार व अनिकालं बचय्‌जूपिं थ्‍व शहरय् दुपिं मनूतय्‌त बेबिलोनया जुजु नबूकदनेसर व इमित स्‍यायेत स्‍वयाच्‍वंपिं शत्रुतय्‌गु ल्‍हातय् जिं लःल्‍हानाबी। वं इमित तरवारं स्‍याइ, वं इमित त्‍वःती मखु अले दया नं याइ मखु, माया नं याइ मखु।’

यर्मिया 44:7

“आः दक्‍व शक्ति दुम्‍ह परमप्रभु, इस्राएलया परमेश्‍वरं थथे धयादी – यहूदापाखें मिजंपिं, मिस्‍त, चीधिकःपिं मस्‍त व ह्याउँमस्‍त नाश याकाः सुं छम्‍ह हे ल्‍यं मदय्‌क छिमिसं थःपिन्‍के थज्‍याःगु विपत्ति छाय् हयेगु?

यर्मिया 46:5

तर जिं छु खनाच्‍वना? इपिं ला ग्‍यानाच्‍वंगु दु। इपिं लिचिलाच्‍वंगु दु। इमि सिपाइँत बुत। इपिं हथाय् पथासं बिस्‍युं वनाच्‍वंगु दु। इमिसं लिफः मस्‍वः, प्‍यखेरं आतंक हे आतंक दु,” परमप्रभुं धयादी।

यर्मिया 6:25

बुँइ वने मते, लँय् नं वने मते! छाय्‌धाःसा शत्रु तरवार ज्‍वनाः च्‍वनाच्‍वंगु दु। प्‍यखें आतंक हे आतंक दु।

व्‍यवस्‍था 28:18

छिमि मचाखाचातय्‌त अले अन्‍न, सा द्वहं व फैच्‍वलय्‌या मस्‍तय्‌त सराः लाइ।