विलाप 2:11 - नेवाः बाइबल

¹¹ ख्‍वख्‍वं ख्‍वबिं हे जिगु मिखा न्‍यलय् धुंकल। जिगु नुगः क्‍वतुन। जिमि मनूत नाश जूगुलिं, जिमि मस्‍त व दुरु त्‍वंपिं मस्‍त शहर शहरय् व गल्‍लि गल्‍लिइ मूर्च्‍छा जूगुलिं जिगु नुगः तसकं ख्‍वःगु दु।

विलाप 2:11 ပူးပေါင်းရင်းမြစ်များ

अय्‍यूब 16:13

वय्‌कःया धनुष वाण कय्‌किपिं जिगु प्‍यखेरं दु। दया मतसें वय्‌कलं जिगु जलासेँलय् प्‍वाः खनाबिल। वय्‌कलं जिगु खाइप्‍वः बँय् प्‍वंकादीगु दु।

अय्‍यूब 30:27

जिगु दुने हलचल जुयाच्‍वंगु दु, जिगु दुःखया दिं वये धुंकल।

भजनसंग्रहया सफू 119:82

छिगु बचं पिया च्‍वँच्‍वं जिगु मिखा बुलुसे च्‍वने धुंकल। जिं धाये, “छिं गुबलय् शान्‍ति बियादी?”

भजनसंग्रहया सफू 22:14

जिगु तागत लः थें ज्‍वयावने धुंकल। जिगु क्‍वँय्‌या फुक्‍क साहा साहा ब्‍यनावने धुंकल। सी थें जिगु नुगः नायावने धुंकल।

भजनसंग्रहया सफू 31:9

हे परमप्रभु, जितः दया यानादिसँ। छाय्‌धाःसा जि दुःखकष्‍टय् लानाच्‍वंगु दु। ख्‍वख्‍वं जिगु मिखा बुल्‍लुसे च्‍वने धुंकल। जिगु म्‍ह व आत्‍मा नं न्‍यले धुंकल।

भजनसंग्रहया सफू 38:8

जिगु म्‍ह छम्‍हं न्‍यले धुंकल, म्‍ह छम्‍हं चाःतुलावने धुंकल, जिगु स्‍याः नुगलं झसुकाः पिज्‍वयाच्‍वंगु दु।

भजनसंग्रहया सफू 6:7

ख्‍वख्‍वं जिगु मिखा बुलुइ धुंकल। जि शत्रुतय्‌सं यानाः ख्‍व जक ख्‍वयाः जिगु मिखा मनावये धुंकल।

भजनसंग्रहया सफू 69:3

ग्‍वाहालिया निंतिं हा हां जि न्‍यलेधुन, जिगु सः सुइधुंकल। परमेश्‍वरयागु लँ स्‍वस्‍वं जिगु मिखा त्‍यानुइ धुंकल।

यशैया 22:4

अथे जुयाः जिं धया, “जिपाखें फःहिला हुँ! जितः ह्वाँय्‌ह्वाँय् ख्‍वये ब्‍यु, जिमि प्रजाया नाशया कारणं जितः ह्यय्‌केगु कुतः याये मते।”

यशैया 38:14

इखुंचा व सलांत्‍याः झंगलं थें जिं चिरबिर यानाः हाला। सुकुभत्तुं थें विलाप याना, च्‍वय्‌ आकाशय् स्‍वस्‍वं हे जिगु मिखा त्‍यानुइ धुंकल। हे परमप्रभु, जि दुःखय् लाःगु दु। छिं हे जितः ग्‍वाहालि यानादिसँ।”

यशैया 51:20

छिमि काय्‌पिं मूर्च्‍छा जूगु दु। चल्‍ला जालय् क्‍यं थें इपिं नं बल मदयाः लँय् क्‍वदःगु दु। इमिके परमप्रभुया तं व छिमि परमेश्‍वरया ख्‍याच्‍वलं जाःगु दु।

यर्मिया 14:17

“आः हे यर्मिया, छं इमित थ्‍व वचन धा, “‘जिगु मिखां मदिक्‍क चान्‍हि ख्‍वःबि पिहां वयाच्‍वनेमा। छाय्‌धाःसा कुमारी म्‍ह्याय्, जिमि मू वंपिं मनूत तसकं घाःपाः जूगु दु। इमित तःधंगु घाः जूगु दु।

यर्मिया 4:19

जिगु नुगः! जिगु नुगः! जिगु नुगः स्‍यानाः वाथा वाथा कनाच्‍वंगु दु। जि सुम्‍क च्‍वने मफु। जिं तुरहीया सः व लडाइँया सः ताःगु दु।

यर्मिया 44:7

“आः दक्‍व शक्ति दुम्‍ह परमप्रभु, इस्राएलया परमेश्‍वरं थथे धयादी – यहूदापाखें मिजंपिं, मिस्‍त, चीधिकःपिं मस्‍त व ह्याउँमस्‍त नाश याकाः सुं छम्‍ह हे ल्‍यं मदय्‌क छिमिसं थःपिन्‍के थज्‍याःगु विपत्ति छाय् हयेगु?

यर्मिया 8:19

ध्‍यान बियाः न्‍यँ! तापाःगु देशं जिमि मनूत ख्‍वयाच्‍वंगु सः ताये दयाच्‍वंगु दु। “छु परमप्रभु सियोनय् मदी ला? छु आः अन जुजु मदी ला?” “इमिसं छाय् जितः थःगु मूर्तितपाखें व ज्‍यालगे मजूगु विदेशी मूर्तितपाखें तंचायेकूगु?”

विलाप 1:11

वया दक्‍व मनूत झसुकाः ततं अन्‍न मालाच्‍वंगु दु। थःगु ज्‍यान बचय् यायेत इमिसं नयेगु नसालिसें थःगु मू वंगु ज्‍वलं हिली। “हे परमप्रभु, स्‍वयादिसँ अले बिचाः यानादिसँ, छाय्‌धाःसा जि क्‍वह्यंम्‍ह जूगु दु।”

विलाप 1:16

“अथे जुयाः जि ख्‍वया च्‍वना, जिगु मिखां ख्‍वःबि धाः हायाः च्‍वंगु दु, जितः ह्ययेकीपिं सुं हे मदु, जितः साहस बी फुपिं सुं हे मदु। जिमि मस्‍त छुं मदुपिं जूगु दु, छाय्‌धाःसा शत्रुत त्‍याःगु दु।”

विलाप 1:20

“हे परमप्रभु स्‍वयादिसँ, जि दुःखय् लाःगु दु। जिगु नुगः ख्‍वःगु दु, अले जिगु मन थातय् मला, छाय्‌धाःसा जि विद्रोही जुयागु दु। लँय् लँय् स्‍याये पाले जूगु दु, छेँय् दुने नं सीगु दु।

विलाप 5:17

थथे जुयाः जिमिगु नुगः बमलाये धुंकल, जिमिगु मिखा बुलुइ धुंकल।

लूका 23:29

छाय्‌धाःसा अज्‍याःगु दिं नं वइतिनि, गुबलय् मनूतय्‌सं मचा मदुपिं, मचा बुइके मलंपिं व मचायात दुरु त्‍वंके मलंपिं धन्‍यपिं खः धकाः धाइ।

१ शमूएल 30:4

अले इपिं तसकं ख्‍वल। थुलि अप्‍वः ख्‍वल कि इमिके शक्ति हे मदयावन।