विलाप 2:12 - नेवाः बाइबल

¹² ख्‍वख्‍वं थः मांयात धाइ, “नयेपित्‍यात, नयेत्‍वनेगु गन दु?” इपिं शहरया गल्‍लि गल्‍लिइ घाःपा जूपिं मनूत थें मूर्च्‍छा जुइ। इपिं थः मांयागु मुलय् हे बुलुहुं बुलुहुं सीगु।

विलाप 2:12 ပူးပေါင်းရင်းမြစ်များ

अय्‍यूब 30:16

“आः जिगु प्राण जिगु दुने हे कम जुयाः वनाच्‍वंगु दु। सास्‍तीया दिनं जितः न्‍हियान्‍हिथं थःगु पन्‍जलय् ज्‍वंगु दु।

भजनसंग्रहया सफू 42:4

न्‍हापाया खँ लुमंकीबलय् जिगु नुगः तज्‍यानावइ। उबलय् जि मनूतय्‌गु पुचःलिसे जुइगु खः। मनूतय् न्‍ह्यलुवाः जुयाः प्रशंसाया म्‍ये हा हां, लय्‌तातां परमेश्‍वरया देगलय् वनेगु।

भजनसंग्रहया सफू 62:8

हे मनूत! वय्‌कःयात न्‍ह्याबलें विश्‍वास या। थःगु नुगः वय्‌कःयात चाय्‌काः क्‍यँ। छाय्‌धाःसा परमेश्‍वर झीगु शरण कायेगु थाय् खः। सेला

यशैया 51:20

छिमि काय्‌पिं मूर्च्‍छा जूगु दु। चल्‍ला जालय् क्‍यं थें इपिं नं बल मदयाः लँय् क्‍वदःगु दु। इमिके परमप्रभुया तं व छिमि परमेश्‍वरया ख्‍याच्‍वलं जाःगु दु।

यशैया 53:12

अथे जुयाः जिं तःधंपिंनापं हे वयात नं छगू भाग बी, वं लाकाहःगु माल बल्‍लाःपिंनापं इनी। छाय्‌धाःसा वं थःगु जीवन पानाबिल, व पापीतनापं हे वयात ल्‍याः खात। वं यक्‍वसिगु पाप क्‍वबिल, व पापीतय्‌गु निंतिं स्‍वापु तइम्‍ह जुल।

यर्मिया 5:17

इमिसं छिमिगु बाली व नसा क्‍वाप्‍प नयाबी, छिमि काय् म्‍ह्याय्‌पिन्‍त क्‍वाप्‍प नयाबी, इमिसं छिमि सा द्वहं व फै-च्‍वलय् क्‍वाप्‍प नयाबी, छिमिगु दाख व यःमरिमा क्‍वाप्‍प नयाबी। छिमिसं भलसा याःगु पःखाः ग्‍वयातःगु शहरत इमिसं तरवारं नाश याइ।”

विलाप 1:11

वया दक्‍व मनूत झसुकाः ततं अन्‍न मालाच्‍वंगु दु। थःगु ज्‍यान बचय् यायेत इमिसं नयेगु नसालिसें थःगु मू वंगु ज्‍वलं हिली। “हे परमप्रभु, स्‍वयादिसँ अले बिचाः यानादिसँ, छाय्‌धाःसा जि क्‍वह्यंम्‍ह जूगु दु।”

विलाप 4:4

दुरु त्‍वनीपिं मस्‍तय्‌गु मेचा प्‍याः चायाः म्‍हुतुया थक्‍वय् प्‍यपुनी। मस्‍तय्‌सं नय् त्‍वनेगु फ्‍वनी, तर सुनानं इमित छुं हे बी मखु।

इजकिएल 30:24

जिं बेबिलोनयाम्‍ह जुजुया ल्‍हाःयात बल्‍लाकाः जिगु तरवार वयागु ल्‍हातय् बी। तर जिं फारोया लप्‍पा त्‍वथुलाबी, व धाःसा वयागु न्‍ह्यःने सी थें च्‍वंक घाःपाः जूम्‍ह मनू थें हाली।