विलाप 2:16 - नेवाः बाइबल

¹⁶ छिमि दक्‍व शत्रुतय्‌सं छंगु विरोधय् म्‍हुतु चाय्‌काः छन्‍त हेला याइ। इमिसं छन्‍त हेला यानाः वा किरिकिरि न्‍ह्यइ, अले धाइ, “जिमिसं हे वयात नाश याना, हः हः, थ्‍व हे दिं पियाच्‍वनागु खः, जिपिं म्‍वाना च्‍वनाबलय् हे थ्‍व स्‍वयेदत।”

विलाप 2:16 ပူးပေါင်းရင်းမြစ်များ

भजनसंग्रहया सफू 109:2

दुष्‍ट मनूत व मखुगु खँ ल्‍हाइपिं मनूत जिलिसें ल्‍वाः वःगु दु। इमिसं जिगु बारे मखुगु खँ ल्‍हाइगु।

भजनसंग्रहया सफू 112:10

थ्‍व खनाः दुष्‍टत तंचाइ, इमिसं वाकु छी अले नाश जुइ, दुष्‍टतय्‌गु इच्‍छा पूवनी मखु।

भजनसंग्रहया सफू 124:3

झीपिं खनाः इपिं मि थें तं चाःबलय्, इमिसं झीत म्‍वाःम्‍वाकं नुनाछ्वये धुंकीगु।

भजनसंग्रहया सफू 22:13

सिंह थें हालाः इपिं जितः कुचा कुचा थलेत म्‍हुतुप्‍वाः चाय्‌काः न्‍ह्याःवयाच्‍वंगु दु।

भजनसंग्रहया सफू 35:16

इमिसं जितः हेस्‍यानाः क्‍वह्यंका जुल। इमिसं जितः बेक्‍वः मिखां स्‍वयाजुल।

भजनसंग्रहया सफू 35:21

इमिसं ततःसलं जितः दोष बियाः धाइ, “छं छु यात धकाः जिमिसं थःगु हे मिखां स्‍वयेदत, बल्‍ल लात का!”

भजनसंग्रहया सफू 35:25

“आहा! झीसं मनंतुना थें झीत दत” धकाः इमित धाय्‌केबियादी मते। “झीसं वयात म्‍वाःम्‍वाकं नुनेधुन” धकाः इमित धाय्‌केबियादी मते।

भजनसंग्रहया सफू 37:12

मभिंपिन्‍सं भिंपिन्‍त स्‍यंकेत जाः ग्‍वयाजुइ, अले इमित बेक्‍वः मिखां स्‍वयाजुइ।

भजनसंग्रहया सफू 41:8

“वयात तःल्‍वचं कःगु दु, व आः लासां हे दनावये फइ मखुत।”

भजनसंग्रहया सफू 56:2

जितः महीपिन्‍सं जितः न्‍हिच्‍छि हे लिनाच्‍वन। गुलिं गुलिंसिनं ला घमण्‍ड यानाः हय्‌क्‍कायेत नं स्‍वयाच्‍वन।

भजनसंग्रहया सफू 57:3

वय्‌कलं जिगु निंतिं स्‍वर्गं ग्‍वाहालि छ्वयाहयादी, अले जितः बचय् यानादी। वय्‌कलं जितः लित्तुलिनाजूपिन्‍त बुकाछ्वयादी। सेला वय्‌कलं गुब्‍सं मफुइगु थःगु दया माया व वय्‌कः विश्‍वास याये बहःम्‍ह खः धकाः क्‍यनादी।

यशैया 49:19

“अय्, यरूशलेम, छ पतन व नाश जूसां अले छिमिगु देश झिजांमिजां यानाब्‍यूसां आवंलि मनूत च्‍वनेत छ तसकं चीकू जुइ। अले छन्‍त नुनाछ्वइपिं धाःसा छपाखें यक्‍व तापाक्‍क वनी।

यर्मिया 26:6

जिं थ्‍व देगःयात शीलोयात थें नाश यानाबी, अले पृथ्‍वीयागु फुक्‍क जातितय्‌सं थ्‍व शहरया नां कयाः सराः बी।’”

यर्मिया 29:18

इमित जिं तरवार, अनिकाल व महामारीं लिनाछ्वये। व खनाः संसारया फुक्‍क मनूत तसकं ग्‍याइ। जिं इमित लिनाछ्वयागु फुक्‍क जातितय्‌गु दथुइ जिं इमित सराः, भय, गिल्‍ला व निन्‍दाया पात्र दय्‌के।

यर्मिया 50:17

“इस्राएल ला सिंहं लिनाः छ्यालब्‍याल जूगु बथां थें खः। वयात न्‍हापा ला अश्‍शूरयाम्‍ह जुजुं नल, लिपतय् बेबिलोनयाम्‍ह जुजु नबूकदनेसरं वयागु क्‍वँय्‌त त्‍वथुलाबिल।”

