विलाप 2:1 - नेवाः बाइबल

¹ परमप्रभुं थःगु तम्‍वय् म्‍ह्याय् सियोनयात गय् यानाः तसकं खिउँगुलिं त्‍वपुयादीगु दु। वय्‌कलं इस्राएलया गौरवयात आकाशं पृथ्‍वीइ वांछ्वयादिल। थःगु तंया दिनय् वय्‌कलं थःगु पाउदानयात नं लुमंका मदी।

विलाप 2:1 ပူးပေါင်းရင်းမြစ်များ

२ शमूएल 1:19

“हे इस्राएल, छंगु महिमायात छंगु ततःज्‍जाःगु थासय् स्‍याःगु दु। तसकं बल्‍लाःपिं सिपाइँत, छिपिं गुकथं क्‍वदल!”

१ इतिहास 28:2

अले दनाः दाऊद जुजुं धाल, “हे जिमि दाजुकिजा व थः मनूत, जिगु खँ न्‍यँ। जिं परमप्रभु परमेश्‍वरया बाचाया सनूया निंतिं, परमेश्‍वरया पाउदानया निंतिं न्‍ह्याबलें दयाच्‍वनीगु छगू देगः दय्‌केगु इच्‍छा यानागु खः। अले जिं व दय्‌केत तयारी नं याना।

भजनसंग्रहया सफू 132:7

“वा, झीपिं परमप्रभुया देगलय् वनेनु, झीसं वय्‌कःया सिंहासनया न्‍ह्यःने आराधना यायेनु।”

भजनसंग्रहया सफू 89:45

वयागु ल्‍याय्‌म्‍हया दिं छिं कम यानादीगु दु, छिं वयात लज्‍यां त्‍वपुयादीगु दु। सेला

भजनसंग्रहया सफू 99:5

परमप्रभु झी परमेश्‍वरया प्रशंसा या वय्‌कःया सिंहासनया न्‍ह्यःने छ्यं क्‍वछुकि। वय्‌कः पवित्र खः।

यशैया 64:11

जिमि पुर्खातय्‌सं छितः आराधना याइगु पवित्र व झःझः धाःगु देगः मिं नये धुंकूगु दु। झीसं तसकं मू वंगु ताय्‌कागु सम्‍पत्ति नाश जुइ धंकूगु दु।

यर्मिया 30:14

छं फुक्‍क पासापिन्‍सं छन्‍त ल्‍वःमंके धुंकल। इमिसं छन्‍त वास्‍ता मयाः। छं तःधंगु अपराध याःगुलिं व यक्‍व पाप याःगुलिं जिं छन्‍त शत्रु थें कय्‌कागु दु। अले दयामाया मदुम्‍हय्‌सिनं थें छन्‍त सजाँय बियागु दु।

विलाप 1:1

न्‍हापा ग्‍वाः ग्‍वाः मनूत दुगु यरूशलेम, आः गुलि झिजांमिजां दंगु दु! आः व भाःत सी धुंकूम्‍ह थें जूगु दु। छगू इलय् व जाति जातितय्‌गु दथुइ तःधंगु, प्रान्‍त प्रान्‍तय् राजकुमारी थें खः, तर आः व दासी जूगु दु।

विलाप 1:12

थ्‍व लँपु जुयावनीपिं सकलें मनूत, छु छिमित थुकियागु छुं वास्‍ता मदु ला? प्‍यखेरं स्‍व व बिचाः या, थःगु तःधंगु तंया दिनय्, परमप्रभुं जितः बियादीगु दुःखकष्‍ट थें ज्‍याःगु मेगु छुं दुःख दु ला?

विलाप 2:17

परमप्रभुं छु योजना यानादीगु खः। यक्‍व दँ न्‍हापा वय्‌कलं छु घोषणा यानादीगु खः, व हे वचन वय्‌कलं पूवंकादिल। छुं हे दयामाया मदय्‌क वय्‌कलं छन्‍त नाश यानादिल। वय्‌कलं शत्रुयात छंगुपाखें लय्‌ताय्‌कादिल, अले छंगु शत्रुतय्‌गु शक्ति अप्‍वय्‌कादीगु दु।

विलाप 4:1

लुँ मथिना वने धुंकल! भिंगु लुँ तक नं बुलुया वने धुंकल। पवित्र थाय्‌यागु मू तूगु ल्‍वहंत चुक चुकय् वांछ्वयातःगु दु!

