विलाप 2:13 - नेवाः बाइबल

¹³ हे म्‍ह्याय् यरूशलेम, जिं छंगु निंतिं छु धाये? जिं छन्‍त छुनापं दाँजय् यायेगु? हे कन्‍या म्‍ह्याय् सियोन, छुनापं दाँजय् यानाः जिं छन्‍त सान्‍त्‍वना बीगु? छंगु घाःपाः तसकं तःजिगु समुद्र स्‍वयाः तःजाः। छन्‍त लाय्‌के फुम्‍ह सु दु?

विलाप 2:13 ပူးပေါင်းရင်းမြစ်များ

२ शमूएल 5:20

दाऊद व वया सेना बाल-पराजीमय् वन। अन इमिसं पलिश्‍तीतय्‌त बुकल। अले दाऊदं धाल, “लः पंम्‍हुया पिहां वःगु थें परमप्रभु जिमि शत्रुतय् विरोधय् जिगु न्‍ह्यःने पंम्‍हुया पिहां झाःगु दु।” अथे जुयाः व थाय्‌या नां बाल-पराजीम तल।

२ राजा 19:21

वयागु विरोधय् परमप्रभुं थथे धयादीगु दु – “‘सियोनया कुमारी म्‍ह्याय्‌नं छन्‍त हेपे याःगु दु, छन्‍त हेस्‍याइ। यरूशलेमया म्‍ह्याय्‌नं छ बिंस्‍यु वंबलय् छ्यं संकी।

भजनसंग्रहया सफू 60:2

छिं जिमिगु बँयात लिगिलिगि संकाब्‍यूगु दु, जिमिगु बँयात चिरिफायाब्‍यूगु दु। आः थुकियात जाय्‌काबियादिसँ, छाय्‌धाःसा थ्‍व आः नं सनाच्‍वंगु दु।

यशैया 37:22

वयागु विरोधय् परमप्रभुं थथे धयादीगु दु – “‘अय् सियोनया कुमारी म्‍ह्याय् छन्‍त हेपे याःगु दु, छन्‍त हेस्‍याःगु दु। यरूशलेमया म्‍ह्याय्‌नं छ बिस्‍युं वंबलय् छ्यं क्‍वाःगु दु,

यर्मिया 14:17

“आः हे यर्मिया, छं इमित थ्‍व वचन धा, “‘जिगु मिखां मदिक्‍क चान्‍हि ख्‍वःबि पिहां वयाच्‍वनेमा। छाय्‌धाःसा कुमारी म्‍ह्याय्, जिमि मू वंपिं मनूत तसकं घाःपाः जूगु दु। इमित तःधंगु घाः जूगु दु।

यर्मिया 14:19

छु! छिं यहूदायात त्‍वःता हे दियागु खः ला? छितः सियोन तसकं मयः ला? जिमित लने हे मफय्‌क छाय् छिं कय्‌कादियागु? जिमिसं शान्‍तिया आशा यानाः तर छुं नं भिंगु खँ मवः। लनीगु ई पियाच्‍वनाः तर आतंक जक दु।

यर्मिया 8:22

छु गिलादय् मलहम मदु ला? छु अन सुं वैद्य मदु ला? जिमि मनूत छाय् मलंगु लय्?

यर्मिया 9:18

इपिं याकनं वयेमा, झीगु मिखां ख्‍वःबि पिहां वय्‌क अले झीगु मिखासं ख्‍वःबि स्‍वः स्‍वः वय्‌क झीगु निंतिं नुगःपा दादां ख्‍वये मा।

विलाप 1:12

थ्‍व लँपु जुयावनीपिं सकलें मनूत, छु छिमित थुकियागु छुं वास्‍ता मदु ला? प्‍यखेरं स्‍व व बिचाः या, थःगु तःधंगु तंया दिनय्, परमप्रभुं जितः बियादीगु दुःखकष्‍ट थें ज्‍याःगु मेगु छुं दुःख दु ला?

इजकिएल 32:31

“फारो व वया फुक्‍क सेनां इमित खनी, अले थःगु सेना नाश जूगुलिं वयात सान्‍त्‍वना दइ। जि, परमप्रभु परमेश्‍वर न्‍ववानागु दु।

दानिएल 9:12

जिमिथाय् तःधंगु विपत्ति हयाः जिमिगु व जिमि शासकतय्‌गु बारे न्‍ववानादीगु बचं छिं पूवंकादीगु दु। यरूशलेमय् वःगु विपत्ति थें ज्‍याःगु विपत्ति संसारय् गन नं मवःनि।