यर्मिया 50:7

इमित नापलाकूपिन्‍सं इमित नयाबिल। इमि शत्रुतय्‌सं धाल, ‘थुकी जिमिगु छुं दोष मदु, छाय्‌धाःसा इमिसं इमिगु खःगु च्‍वनेगु थाय् परमप्रभु, इमि पुर्खातय्‌गु आशा, परमप्रभुया विरोधय् पापयात।’

यर्मिया 51:34

सियोनयापिं मनूतय्‌सं धाइ, “बेबिलोनयाम्‍ह जुजु नबूकदनेसरं जिमित नयाबिल, वं जिमित अलमल यानाबिल। जिमित वं छगः प्‍वंगु थल थें यानाब्‍यूगु दु। वं जिमित पपुदुपिं अजिङ्‌गरं थें नुनाछ्वल। साःगु नसायात थें जिमित नयाः थःगु प्‍वाः जाय्‌कल, अनंलि ल्‍ह्वयाः जिमित वांछ्वल।

विलाप 1:21

“मनूतय्‌सं जिगु झसुकाः न्‍यंगु दु, अय्‌नं जितः ह्ययेकीपिं सुं हे मदु। जिमि दक्‍व शत्रुतय्‌सं जिगु दुःखकष्‍टया खँ न्‍यंगु दु। छिं थथे यानादीगुलिं इपिं लय्‌ताःगु दु। छिं धयादीगु दिं हयादिसँ, गुकिं यानाः इपिं नं जि थें जुइमा।

विलाप 3:46

“जिमि दक्‍व शत्रुतय्‌सं जिमिगु विरोधय् म्‍हुतु चाय्‌काः जिमित हेला याःगु दु।

इजकिएल 23:32

“परमप्रभु परमेश्‍वरं थथे धयादी – “छं तग्‍वःगु व तःजाःगु छिमि ततायागु ख्‍वलां त्‍वनी, सकसिनं छन्‍त हेस्‍याइ अले हेला याइ, छाय्‌धाःसा उगु ख्‍वलाय् यक्‍व न्‍ह्यं।

इजकिएल 25:15

“परमप्रभु परमेश्‍वरं थथे धयादी, ‘पलिश्‍तीतय्‌सं बदला कायेगु ज्‍या यात, थःगु नुगलय् ईख तयाः बदला कायेगु ज्‍या यात, अले पुलांगु दुश्‍मनी कयाः यहूदायात नाश यायेत स्‍वल।

इजकिएल 25:3

इमित धा, ‘अय् अम्‍मोनीत, परमप्रभु परमेश्‍वरयागु वचन न्‍यँ। परमप्रभु परमेश्‍वरं थथे धयादी – जिगु पवित्र थाय्‌यात अपवित्र याःबलय्, इस्राएल देशयात तहसनहस याःबलय् अले यहूदायापिं मनूतय्‌त ज्‍वनायंकूबलय् छिमिसं “आहा, आहा!” धाल।

इजकिएल 25:6

परमप्रभु परमेश्‍वरं थथे धयादी – छिमिसं इस्राएल देशया विरोधय् ल्‍हाःपा थाःगु व प्‍याखं हुगु दु, छिमिगु नुगलय् दुगु ईखया कारणं छिपिं लय्‌ताःगु दु।

इजकिएल 36:3

उकिं अगमवाणी यानाः इमित धा, ‘परमप्रभु परमेश्‍वरं थथे धयादी – इमिसं छिमित फुक्‍क थासं हमला यात अले लित्तुलित। अथे जुयाः छिपिं मेगु ल्‍यं दुगु जातितय्‌गु अधीनय् लात, अले छिमि प्‍यखेरं च्‍वंपिं मनूतय्‌सं छिमित हेस्‍यात अले छिमित क्‍वह्यंकल।

इजकिएल 5:15

जिगु तं व झ्‍वँक छंके लाइबलय् अले जिं छन्‍त सजाँय बीबलय् छिमि प्‍यखेरं च्‍वंपिं जातित ग्‍याइ। इमिसं छन्‍त बेक्‍वः मिखां स्‍वइ, अले छन्‍त हेस्‍याइ। जि परमप्रभुं हे थ्‍व धयागु खः।

होशे 8:8

इस्राएलयात नुनाछ्वल, व जात-जातियापिं मनूतय्‌गु दथुइ ज्‍यागलय् मजूगु थल थें जुल।

मीका 4:11

आः यक्‍व हे जातित छंगु विरोधय् मुनाः छंगु बारे धाइ, “सियोन स्‍यना हे च्‍वनेमा अले जिमिसं व खनेमा।”

प्रेरित 7:54

थ्‍व खँ न्‍यनेवं इमिसं तसकं तं पिकयाः वा न्‍ह्यल।