विलाप 4:11

तर आः परमप्रभुया तं क्‍वलात, वय्‌कलं थःगु च्‍याःगु तं प्‍वंकादिल। वय्‌कलं सियोनय् मि च्‍याकादिल, अथे जुयाः वयागु जगत दक्‍वं भज्‍यंक नाश जुल।

इजकिएल 13:13

“‘उकिं परमप्रभु परमेश्‍वरं थथे धयादी – जिगु तंम्‍वय् जिं छगू ग्‍यानापुगु वाफय् वय्‌काबी, अले जिगु तंम्‍वय् प्‍वँ व तसकं वा वइ, गुकिं व पःखाःयात थुनाबी।

इजकिएल 19:12

तर तंम्‍वय् उकियात लिनाकाल। उकियात बँय् वांछ्वयाबिल। पुर्बयागु क्‍वाःगु फसं उकियात गंकाबिल, उकिया फुक्‍क फल कुतुंवन। उकियागु बल्‍लाःगु कचात फुक्‍क गन, मिं उपिं भस्‍म जुल।

इजकिएल 24:21

छं इस्राएलया घरानायात धा, ‘परमप्रभु परमेश्‍वरं थथे धयादी – स्‍व! जिं थःगु पवित्रथाय् अर्थात छिमिगु सुरक्षा व गर्वया मूल, छिमिगु मिखाया नानिचा, छिमिसं दुनुगलंनिसें यय्‌कूगु थाय्‌यात अपवित्र याये त्‍यनागु दु। छिमिसं अन त्‍वःताःवःपिं छिमि काय् म्‍ह्याय्‌पिन्‍त तरवारं स्‍याइगु जुइ।

इजकिएल 30:18

तहपनेसय् जिं मिश्रीतय्‌गु जुवा त्‍वथुलाबीबलय् अन न्‍हिनय् हे खिउँसे च्‍वनी, वं घमण्‍ड याइगु वयागु शक्तिया नाश जुइ। वयात सुपाँचं त्‍वपुइ, वया गांतय्‌त ज्‍वना यंकी।

योएल 2:2

खिउँसे व म्‍हाइपुसे च्‍वंगु दिं, सुपाँय् व यक्‍व हे खिउँसे च्‍वंगु दिं! डाँडाय् सुथय्‌यागु निभाः लाःगु थें छगू तःधंगु व बल्‍लाःगु सेना वइ। अज्‍याःपिं गुबलें मवनी, हानं गुबलें वइ नं मखु।

मत्ती 11:23

“हे कफर्नहुमय् च्‍वंपिं मनूत, छिमित छु स्‍वर्गय् थत यनी धयाच्‍वनागु ला? छिमित ला नरकय् क्‍वफाइ। छिमिथाय् याःगु अजू चायापुगु ज्‍याखँ सदोमय् याःगु जूसा आः तक नं सदोम दयाच्‍वनीगु जुइ।

लूका 10:15

‘हे कफर्नहुमय् च्‍वंपिं मनूत, छिमित छु स्‍वर्गय् थत यनी धयाच्‍वनागु ला? छिमित ला नरकय् क्‍वफाइ।’”

लूका 10:18

अले वय्‌कलं इमित धयादिल – “जिं शैतानयात स्‍वर्गं हाबलासा थें च्‍यानाः कुतुं वःगु खना।

१ शमूएल 4:21

मचाया नां ईकाबोद तयाः वं थथे धाल, “इस्राएलपाखें परमेश्‍वरया महिमा तनावंगु दु।” थुकथं वं परमेश्‍वरया बाचाया सनू लाकायंकूगु अले थः ससःबौ व भाःतयात स्‍याःगु खँ प्‍वंकल।

१ शमूएल 4:22

वं धाल, “परमेश्‍वरया महिमां इस्राएलीतय्‌त त्‍वःता वंगु दु छाय्‌धाःसा परमेश्‍वरया बाचाया सनू लाकायंकूगु दु।”